السلام عليكم ورحمة الله وبركاته. كنت أحب أحكي لحضراتكم موقف مهم، وأسمع رأيكم فيه بكل شفافية. هحكيه على شكل قصة. في بنت – وهنسميها سلمى – كانت بتحب أخوها جدًا، وهو أكبر منها بحوالي سبع سنين. كان بالنسبة لها أخ وأب في نفس الوقت، خاصة إن والدها كان متوفي، فطبيعي جدًا إنها تتعلق بيه وتثق فيه. في يوم من الأيام، بدأ مروان – وده الاسم اللي هنختاره للأخ – يقرب من سلمى بطريقة مش طبيعية ومش زي علاقة الإخوات كان تحرش سطحي . وقتها كان هو في المرحلة الثانوية، وهي لسه في خامسة أو سادسة ابتدائي. سلمى ما فهمتش الموقف لأن ثقتها فيه كانت كبيرة جدًا، وفارق السن بينهم كان بيخليها تتعامل معاه كحد مسؤول. والدتها – زي أغلب الأمهات – كانت دايمًا موصية سلمى إنها لو حد قرب منها بطريقة مش صحيحة لازم تقول فورًا، كنوع من الوعي وحماية النفس. لكن المشكلة إن اللي قرب منها كان أخوها نفسه، وده خلّى البنت مش قادرة تتعامل أو تفهم اللي حصل. الموقف ما كانش كبير وقتها، لكنه سبّب لها صدمة قوية بعد كده، وأثّر عليها وعلى نظرتها للولاد بشكل عام. دلوقتي سلمى (والاسم مستعار طبعًا) حكتلي القصة، وطلبت مني حكمي ورأيي. وأنا حاولت أكون حيادي قدر الإمكان، لكنها أصرت إني أشارك القصة مع ناس ما يعرفوهاش، لأنها خايفة أكون بجاملها. وأتمنى منكم تكتبوا رأيكم بكل وضوح ومن غير مجاملات. هي بتلوم نفسها جدا إنها مقالتش لولدتها وانبسطت وهي عارفة إن دة غلط بس مش عارفة طبيعة اللي بيحصل علشان كانت طفلة هي غلطانة ولا لا ، رأيكم هيفرق معاها جدًا. شكرًا ليكم 🤍

2

5