ألم فراق بنت خالتي اللي كانت كل حاجة في حياتي

Waffle_47307 🇪🇬

منذ سنة واحدة

شعور وحيد

موضوع:

هل في يوم اتعلقت بحد؟

اه اتعلقت ب بنت خالتي وهي كانت قريبه مني ف السن في العيله كلها ف يعني كنا اخوات واكتر طفولتنا مع بعض مدرسه مع بعض خروجات كلام طمأنينة كل حاجه مع بعض كانت قلبي وماليه الفراغ اللي جوايا بس زي م بيقولوا الحلو مبيكملش،،،، توفت سنه 2022 وهي عنده 13 سنه وانا عندي 15 انت مش متخيل كميه الالم النفسي والجسدي اللي انا مريت بيه واللي لسه مستمر لدرجه اني كنت بدور علي شخصيتها في اي حد الاقيه قدامي الموضوع مؤلم جدا وصعب وماثر فيا لحد دلوقتي وبعده اكتشفت اني معندش أصحاب كانت هي عيلتي وصحبتي ولما مشيت حسيت اني فاااضيه من جوه ومعنديش ولا صحبه وبقيت وحيده لحد دلوقتي بس الحمدلله على كل حال

ليه مش قادرة اتخطي الذكريات والألم؟

طول الوقت بحن للناس اللي اذوني بفتكر اللي كان بينا ولحظات الحلوة بيصعب عليا كل ده ع قد ما انا مأذية ع قد ما وحشني اللحظات دي مش قادرة اتخطي الحلو مش قادرة انسي مش قادرة اتخطي التفاصيل دي كلها معرفش انا ليه كده ليه لسه باقية رغم اني معدش كويسة بسبب اللي حصل ليه لسه نفسي مكنش ده يحصل ليه انا خلصت كل محاولاتي عشان مخسرش وخسرت اه انا عارفة انه لو كان خيرا لدام وانها دروس واتعلمت منها بس يؤسفني اقول اني برجع كل شوية لنقطة الصفر ولا عارفة امسح صور او شات ولوقدرت اعمل كده التفاصيل كلها جوايا ليه كنت صادقة فكل ده ليه ما احتفظتش بجزء لنفسي لايه اديت كل حاجة حلوة واصلا مكنش فيه مقابل عارفة ان اللي عند ربنا مش بيروح بس انا كنت عايزةافضل زي ما انا بريئة نقية معرفش يعني ايه حد يخذلني بعد ما اقدم كل الحلو... ...عرض المزيد

7 الدعم

3 نصيحة

صدمة وفاة أبويا وحياتي انقلبت 💔

وفاة بابا لسه مأثره فيا لحد دلوقتي جامد بقيت بحس إن الشخص الوحيد اللي كان بيجيبلي حقي في البيت مبقاش معايا والناس كلها بقت جايه عليا وقطعت علاقتي بناس كتير كانت السبب في حرماني من ابويا في سن صغير وخسارته في يوم من اسوء الايام اللي ممكن تعدي برضو علي اي حد في ثانويه عامه معرفتش افوق من صدمه النتيجه فجأة اتصدم في وفاة ابويا كله في يوم واحد وفي اقل من يوم كمان مع إن بابا كان راضي وكان بيواسيني وكان بيقولي اللي انتي عايزاه انا هعملهولك حتي لو عايزه تدخلي جامعه خاصه انا معاكي في اي حاجه كان بيعملي اي حاجه ومكنش بيحب يشوفني زعلانه خالص ومكنش بيحب يجي عليا ولا يحب حد يجي عليا لكن دلوقتي كل شيئ اختلف بقا في مشاكل وحوارات وقطع علاقات وانا كبنت مقدرش استحمل كل دا بس جمدت قلبي لدرجة أني كنت جمب ابويا في كل لحظه وهوا ميت لحد ما دخل القبر وانا قلبي كان جامد بس قلبي واجعني كل يوم بعدها وانا بفتكر أيامه الأخيرة واللي اخواته عملوه فيه وموته بقهره منهم مع انه كان بيحبهم اوي وكان شايلهم جوا عنيه والناس كلها كانت بتعملهم حساب بس عشان خاطر ابويا في لحظه لقيت نفسي خسرت حلمي ومستقبلي وابويا واهلي ومبقاش في حد يقف جمبي ولا حد احكيله علي حاجه بتحصل معايا او مشاعري او لو حد ظلمني انا بجد تعبت بقوا بيحسسوني في البيت إن انا شطانه وانا والله ما فهمه في اي انا لسه لحد دلوقتي عايشه في صدمة خسارة ابويا ومش عارفه افوق منها ولا هعرف افوق منها اه عارفه إني مش اول ولا اخر واحد ابوها يموت بس انا ابويا عمره ما كان بيتكلم عن الموت كان بيحب الحياة وكان بيحبنا اوي وكان شايلنا وشايل اهله كلهم وكان اصغر اخواته فجأه في يوم وليله مبقاش موجود وهوا اللي يروح هوا كان آخر واحد كان ممكن يجي علي بالنا او علي بال اي حد والله انه ممكن يجي يوم وميبقاش موجود عشان كدا انا عايشه في صدمه وعماله براجع كل لحظاته اكتشفت انه كان ميت علي الدنيا بقاله ٤٠ يوم وكان بيودعنا كلنا وكان بيودع كل ركن في الشقه وكان بيعودنا علي فراقه ومكنش بيسيب فرض بجد الفراق طلع صعب اوي عمري في حياتي ما كسرني وفاة حد او كسرتي في وفاة ابويا بجد 💔💔 ...عرض المزيد

5 الدعم

1 نصيحة

بخاف من التعلق المرضى والألم بعد الفراق

بخاف قبل ما اقرب من اى شخص واحبه، بعمل حساب للحظة التعلّق المرضى احساس غريب اوى ان يكون فيه حياتك حد مالى كل يومك واسبوعك وشهرك!! ده غير الذكريات اللى مستحيل تتنسى من الذاكرة يعنى اية تنام تصحى فيوم تلاقى الشخص ده مش موجود فى وقتٍ ما فحياتك… لأى سبب هل إنت متخيل حجم الألم والحزن اللى هتعيش فيه لفترة مش قليلة بسبب "التعلّق" بسمع قصص بالصدفة إن فيه ناس حياتها وقفت عند سن معين عند لحظة معينة عند فراق معين حياتها وقفت بجد! كإنهم مش موجودين بس مضطرين يكونوا موجودين لكن هما مش عارفين انهم مش موجودين لسه مش مستوعبين الصدمة مش مستوعبين إن الحياة لازم تاخد مننا زى مابتدينا مش مستوعبين كمية الذكريات المرعبة اللى اتبخّرت فى الهوا مش مستوعبين كم الطاقة والحُب اللى تم استهلاكها لشخص مبقاش موجود مش مستوعبين حجم الألم اللى هما فيه، دايمًا حاسين ان فيه حاجة ناقصاهم فيه حاجة اختفت من الوجود فيه حاجة كان لازم تكون موجودة بس مبقتش فيه مشاركة كانت لازم تحصل بس… محصلتش تفتكروا التفريط فى الحُب يستاهل اننا ندفع ضريبته بالشكل الفج دة 🤔 ولا هى دى الحياة، يوم ليك وأيام عليك …. ...عرض المزيد

13 الدعم

6 نصيحة