زهقت من القلق والضغط وبعمل اللي عايزه

Watermelon_56286 🇪🇬

منذ يوم واحد

شعور غبي

عاملين ايه من بداية مشاكلي وانا بكتب هنا وبتونس باللي بيكلمني وينصحني اعمل ايه وشجعني ويدعيلي حاجة بتهون الايام زي مابيقولوا انا بتاع الضغط العالي والتوتر والقلق والكلام الجميل ده مشيت ع العلاج وماشي على نظام وبتمشى كل يوم ساعة ويعني حياة زي م الكتاب بيقول روحت اقيسه النهاردة طلع عالي ف يعني عارفين لما الواحد يجيب اخره بس بطريقة شيك اللي هو يحصل اللي يحصل انا زهقت خرجت من الصيدلية جبت اكل وعصير وروحت عملت كباية شاي وبكتب البوست وانا بشرب قهوة واللي كنت مانع نفسي عنه كله هعمله ومبقاش يفرق مش هكدب حاسس اني برمي نفسي بس زهقت وكنت هجرب السجاير والله كمان لأول مرة واشتريت بس رميتها الحمدلله كفاية حاجة واحدة تبوظ ف انا حاليا حاسس اني اتجننت او اني طبيعي زيادة عن اللزوم اللي هو خلاص السليم مش جايب نتيجة وطالما الدنيا كده بايظة وكده بايظة ف تبوظ وانا مزاجي حلو عشان انا تعبت من القلق اللي انا فيه ٢٤ ساعة دلوقتي انا تمام🤙🏻😆

مش قادر احب نفسي بسبب الحاجات الغلط بعملها

هو ازاي احب نفسي؟ أنا بجد بعمل حاجات كتير غلط وإني احب نفسي دا هيساعدني إني اتقبل إن عادي اي حد بيقوم وبيقع، بس طول ما انا في حاجات بعملها غلط مش قادر احب نفسي، مع إن الإنسان مش معصوم وأنا عارف كدا كويس، بس مش عارف في ايه بجد أنا بقيت بقرف وبشمئز من نفسي بسبب حاجات كتير غلط بعملها، ولا مش العادة السرية زي ما هو شائع دلوقتي هي حاجات تانية كتير، بس بجد مش عارف برد و مش قادر احب نفسي او اعطف عليها، دايما لما بكلم نفسي بهزقها او بتكلم بشدة عمري ما طبطبت عليها او حاولت افهمها، بس بجد مش قادر اعمل كدا ...عرض المزيد

1 الدعم

3 نصيحة