حاسه كل حاجه بقت ضلمه بمثل اني كويسه ومبسوطه بس مدمره من كل حاجه كل الصدمات جت مره واحده بعد ما قدرت اتخطي اني بحب حد محبنيش وكمان بيحب اقرب واحده ليا ومرتبطين رجعت لنقطة الصفر وبقيت عايشه علي ذكريات بقالها سنين كل ما أتقدم وابدأ انسي لما بشوف الشخص ده صدفه شريط ذكرياتنا بيعدي عليا وبرجع اتوجع تاني واكتر من الاول وأهلي اللي مش فاهمني مفيش شخص واحد بس حتى اقدر اتكلم معاه من غير ما يحكم عليا ومن غير ما يقول لحد تاني عندي صحاب كتير بس مجرد ارقام صحاب للتسليه والخروجات لكن لما احتاج حد بجد مش بيكون جنبي ومش بيفهمني بقيت شخص وحش من جوايا شخص شخص حياته بقت عباره عن فيلم هو اللي مألفه عشان يقدر يكمل لأني لو كملت بشخصيتي مش هيبان غير الوجع دايما بقيت مخرجه وممثله في نفس الوقت لحياتي نسيت انا مين من كتر الشخصيات اللي موجوده مني مع كل حد اعرفه نفسي ارجع انا نفسي افهم نفسي وافهم عايزه اي نفسي الاقي حد ميحكمش عليا ويسمعني بس انا عمري ما قدرت اتكلم مع حد حتى الابلكيشن ده محمله من زمان بس مقدرتش ابعت فيه لأن مش هيفيد بحاجه و محدش مهتم كل واحد مهتم بنفسه محدش مضطر يسمع شكاوي حد تاني أو يسمع مشاكل غيره كل واحد عايزه مصلحته وبس مش عارفه ليه المرادي قررت ابعت علي الابلكيشن ده بس كل واحد هنا عايز يحس انه متشاف وإنه في حد مهتم يسمعله عايز يحس انه موجود كل واحد فينا بيمثل شخصيه غير حقيقته عشان خايف الناس تشوف حقيقتك اللي محدش يعرفها غيرك لأن مفيش حد هيتقبلك زي ما انت كل ده بيكون كلام لكن هو في الحقيقه شايف عيوبك قبل مميزاتك وبيعدها بس بيمثل قدامك انه بيحبك بكل صفاتك لكن دي مش الحقيقه اصعب حاجه لما اشوف حقيقتي لأني اتعودت علي التمثيل في كل حاجه حتى الصفات اللي بظهرها للناس كلها تمثيل حتى اهلي واقرب الناس ليا محدش يعرف انا مين ولا حد فاهمني واحب اقولك محدش هيفهمك حتى انت مش هتعرف تفهم نفسك بس نفسي افهم اخر اللي انا عايشاه ده ايه هبطل احبه ولا لا بقالي سنين عارفه انو مش ليا وإنه بيحب حد تاني بس كل نا عيني تيجي في عينو بيرجعلي امل عارفه انو مش حقيقي بس بتعلق في اي حاجه بقيت عايزه اشوفو حتى لو من بعيد وحتى لو مش شايفني برتاح وانا بصاله كان الشخص الوحيد اللي قادره اكون حقيقيه معاه بس كل حاجه انتهت وانا انتهيت

0

5