حاسة بالاستنزاف ومش عايزة اعمل حاجة

Question

حاسة بالاستنزاف اوي معنديش طاقة اعمل اي حاجة عايزة افضل نايمة مش عايزة حاجة خالص غير الموبايل والسرير وبس مش قادرة اعمل حتي الحاجات البسيطة اللي كنت بعملها مش مهتمية بنفسي خالص بجد بقيت مهملة في نفسي اوي حتي الاكل ساعات كتير بكسل اعمله وبكسل اكل بكسل اسرح شعري حتي لحد ما بيقع كله خالص مش قادرة خالص انا بس بصلي وارجع انام واقوم علي الفرض وارجع انام واصحي الفجر اصليه واقرا الورد اليومي بتاعي وارجع افضل قاعدة علي الموبايل مش بعمل حاجة مش قادرة حتي اطور من نفسي او اعمل حاجة تفيدني اهلي كل ما ييجوا يشوفوني بكون نايمة معنتش بقعد معاهم اوي بجد مش فاهمة ده ايه وحتي لو خرجت مع حد من صحابي واقول هرجع مبسوطة برجع عادي احساسي اللي هو ولا مبسوطة ولا زعلانة عادي مش بعرف اعيط حتي  مش بعرف اي حاجة وبجد تعبت اوي

Banana_82873 🇪🇬 · Accepted Answer

اعملي لنفسك جدول صغير لاعمال بسيطة تعمليها يوميا في الاول حيكون صعب بس لما تنجزي حتتشجعي اشغلي وقتك شغل او دراسة ممكن تكوني محتاجة تحاليل زي D لو قليل بيعمل اكتئاب و خمول

Watermelon_69433 🇰🇼 · Answer

لو خلصتى دراسه شوفى حاجه اشغلى وقتك بيها غير التليفون

Tofu_76193 🇪🇬 · Answer

مريتي بحاجة قبل كدا وحسيتي نفسك فيها إنك فاشلة واتكررت معاكِ

Ice Cream_70537 🇪🇬 · Answer

أبشرك انتى عندك اكتئاب

Cherry_20253 🇪🇬 · Answer

محتاجة تغيير حياتك ونظامك، جري حاجات جديدة خروجة بعد عن التلفون

Mango_46147 🇪🇬 · Answer

دي اعراض اكتئاب 
الاكتئاب ممكن ييجي من الضغط او عكسه،  الفراغ

ف هديكي الحل
اولا لو انتي من النوع المدمنة للموبايل، ف بطلي ادمانك ليه، صدقيني هيفرق ، ليه؟ لان الموبايل بيديكي جرعات دوبامين عاليه، ف بيبدا عقلك يحس ان اي حاجه تانيه ملهاش طعم و ممله، و عشان كده عمرك ما هتعملي حاجه، ف دي اول و اهم خطوة

ثانيا ، اعملي حاجه مفيده، لو انتي بتدرسي ركزي على دراستك جدا، لو انتي متخرجة خدي كورسات

Mango_46147 🇪🇬 · Answer

و روحي الجيم ، و هكذا ، متخليكيش فاضية ابدا ، اشغلي نفسك طوري نفسك

ثالثا اتعلمي حاجه جديده، جربي ترسمي، تقرآي، تاخدي كورس فقه او تفسير ، خلي مخك شغال

رابعا زودي دايرة علاقاتك شوية، انزلي الجامعه لو عندك، روحي كورسات و حلقات و اتعرفي على بنات هناك

خامسا ، عيشي الحياه الي نفسك تعيشيها، لانها حياتك و هتعيشيها مرة واحده، ف استغليها كويس، كلمي مامتك و باباكي و اعملي حاجه تبسطك و تبسطهم

Orange_85569 🇩🇿 · Answer

حاولي اضيفي تعملي journaling عن اسئلة شوفي في Google - chatgpt

Avocado_80965 🇪🇬 · Answer

اعتقد غالبا دا اكتئاب محتاجة متخصصة تساعدك حاولى تروحى لحد او حتى اونلاين