خوفي من العوده للكرسي بعجل خلا حياتي تتدمر تاني

Popcorn_68662 🇪🇬

منذ 18 ساعة

شعور محبط

عمري ما تخيلت في يوم ان يكون تأثير تعب جسمي و قعدتي علي كرسي بعجل فتره . انها تعملي تروما للدرجه دي وكنت فاكر اني اتخطيت كل الوحش اللي حصلي في ٥ سنين اللي فاتو . بس كل ده طلع بلح لاني مجرد شويه ورم في رجلي يقلبو حياتي للدرجه دي . لما روحت اكشف و طبيعي أن رجلي تكون أضعف من الشخص الطبيعي لاني قعدت ٣ سنين مشلول و مجرد ما بس فكرت أن ممكن يكون زي المره اللي فاتت اول لما دكتور قالي كلمه مفيش سبب واضح و شفت الكرسي قدامي و بيقولي اقعد هنروح نعمل اشاعه و انا دخلت في حاله خوف و انهيار نفسي رهيب وحرفيا كنت هموت من فكره اني ممكن ارجع علي الكرسي تاني و بقيت عامل زي المجنون و ومش قادر اسيطر علي اي حاجه بجد دخلت في حاله هستيريا و انهيار و بقيت زي العيل الصغير . لازم اعترف اني الخوف والعجز المره دي هما اللي كسبو و جعت تاني الصفر و الدائره المقفلو بس المره دي يعتبر سليم جسديا فقط . نفسيا مش موجود. اوقات كتير بحس أني ميت من وقت ما قلبي وقف دقيقه ونص و أن اللي رجع للحياه ده شخص مختلف تماما شخص بقي مش عارف حتي يعيش الحمدلله لله

بخاف من أي راجل حتى أبويا.. مش عارفه أنسى

كان عندي 14 سنة و هو حد من عيلتنا كان بيعمل عملته و أنا نايمه فضلت أوهم نفسي اني بحلم و ان ده مش حقيقي اصل مش معقول الشخص ده يعمل فيا كدا معروف عندنا أنوا شخص كويس جدا لحد ما في يوم اتاكدت ان ده مش وهم و ان ده حقيقي قعدت فترة مقفوله من الشخص ده و مش عايزه أتعامل معاه و بخاف منوا لحد معرفش ايه الي حصل و نسيت و رجعت أتعامل مع الشخص ده عادي معرفش ازاي نسيت لحد ما مسلسل لام شمسية أتعرض افتكرت الي حصل و كاني عشته تاني حسيت بنفس الرعب و الخوف و رجعت تاني اتقفلت من الشخص ده تاني و بقيت أتهرب منوا دلوقتي أنا عندي 18 سنة و خلاص داخله على 19 بخاف من اي حد و اي راجل حتى ابويا مش عارفه لو هقدر أنسى تاني او أتخطى بس نفسي أنسى عشان اعرف ارجع أعيش حياتي ...عرض المزيد

14 الدعم

3 نصيحة

ضحية تحرش مش فاكره التفاصيل وبحس بالعار

لو حد بيشوف مسلسل لام شمسيه .. هو ياسين كدا ضحيه تحرش برضو و ممكن يعاني نفسيا زي يوسف ؟ من اول ما شوفت المسلسل و الفيديوز اللي بتتكلم عن الموضوع و انا حاسه اني حصلي حاجة زي كدا بس مش فاكراها عصرت مخي و للاسف بعد حلقة النهاردة افتكرت.. بس مش اوي انا فاكره اني كنت بلعب لعبة سر مع ولد قريبي اكبر مني بسنه بس مش فاكره انا كنت متضايقة ولا لا مش عارفه الموضوع بدأ ازاي و انتهى ازاي معتقدش اني حكيت لحد لانها كانت * لعبه * بس حاجة حاسه بالعار نحيتها و بعدين بدأت اتجنب قريبي دا كتير لما كبرنا شويه و كنت كل ما بشوفه بحس بالعار و اتمنى لو انه نسى .... انا مش فاكرة حاجة تانيه خالص مهما حاولت افتكر و مش قادرة افتكر ايه سبب اني اعرف حاجة زي دي و اعتقد وقتها كان عندي 7 سنين تقريبًا ( حسبت سني بأحداث كبيرة حصلت في العيله وقتها ) ...عرض المزيد

10 الدعم

2 نصيحة

إحساس غريب بيطارمني كل ما أسمع الأغنية دي

أول مرة سمعت الأغنية حسيت كإني بفتكر حاجة، بس مش عارفة هي إيه. كان الإحساس غريب، كأن في ذكرى في دماغي بس مش واضحة. كل ما كنت أسمعها، الشعور ده كان بيزيد، لحد ما في مرة شفت المشهد ده لأول مرة. لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس أسود، وكف إيدي الشمال كله كان مليان دم. كنت ببُصّ لإيدي ومبحلقا فيها، مش مستوعبة ولا فاهمة اللي بيحصل، بس الإحساس بالحزن كان طاغي عليا جدًا. كأن في حد عزيز عليا راح، وأنا فقدته، بس مش قادرة أفكر مين أو إزاي. بعدها لقيت نفسي واقفة قدام باب خشب قديم، مددت إيدي وخبطت عليه، بس لحظة ما خبطت، حسيت إن الصوت مش برا، كأن الطرق كان جوه دماغي، كأن حد خبط على جبهتي من جوه، مش على الباب. كان إحساس غريب ومربك، وكأن الواقع نفسه بيتهز حواليّا. الباب اتفتح، وعدّيت من خلاله، ولقيت قدامي ممرين. مكنتش عارفة المفروض أروح فين، بس اخترت الناحية اليمين. فضلت أمشي لحد ما وصلت لغرفة معيشة، بس شكلها مكانش طبيعي. كل حاجة فيها كانت بألوان غريبة، كأن المكان متشوّه أو مش ثابت. لكن اللي كان مرعب أكتر إن في كيانات سوداء واقفة هناك، بتبُصّ عليا، وبتبتسم بطريقة غريبة. ملامحهم مكانتش واضحة، كانوا مجرد أشكال سودا، بس عيونهم كانت ثابتة عليا، كأنهم مستنيني من زمان. كان في إحساس غريب جوه قلبي، كأن المكان ده مألوف بطريقة تخوف. كل حاجة في الأوضة كانت ألوانها مش طبيعية، إلا الأباجورة السودا، كانت الحاجة الوحيدة اللي لونها ثابت وواضح. حاولت أتحرك بس حاسّة إن في حاجة مسكني، كأن المكان نفسه بيشدني، أو كأن الهوى تقيل حواليا. فضلت واقفة لحد ما قلت بصوت عالي: "إنت ماسكني ليه؟!"، وفجأة، القيد ده اتفك. لقيت شخص طالع لي، مكانش واضح، بس كان واقف قدامي، ساكت. مكنش بيحاول يقرب مني، بس عيونه مكنتش بتتحرك عني. تجاهلته، وفضلت ماشية، بس كنت حاسة إن عيونه لسه متعلقة بيا. في مرة تانية، لقيت نفسي واقفة فوق منحدر عشبي. كنت لابسة نفس اللبس الأسود، وكف إيدي الشمال كان متغطّي بالدم زي ما هو. نفس المشاعر، نفس الحزن، بس الفرق إني كنت بهرب. وقفت على حافة المنحدر، وبصيت للمدينة اللي تحت، وأنا مش فاهمة حاجة، بس لقيت نفسي بقول بصوت عالي: "أنا بهرب ليه؟!" وفجأة، سمعت صوت دخل دماغي، كان نبرة اتهامية قوية، وقال: "عشان إنتي..."، وبعدها سكت. الصوت ده مكانش صوت حد غريب، كان كأنه جزء مني، بس في نفس الوقت، كأنه مش أنا. كان بيقول حاجة عميقة، حاجة أنا مش قادرة أفهمها بس حساها جوايا. من بعدها، كل مرة بسمع الأغنية، المشاهد دي بترجعلي. نفس الأماكن، نفس الإحساس، كأنها مش مجرد خيال، كأنها حاجة حقيقية، بس متدفنة جوايا. بقى عندي إحساس إن حياتي الحالية ناقصة، كأنها مجرد صورة لحاجة تانية أعمق، حاجة أنا المفروض أعرفها، بس حد مخبيها عني. وبقيت بسأل نفسي: هل دي حياتي الحقيقية؟ ولا في حياة تانية، وأنا مش فاكرة؟ ...عرض المزيد

8 الدعم

0 نصيحة