من أغرب الحاجات اللي حصلتلي كانت امبارح انا شخص من يوم ما بدأ يفهم يعني ايه دنيا وانا كل همي السفر عاوزه اسافر اعيش في بلد كويسه اشتغل في بلد محترمه مستواها الاقتصادي كويس وفيها امان اعيش بقا واشوف الدنيا وابدأ بدايه جديده وحياه جديده وابقي مأمنه نفسي ،كل او اغلب اللي في سني حاليا منهم اللي معاهم ولاد ومنهم اللي اتخطبوا او اللي عاوزين يتخطبوا ويتجوزوا بس انا مش نفس اهتمامهم في الغالب انا كل همي السفر وخلاص عماله اصبر نفسي علي آخر سنه في الكليه واقول هانت وإن شاء الله ربنا يكرمني واسافر ومفيش اي عوائق في بالي غير اني الاقي الشغل والموضوع كان عادي لحد إمبارح انا صاحيه من النوم حلمت حلم وحش مش فاكره منه حاجه كل اللي فكراه انه كان عن السفر واني حصلي حاجه مش كويسه او اتو*فيت وانا هناك لوحدي وقايمه خايفه وكل شويه الفكره بتيجي في بالي خصوصا اني هكون لوحدي غربه بقى علي الرغم ان الغربه عمرها مكانت حاجه مخوفاني بالعكس ناس جديده وحياه جديده ، وان محدش هيسأل فيك وكميه قلق من فكره الم**وت لوحدي ده علي الرغم من اني اصلا هنا معنديش صحاب و العيله محدش بيسأل وحرفيا مليش غير اهلي وفكره البعد عن اهلي بصراحه مكانتش عائق لاني مش شخص مرتبط اوي بأهله، واني لو م*ت هنا وسط اهلي هكون لوحدي بردو بس معرفش ايه الفكره او الحكمه ورا الحلم ده غير انه قلقني،بس بردو انا مش هتخلى عن فكره السفر دا انا بانيه عليها حياتي كلها وهي الحلم اللي عايشه علي الامل بتاعه الكلام مش مترتب ولا انا فهماني بس قولت اكتب وخلاص .....

0

4