أولادي بيعاقبوني على أخطائي وأنا لوحدي بتحمل العقاب

Question

اولادي بيعقبوني علي اخطاء صادرت مني ومن امهم ولكن هنا شفين اني الوحدي استهل العقاب فسبوني قاعد لوحدي وقاعدين مع امهم مع اني كونت بحاول اسعدهم وبلبي ليهم طلبتهم كلها بس هما شافين اني وجب عليا لكن ليس لي الحق في التعبير عن اي شئ تعبني انا بموت لاني بحبهم جدا هما كل حياتي

Olive_53583 🇪🇬 · Accepted Answer

بص هقولك على حاجة اولادك مش هيشوفو تعبك في الشغل عشانهم ولا هيشوفو سهرك بلبل عشان راحتهم رغم ان دا محهود عظيم منك وربنا هيكرمك عشانه ولكن اولادك لسة صغيرين ونظرتهم للحياة محدودة هم مش محتاجين منك اكتر من حضن حنين وكلمة طيبة وهدية بسيطة وانت داخل عليهم لكن متبقاش تتحكم فيهم طول الوقت وتزعقلهم كتير وترحع تقول بتعب عشان خاطرهم مش هيشوفو دا ابدا!!!!

Mango_29955 🇪🇬 · Answer

حاول ترجع الأمور بينك وبين امهم

Apple_64761 🇪🇬 · Answer

متجوزين لسا ولا انفصلتوا واولادك كام سنة ؟

Avocado_73251 🇪🇬 · Answer

حاول ترجع لامهم تاني حتى لو عشان تشوف عيالك بس و لو الموضوع صعب حاول تتفاهم مع الاطفال لو هم كبار و فهمهم ان كل حاجة نصيب و ان هم مينفعش يتدخلو في علاقتكم

Cherry_68541 🇪🇬 · Answer

دى العلاقه الوحيدة اللى لازم تسعى فيها مرة واتنين وعشرة ومش طرف واحد اللى يسعى لا الطرفين دى الحاجه الوحيدة اللى بشوفها تحت بند حب بدون شروط وخصوصا من الاب والام قبل مايكون من الأبناء سامح نفسك على اى تقصير منك ف حقهم مع انك تحاول تسعى ليهم وتصحح الخطاء اللى عملتها ف حقهم او حق مامتهم ودا باى شكل وكل شكل حاول تتكلم معاها وتوصل ليهم مشاعرك 
كلمهم عن احتياجك ليهم وحبك ولو فى فرصه انك ترجع والدتهم