حكاية بجد عمرها ما اتحبت وعمرها ماعاشت قصة حب وكانت بتشوف صحباتها وهما عايشين قصه حب وبيحاولوا عشان بعض وبيكملوا وبيتخطبوا وهي لاء كانت بتزعل على روحها اوي وبتعيط كان نفسها اوي تعيش حب زي صحباتها بس لما اتعرفت على حد محبتهوش بس حبت اهتمامه بيها ولما اكتشفت انها مش قادرة تكمل قالتله بس هو كان حبها ورفض يبعدوا وعيط قدامها ف صعب عليها وكملت واتخطبت وايام الخطوبه بردوا حاولت تبعد ووقتها عمل نفس الحركة وعيط وكلم مامتها ومامتها فضلت تقولها يابنتي حرام عليكي دا شاريكي وعايزك بس هي كانت مش حاباه خالص ومش حاسه مشاعر ناحيته وبردوا كملت وقالت لما هنتجوز يمكن كل حاجة تتغير وفعلا حبته اول سنه او يمكن عشان بقوا مع بعض في بيت واحد واتعودت عليه وبعد اول بيبي رجعت تاني لنقطه الصفر انها مش عايزة تكمل ومش حاباه وشايفه نفسها وحشه انها مكمله مع حد بيعمل المستحيل عشانها وبيحبها وهي مش عارفه تحبه خالص وهي حاولت كتير اوي وحاولت تشوف كل حاجة بيعملها وتوضحها لنفسها عشان تحبه بس قلبها كان رافضه اوي ومش عارفه تحس مشاعر تجاهه وفوق دا كله عمرها ما غارت عليه وحتى هو كان بيتضايق ويقولها ليه مش بتغيري عليا لما سألتها عن النقطه دي قالتلي لو حبيته كنت هحس مشاعر تجاهه وقلبي هيبقا بيطلبه وبيدور عليه وقتها كنت هغير عليه انما انا مفيش مشاعر جوايا ليه ودا والله مش بإيدي وقتها صدقتها وكلامها كان حقيقي اوي ما هو اصل الغيرة حب ودي حاجة انا متاكدة منها اوي ومصدقاها جداً جداً المهم بعد تلات سنين زواج حاولت تطلق واهلها رفضوا وهي قررت تستسلم وتكمل حياتها كدا وخلاص بس بعد كام سنه كمان هي دلوقتي مش قادرة تكمل والموضوع زاد معاها اوي وعايزة تطلق وحاولت كتير ولسه بتحاول رغم كمية الرفض من اهلها والمشاكل اللي بتحصلها بس هي مصممه عالطلاق بس هو مش موافق هي مبتقولش انه وحش بس بتقول يستاهل احسن مني ويستاهل يعيش مع واحدة تحبه وتديله حب واهتمام لكن انا مش عارفه اعمل كدا، هي مبتنكرش الحاجات الحلوة اللي بيعملها بس من كتر ماهي مش حاسه مشاعر تجاهه بقت تشوف سلبيات اكتر ودا مضايقها وحاسه بذنب كبير ومش عارفه تعيش مع الذنب دا

0

1