بحبها اوي بس حاسس باستنزاف وخيانة.. أعمل إيه؟

Watermelon_65247 🇪🇬

منذ 8 ساعات

شعور مرهق

السلام عليكم ورحمة الله وبركاته انا شاب وبحب بنت وبحبها اوي كمان و وانا واعدها بالجواز بس انا ظروفي حاليا مش سامحة بس متفق معاها بعد سنتين او تلاتة وبجد بحبها اوي وهي بتحبني خالص بس انا حاسس ان هي بتستنزفني انا دايما جنبها والله واي حاجة بتطلبها بعملهالها بس هي خانتني في مرة وكلمت شاب وسيبتها وهي قعدت تتحايل عليا وتعتذر كتير اوي وقولت اديها فرصة ده حوالي من ٥ شهور او ٤ بس طول الفترة دي انا حاسس باستنزاف كبير بديها كتير اوي وبنام حوالي ٣ ساعات بس قبل الشغل عشان بتزعل لو نمت قبلها ولو صحيت بعد ما تنام بالليل ومردتش بتزعل مني وبتقولي انت ليه كده واول امبارح كان عندي شغل بدري فاضطريت انام قبلها وبعد ما صحيت وبعتلها صباح الخير و ردت عليا صباح النور قولتلها عاملة ايه مردتش ترد وقعدت طول اليوم مش بترد مع ان الرسالة وصلتلها الكلام ده امبارح ولقيتها النهاردة بعتالي بتقولي انت ليه قولتلي هفضل جنبك دايما وفي الاخر بتسيبني وتنام وتقفل انت ليه كده مع انها عارفة انا قفلت ليه وكمان دايما لما تلاقي صورة ليا مع اختي او بنتها تتخانق معايا وتقولي متتصورش معاها ومتشيلش بنت اختك ولا تتصور مع أي حد مع اخواتك البنات وبتفضل زعلانة طول اليوم وبفضل اصالحها اعمل ايه بالله عليكم عشان بجد حاسس اني تعبت وان طاقتي مستنزفة وبرضو بحبها ساعدوني

ليه الولاد بيحبوا البنت صاحبة الصوت العالي والضحكة؟

طيب هو حاجه بقت منتشره اوي بجد ان ليه الولاد نظرهم بيلتفت للبنت الي صوتها عالي الي ضحكتها عاليه وفي منهم الي يروحوا يرتبطوا بيهم ليه النوع ده من البنات هو الي بيشدكوا ليه النوع ده الي بيلفت نظركوا ليه مثلا مش واحده محترمه صوتها واطي مش بتكلم حد عمرها ما كلمت ولد غي للضرورة يعني مثلا في شغل في مدرسه ليه في ولاد مش بتحترم البنت الي تحط ليك حدود انك ماتعديهاش معاها لما تلقيها كده احترمها مش تروح تتكلم عليها مع صحابك وتبوظ سمعتها لمجرد أنها حطت ليك حدود للكلام معاها ليه مثلا هي حاجه مش هتعرف تعملها غير لما تقول لمامتها تقولك انا هقول لماما تبعد عنها ده عادي جدا ده من احترامها لنفسها و متخسرش ثقه أهلها المفروض تحترمها مش تبعد عنها ...عرض المزيد

12 الدعم

7 نصيحة

دعائي في الصلاة لأقابل الرجل المناسب

بمناسبة السهر و الساعه الي عدت ١٢ انا دايما بفكر اني هقابل شخص فيه الصفات الي انا حباها كلها ، اكيد هيبقى ليه عيوب بس فيه عيوب سهل الإنسان يتعامل معاها ، ممكن اكون مجنونه زي ما اصحابي بيقولوا ممكن لأ المهم اني عايزه حد يكون سهل هين لين ف الكلام و الطبع ، حد يكون محترم مش مستني اني ادخل حياته و اعلمه الاحترام ، انا مليش ف الارتباط و الجو ده بس الحب مش ف ايد البني ادم ابدا ، نحن لا نملك قلوبنا دايما مقتنعه ان الشخص المناسب هو الشخص المتربي صح ، المثقف دينياً و اجتماعياً و ف الحياة عموما ، و المثقف هنا مش معناها المتعلم صاحب الشهاده لان فيه فرق بين الاتنين بس ده ميمنعش ان الشهاده جزء مهم ، حد يقدر كل حاجه بقولها مش يقولي انتي تافهه او يقلل من إهتماماتي ، شخص لو قولتله اني بحب حاجه يفضل فاكر الموضوع مش يطنش كأني شخص عادي ، اكيد مش عايزاه منتبه لأدق التفاصيل لاني اصلا مش بنتبه ليها و ده طبيعي عادي احنا بشر بس لو ذكرت حاجه قدامه يبقى فاكرها و يفاجئني بيها حتى لو كوبايه قهوه الصبح ، شخص مش بهون عليه و مستعد يسيب الدنيا عشاني ، شخص اكون مطمنه و انا بحكيله اي حاجه و مش خايفه و اول ما تحصل مشكله يبقى هو اول واحد اجري و احكيله ، شخص احس انه بيسعى عشاني و عايزني بجد ، شخص بياخدني على قد عقلي لما اكون متعصبه و يعرف ان من حسن قوامة الرجل انه يعرف ان البنت لا تعني كل ما تقوله خصوصا لو متعصبه ف يهديني و بعدها يفهمني لو انا غلطانه ، شخص انا عارفه انه حتى ف عز ما هو عصبي مستحيل يجرحني ، شخص مش بيقبل بالظلم ليا و لو كان من مين ، من الاخر رجل قوام و عارف دينه و احكامه كويس جدا ( هذا هو دعائي في صلاتي ف اللهم آمين يارب) ...عرض المزيد

11 الدعم

4 نصيحة

مش مهتمه زي الأول بس عندي غصه في صدري 🥺

مش مهتمه زي الاول بس بيجيني غصه فنص صدري وتوتر سؤالي هو أنا بدعي ربنا يشيله من عقلي وقلبي تماما أو يجيبو بالخير..اصل فالاخر أنا بس الي حبيت لوحدي ودلوقتي بعد سنتين أنا خلاص احسن وفمرحلة التقبل والتخطي ليه بقى بشوفو عن الصدفه 🥺 أو كل شويه حاجه تفكرني بيه مع اني مخدتش منه يعني غير أن فولو بعد ما شاف تغيري واني حبيتو مع أنه كان رسمي بس مش بيدي المهم ليه بجد بيطلع من الا مكان كده ملحوظه (هو غزاوي🥺) بس انا والله تقبلت ومش عايزه غير نصيبي الي ربنا شايلو بس مش فاهمه ليه ربنا بيخليني اشوفو فالجامعه برضو يعني ممكن يشيلو تماما من نظري ...عرض المزيد

8 الدعم

2 نصيحة