من شهر 10الفات بظبط دخلت فى حوارات كتير و انا اساسا مش بتاعت حوارات و حياتى هاديه بس انا دخلت فيها و مكنتش اعرف انها فيها حوارات وحشه كده او مؤثره و هتأثر على نفسيتى كده و اتأذيت لدرجه كبيره بقى يجيلى بانك و نفسى يضيق و طلعلى كدمات فى جسمى من كتر الزعل و كنت بعيط علطول و افتكر ال حصل المهم حتى صحابى ال كانو قبل الناس دى ما تدخل حياتى صحابى دول بعدو عنى و دول مش صحابى من امبارح علشان يعملو كده الموضوع ده كمان اثر فيا جامد لانى متوقعتش منهم يسبونى كده فى وقت ما كنت فعلا محتجاهم جنبى منكرش انى اخدت درس كبير جدا لانى كنت طيبه و ساذجه بشكل فظيع الحمدلله انى عرفت و فهمت ان مفيش امان بذات للبنات و ان مفيش حد تأمنيه على اى حاجه تخصك غير اهلك اهلك ال مش هيعيروكى بعد كده ب اى حاجه حكيتهالهم او هيستغلو نقطه ضعفك ضدك انا حاليا بحاول اتعافى من الحصلى حرفيا مبقاش عندي صحاب انا مش من النوع ال بيتأثر لو معندوش صحاب لا عادى انا بس ال كسرنى انى كنت مأمنه و انى اتخذلت و ان كلهم لى عملو فيا كده و مره واحده كلو جه عليا فا تعبت اوى لدرجه صعبه بجد انا فكرت اقلع الحجاب مش عارفه ايه العلاقه بس انا متأكده ان ده نابع من الحصلى انا محجبه داخله فى تلت سنين و انا شعرى طويل و حلو اللهم بارك قاعدت ابص لنفسى و حسيت انى حلوه اوى و عايزه اظهر جمالى و لما فكرت فى الفكره قعدت اعيط على ال انا وصلتلو و فعلا نزلت مره واحده ب شعرى بس حاسه انى مش مرتاحه و قررت انى ارجع ان شاءلله و هبعد عن كل الناس و اى مكان يجمعنى ب ناس مش عايزه اشوفهم لانى بقيت احس ان الناس مؤذيه اوى بجد بقيت بكرهم اوى و حاسه انى تايهه الفتره دى و مش متزنه نهائى

1

11