أنا بنت، وكنت زمان بعمل حاجات غلط… كنت بكلم ولاد وبسمع كلام صحابي وبمشي ورا المظاهر، وكنت فاكرة إن ده عادي لأن كتير من البنات في سني بيعملوا كده. لكن مع الوقت فهمت إننا مش لازم نمشي ورا كل اللي حوالينا، وإن الصح مش دايمًا بيكون سهل. ربنا قال: ﴿إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي﴾ والآية دي بتوصف بالظبط اللي كنت فيه… النفس ساعات بتشدّنا للغلط، وبتغري الإنسان يفضل يمشي في طريق هو نفسه عارف إنه غلط. بس أنا وقفت. وقفت مع نفسي، ومع ربنا، ووعدت إني أغير. ووعدت أهلي وقلبي وربّي إني أبعد عن اللي كان بيضيعني، حتى لو كل البنات اللي في سني بيعملوا أكتر من كده بكتير. جهاد النفس مش سهل. أيوه ساعات بحس إني ممكن ارجع زي زمان… ساعات بحس إن النفس بتشدّني، لكني بقاوم. يمكن لسه عندي غلطات دلوقتي، بس على الأقل أنا مش زي زمان. أنا أحسن. أنضف. أقرب لربنا. وأقوى من كل مرة كنت بسيب نفسي فيها للغلط. أنا فخورة بنفسي. فخورة إني مختلفة، إني فوقت بدري، إني اخترت أبقى بنت أحسن من قبل كده. وحتى لو لسه في حاجات محتاجة أعدلها… فأنا ماشية صح، وربنا شايف جهادي وتعب قلبي

4

13