خيالي أحلي من الواقع وبعيش فيه كل اللي نفسي فيه

Apple_22069 🇪🇬

منذ يوم واحد

شعور عاطفي

بقيت بعيش في خيالي اكتر ما بحب اعيش في الواقع دا كمان الواقع بقي يعصبني اوي ونبقتش بستحمل اي حاجة بجد خيالي احلي من الواقع بكتيير بعمل فيه كل اللي نفسي فيه انا في حياتي بستحمل حاجات كتير وكتومه للاسف فا دايما بطلع كل اللي محتاجاه في خيالي ودا بقي مؤذي

هل المجانين دول فعلاً فاهمين الحياة أكتر مننا؟

كل موضوع بيبدأ بفكرة صغيرة لكن ممكن تكبر وتكبر لحد ما تصبح فكرة تغير طريقة تفكيرنا وتفتح لينا أبواب جديدة من الفهم وفي اللحظة دي بيبدأ الجدل بيبدأ التفاعل وبيبدأ التساؤل هل إحنا شايفين الأمور صح ولا في حاجات محتاجين نعيد النظر فيها؛ فيه ناس بنشوفهم مجانين ونعاملهم على إنهم خرجوا عن المألوف وعقولهم مش زي باقي الناس بس لو فكرنا شوية هنتفاجأ إنهم مش مجانين زي ما بنشوفهم ممكن يكونوا فاهمين الحياة بشكل صح أو بمعنى أصح هم شافوا الحقيقة زي ما هي مع كل قسوتها ومرها مش زي باقي الناس اللي دايمًا بتهرب من الحقيقة وتحاول تتخيل حاجات أحسن من الواقع عشان تقدر تكمل في الحياة وفي رأيي إنهم لما شافوا الحقيقة القاسية دي دماغهم ما تحملتش اللى شافوه فدماغهم اختارت تعيش في عالم تاني عشان تتحمل الصدمة يمكن يكون ده بالنسبة لينا جنون بس في الحقيقة ده نوع من الهروب من أشياء مستحيلة إن العقل البشري يتحملها دايمًا عايزين نعيش في عالم مليان أمل لكن لما نشوف الحياة من غير فلتر بنلاقي إن معظمها صراع وألم والناس اللى بتفهم الحياة زي ما هي مش زي ما احنا عايزين نعيشها بتوصل لمرحلة مش قادرة تتأقلم مع كل اللى حواليها فبتفقد توازنها وتدفع تمن الوعي الكبير ده اللى عايشين فيه مع ناس مش قادرين يشوفوا الحقيقة زيهم فبيبقوا في حالة من الانعزال أو التمرد وده بيخليهم يظهروا زي المجانين اللى مش قادرين ينسجموا مع الناس اللى عايشين في أكاذيب متعودين عليها ورغم كل ده مش لازم يكون رأيي هو الصح ده مجرد تأمل شخصي يمكن أكون غلط ويمكن مش فاهم الموضوع كويس بس ده اللى شفته لحد دلوقتي في الحياة في النهاية اللي فاهم الحياة صح مش لازم يندمج مع المجتمع في الآخر ممكن يكون اللى وصلوا ليه بره عن المألوف بس يمكن ده صح أكثر من اللى بنعيش فيه يوميًا؛ وفي النهاية كلنا عندنا وجهات نظر مختلفة لكن ده مش بيخلي حد صح أو غلط المهم إننا نفكر ونراجع أفكارنا ونفضل دايمًا في رحلة من البحث عن الحقيقة الدنيا مش ثابتة وكل يوم بيعلّمنا حاجة جديدة فخليكم دايمًا مفتحين لفرص التغيير #The Deep Thinker(الي هي انا يعنى) ...عرض المزيد

9 الدعم

1 نصيحة

مش عايزه أحد يعرف إن بابا متوفي - بتهرب من السؤال

لو حد ابوه متوفي ممكن هيفهمني، انا بابا مات و انا عندي ٦ سنين تقريبا فانا حرفيا مش حاسه ب اي شعور و لا وحش و لا حلو و يمكن ماما فعلا عوضتنا عن غيابه او يمكن برضو الواحد عشان عاش من غير اب فمتخيل ان دا العادي ان ميبقاش فيه اب ، مش عارفه ليه بحس اني مش عايزه حد يعرف ان بابا متوفي و بتحرج جدااا اما حد يسألني جديد ان بابكي بيشتغل اي او فين لان طبعا الرد بيكون انا بابًا متوفي من و انا صغيرة ، بس مبحبش بجد حد يسألني و مبحبش اجاوب ، حتى صحابي ف جامعه يعتبر ميعرفوش اصلا انه متوفي لاني محكتش و محصلش كلام ف موضوع ، و صحابي من زمان عرفو عن طريق الصدفه و مش بتكلم برضو معاهم ف موضوع دا ، و انا صغيرة اصلا كنت بكدب و بتعامل انه عايش عادي ، معرفش انا كدا مريضه نفسيا و لا ايه بس بكون مش عايزه احس اني صعبانه ع حد او ان عندي حاجه ناقصه ياريت حد يفهمني و يقولي ابقى اتصرف ازاي ف مواقف دي لان بحسني بهرب منها و بخاف بجد ان حد يسألني و اني اجاوب ...عرض المزيد

7 الدعم

7 نصيحة

كيف أتخلص من الخيال السلبي وأتقبل الواقع؟

من زمان كنت احب اتخيل والعب اخذ الالعاب واجلس اتخيل اشخاص موجودين على ارض الواقع واهلي كانوا يعرفوا اني العب واتخيل بس ما منعوني ما حاولوا يخففوا من ذا الشي اللي فيبي كبرت وصرت اهرب من الواقع بالخيال وذا شي يتعبني ويتعب نفسيتي حرفيا يعني لو انهم خلوني ابطل ما كنتش اتعب بالشكل ذا، كيف اتخلص من الخيال السلبي، كيف اتقبل الواقع بشكل اسرع مش كل مرة ياخذ مني الموضوع سنين! ...عرض المزيد

4 الدعم

0 نصيحة