Coconut_61114 🇪🇬's منشور

Coconut_61114 🇪🇬

منذ 5 ساعات

شعور متعب

يشباب مفيش حل بقا لحوار الرهاب الاجتماعي ده يعني جربت انزل جيم وعامل جسم كويس لحد ما بس لسه بفعد افكر فحاجات كتير وبكسف اكلم مع بنات و بخاف اعمل حاجات كتير بكون نفسي اعملها كان نفسي اعمل حاجات كتير في فاىه الجامعه بس بخاف اخدها عشان بخاف من التجارب الجديده الا لو حد شجعني مش بحب اتشاكل كتير مع الناس فا في ناس بتتعود عليا يعني ممكن اللي مش بيخليهم يفترو او يتشاكلو معايا اني جسم كويس فا حد كان في الحوارات ديه ةعرف يخلص منها

Moon_71804 🇪🇬

Top 3

أفضل نصيحة

منذ 5 ساعات

بص اسمع ڤيديوز عن الثقه بالنفس وحاول تصاحب ناس من سنك او اكبر منك واستفيد بخبراتهم وتجاربهم وحاول متكنش حد غير نفسك وافتكر دايما ان الموضوع مش محتاج اكتر من ثقه وشخصيه ومتسمحش ابدا لحد يعدي حدودو معاك كلمه بس كفيله تقفل الموضوع... بعد اذنك مبحبش الهزار دا مع نبره تحذير هيهابك خصوصا ان جسمك يسمح ف اتبع نصايحي وتوكل علي الله وثق فنفسك

Lemon_89711 🇪🇬

منذ 5 ساعات

مفيش حاجة اسمها رهاب اجتماعي بس فيه حاجة اسمها قلق صدقني مهما كان الحاجة اللي انت هتعملها فكل واحد مشغول بحياته ومحدش هياخد باله وحتى لو اخدوا بالهم طب وفيها ايه مهو ده عادي وانت هتروح وهما هيروحوا بيوتهم وهينسوا لمجرد انك تفهم ان مفيش حد مركز معاك فكل حاجة هتتحل بجد واتعلم وجرب وكلم واترفض واتقبل من الناس وتقبل ده عادي وافهم انها دروس انت الوحيد اللي هتستفاد منها علشان تطلع احسن نسخة منك 💗

ملخص المشكلة

الرهاب الاجتماعي مخليني بخاف من التجارب الجديدة في الجامعة

رهاب اجتماعي خوف من التجارب الجديدة التفكير الكثير مشاكل في الكلام مع بنات جسم كويس التشاكل مع الناس الجامعة

Mango_28732 🇪🇬

طالب أزهري محتاج حد يفهمه - حياتي كلها ضغط

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا. كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب. ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له. الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية. كل ده خلاني أحس إني مختلف عن الكل، ومش قادر أعيش حياة طبيعية. دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت. بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب. المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق. والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع. الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني. فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل. لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي. أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية. لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير. ...عرض المزيد

13 الدعم

7 نصيحة

Avocado_46262 🇪🇬

ازاي اتخلص من الرهاب الاجتماعي والتوتر في المناقشات؟

ازااااااااااي اتخلص من الرهاب الاجتماعي ورايا مناقشات كتير و السنه الجايه مشروع تخرج و الواحد حتي اللحظه بيتوتر و بيخاف و هو طالع جيه في حظي في المرتين اللي ناقشت فيهم لغايه دلوقتي اول مره كنت مع الدكتور في المكتب ف الموضوع عدي و المره التاني كانت مع الدكتور بس بردو بس كنت متوتر جدا و كان باين عليا اوي و انا بتكلم خدت الفل مارك في الاخر بس كنت بتهته و متوتر اوي ف اعمل ايييييييييييه حد عنده حللللللللل ...عرض المزيد

13 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع