بنتي اللي ضيعت احلي سنين في شبابي عليها هي و اختها انهارده مش هنكر انها ضايقتني بغباء ف اتنرفزت عليها جامد و شتمتها تخيلوا قالت ليا الحمد لله اني مش شبهك..... احساس كسرة قلب حساني هموت منه انا مطلقة و ام و اب و عملت علشانهم اللي رجالة كتير مش بتقدر تعمله مش في مرة حسستهم انهم اقل من حد من صاحباتهم او من العيلة عندي لدرجة معيشاهم في شقة خاصة بيهم من تعبي و شقايا جاية بهد ما بقيت 15 سنة تقولي كدا و تكلم ابوها علشان ياخدها تعيش معاه.. ايه كمية الجحود دي معقولة مش افتكرت و لا مرة جريت بيها علي دكتور و لا دافعت عنها في مشكلة و لا وقفت سندتها في اي حاجة احنا حتي و احنا مع والدهم كنت انا اللي بعمل كل حاجة 9 سنين طلاق انا اللي بأكل و اشرب و اعالج و اخرج و اعلم كل المصاريف انا تقولي كدا؟! طيب حتي لو انا مقصرة مافتكرتش حتي اني اتنازلت عن كل حقوقي بس علشان اخدهم هي و اختها... صحيح ربنا ما يحوجني لهم ابدا علشان احساس القهرة و كسرة القلب اللي انا حساهم دلوقتي دوول

2

6