زمان كنت بفتكر إن الرجالة هي اللي بتلعب بالبنت، دلوقتي اكتشفت إن العكس ممكن يحصل، إن في بنات تعرف تلعب الدور كويس جدًا… تكون لطيفة ومتفهمة في كل مرة تحتاج فيها حاجة، وبمجرد ما المصلحة تخلص، ترجع باردة وكأنك مش موجود. واحدة من العلامات الواضحة للست المتلاعبة إنها تبان طيبة وعذبة لما عايزة منك خدمة، لكن أول ما تاخد اللي هي عايزاه، ترجع تعاملُك بجفاء وبرود. زميلتي في الشغل كانت كده، عرفت شغلي بأوامر من المشرف والمدير، وأنا بقيت زي خيال المآتة، زي الجردل اللي بيتنقل من مكان لمكان من غير ما حد يحترم وجوده. واللي يوجع أكتر… إني كنت الأهبل اللي حب واحدة زيها، وهي عارفة. اللي كنت متوقعه على الأقل إنها لو فعلاً شايفاني زي أخوها — زي ما كانت بتقول — كانت تنبّهني، أو تحذرني، مش تستغلني. بس خلاص، ربنا يسامحها. والتجربة دي علمتني إن الطيبة من غير وعي بتتعب، وإن مش كل اللي يبتسملك… نِيّته صافية. بس قلبي انكسر مش هثق في اي بنت تاني كلهم خونه

5

3