محتاج اعمل صحاب جداد أو علي الأقل ناس تحب أننا نتكلم حتي لو علي سبيل الفضفضه مش اكتر ناس كتير بتقول أن الوحده حلوه ولو انت مش عارف تعيش مع نفسك ومستني حد عشان تعيش معاه يبقي انت كده مش صح لازم تتعود تعيش مع نفسك الاول بس حقيقي انا بكره الوحده رغم أني معظم الوقت لوحدي بحب لما يكون في ناس حواليا وبيسمعوني وبسمعهم وبنتكلم وبنهزر حقيقي انا بعشق الوقت اللي الاقي فيه حد بيحبني وبيقدرني بحس اني في احلي لحظات حياتي انا شاب بقيت 28 سنه ولسه حاسس اني محتاج اعيش حياتي اللي معشتهاش زمان بس في نفس الوقت لازم اكمل وأثبت نفسي واتمرمط هنا وهنا عشان خاطر ممدش ايدي لحد في الاخر وانا الموضوع ده بيقتلني طول ما الحاجه مش جايبها من تعبي شايف اني مستهلهاش لازم اتعب واشقي عشانها حاليا ولا ليا صحاب قريبين ولا ليا حبيبة هي اكيد هتيجي في الوقت اللي ربنا مقدره بس ربنا ما يوريك لما يكون جواك فيض مشاعر جبار وكاتم كل ده جواك بس لازم تكتمه عشان تديه للي تستهله

2

6