بخاف من حاجات كتير وعندي فوبيا التلامس والانفصام

Question

بخاف من حاجات كتير زي اني بخاف ابقي لوحدي ويجي يوم واموت ومحدش يكون جمبي او بخاف مثلا من الحشرات جدا وده مسببلي اذي لان كل متعدي من جمبي دبانه بعيط وبخاف المشكله انهم بيقولوا عليا بيكمي ومتصنعه لكن مش هاممني الكلام وعندي فوبيا التلامس البشري او اني بحس ان في حد بيلمسني وبضايق لما حد يلمسني اصلا وبصرخ اول ما حد يعمل كده عندي فوبيا الثعابين من اكتر الحاجات الي بخاف منها هي التعابين بجد وعندي مرض ثنائي القطب او الانفصام او الشيزوفرينيا انا عندي انفصام بس مش اوي مزاجي بيتغير بسرعه حدا بزهق بسرعه وبتعصب من اي كلام حتي لو كان عندي بس الحمدلله ان شاءالله هعدي من كل الصعوبات دي ادعولي

Nutella_32693 🇪🇬 · Accepted Answer

ربنا معاك 🤲

Apple_35241 🇪🇬 · Answer

ربك يخفف عنك ويتم شفاءك ع خير

Tomato_30792 🇪🇬 · Answer

كل ده هيعدي وربنا هيعوضك عن كل حاجه في حياتك قريب

Coconut_13403 🇪🇬 · Answer

دي مش أعراض شيزوفرينيا ولا ثنائي قطب وبلاش نشخص نفسنا بنفسنا لمجرد اننا نعرف كام اسم ، الأفضل تروحي لدكتور مختص تتكلمي معاه و إن شاء الله يقدر يساعدك لان دا مش موضوع محتاج مجرد نصيحة

Marshmallow_33883 🇪🇬 · Answer

حضرتك انا رحت بالفعل وقال فعلا ان عندي مرض ثنائي القطب وحاليا بادئه دورة العلاج وبخصوص اني دكتوره نفسيه ف انا عارفه حضرتك مش مجرد اسماء حفظاها بالعكس انا فاهمه وعارفه كويس عندي ايه بشكرك جدا

Coconut_13403 🇪🇬 · Answer

في ناس بتشوف حاجات من النت و بتقيسها عليها ، وتلاقيها حاجة مشهورة بين طلبة الطب كل ما بياخد مرض جديد تلاقيه بيحس انه عنده و محتاج يتعالج ، لكن بما ان دكتور شخص ف ربنا يعافيكي و يتم شفاكي ع خير