زهقت

Chilli_86274 🇪🇬

منذ يومين

شعور آسف

جماعه انا زهقت من الاستقرار الوهمي وخلق سيناريوهات لاتمس للواقع لا من قريب ولا من بعيد انا فاهم دا انو ممكن يكون بسبب الوحده وواقت الفراغ العندى بس المفاجأة اني عندى فراغ داخلى أو وحده داخليه اني ديما لوحده مش بتكلم معا حد مثلا حتى ع السوشيال بس معنديش حل لدا أو معنديش بديل مش عارف يمكن عشان مفي

Blueberry_69403 🇪🇬

منذ 4 أيام

شعور مستنزف

معتش عندي اي طاقه لدرجه ان أقل مشكله تحصلي بحس أن العالم انتهاء هو العالم هينتهي امته بقا بجد زهقت أويييي بجد احساس الخذلان وحش اوي أنا بكرهه الناس كلها و بقالي فتره بحرب بيني وبين نفسي أن احب الناس وان اكيد في ناس لسه حلوه و نيتهم حلوه واحاول اتوقع الاحسن وهوب فجاه اقوم واقعه تاني ومخذوله تاني ع

Chocolate_47841 🇪🇬

منذ 5 أيام

شعور متعب

Apple_67132 🇪🇬 عودي نفسك لو جالك فكرة بتدور ف دماغك فترة عايزة تنفذيها خدي الخطوة بدون تفكير لقيتها كويسة يبقا حلو لقيتها وحشه اديكي جربتي بنفسك عشان مترجعيش تقولي لنفسك ياريتني عملت او ياريتني ما كسلت وهكذا هرتاحي بعدها

عرض الكل 8 نصيحة

عبّر عن شعورك بشكل مجهول

بقالي فتره كبييره جدا في مود وحش اوي وضغوطات ومش طايقه حاجة ولا اي حد ونفسيتي ميته حرفيا ومش بخرج ولا اي حاجة اتغيرت 180 درجه بقيت بفكر في حاجات كتير اوي حواليا مكنتش واخده بالي منها وبقيت تضايقني تعاملي اتغير مع الي حواليا كل حاجة حرفيا بقيت غريبه انا بقيت غريبه ومش عرفاني ولا فاهمه انا عاوزة ايه 
فكرت انزل جيم لوحدي وده بعد ما كنت عاوزة اروح من فتره كبيره ومحدش رضي يروح معايا انا معنديش صحاب اصلا وصاحبتي الوحيده محبتش الحوار فا الفتره دي من كتر ما أنا مش لقياني قولت هنزل لوحدي وأنشط جسمي شويه لاني حرفيا عباره عن جثه ومش بقوم من السرير طول ما أنا قاعدة في البيت مش بتحرك قولت هروح الاقي نفسب افكر مع نفسي شويه افكر اخوض تجربه لمره في حياتي لوحدي بس برضو خايفه اخد الخطوه خايفه اضايق اني لوحدي وخايفه كمان يأثر على دراستي وعشان كده ماما مش مقتنعه اوي بتقولي مفيش وقت للكلام الفارغ ده وحقيقي اضايقت جدا جدا وبابا نفس الحوار مش مقتنع كنت متحمسه اوي للخطوه بس هما طفوني ومحدش فيهم متفهم انا جوايا ايه ولا عاوزى اروح ليه وانا عاوزة اروح عشان اظبط نفسيتي اكتر من صحتي حاسه اني هظبط جسمي ومواعيد نومي بقي ودراستي وكل حاجة بحاول اقنع بابا وحقيقي هضايق جدا جدا لو مروحتش حاسه اني خلاص زهقت من حياتي والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_86639 🇪🇬

منذ 6 أيام

شعور مكسور القلب

انا زهقت ادور علي حد يحبني من غير شروط يحبني لاني استاهل اني اتحب يحبني لاني استحق اعيش سعيدة.. 40 سنة من عمري عدوا و انا كل اللي بيقرب مني حتي اهلي بيحبوني علشان حاجة معينة مش علشان كلي علي بعضي بعيوبي و مميزاتي.. حقيقي تعبت و كتير بقيت باتمني الموت علشان ارتاح من وحدتي مع ان حواليا كتير ناس بس كله

Avocado_51997 🇪🇬

منذ أسبوع واحد

شعور شاعر بالملل

عبّر عن شعورك بشكل مجهول

بقالي ثلاث سنين على الابليكيشن ده يعتبر او مش فكره من ساعت ما الابليكيشن طلع اصلا و انا عليه من ورا اهلي 
معرفش انا بعمل ايه هنا و مستفدتش حاجه الصراحه غير اني اتعرفت على ناس هنا عمري ما هنساها الامانة و معرفش هم هيفتكروني ولا لا بس انا حابة اقول حاجه واحدة الي ممكن تكون الوحيدة الي عرفت اطلعها بشكلها باحساسها و بكل حاجه ليها من جوايا 
الي هو انا زهقت حرفيا انا بقالي سنتين بعيش نفس اليوم الي مفيش اي جديد فيه و كذالك بنزل نفس الابلكيشن لمدة سنيتن اكتب الي مضايقني جواه و امسحه 
عمري ما عرفت اطلع احساسي الي جوايا بالظبط هنا و عمري ما حسيت براحه و انا بحكي حاجه مضايقاني هنا .. مش زي اما اكلم حد اعرفه لا 
زهقت و انا مستنية اللحظة الي هتحصل فيها تغيير ..اي تغيير بقى 
كل مشاكلي الي كتبتها هنا الي تعتبر تخصني انا بس و ملهاش علاقة باهلي كلها زي بعضها بتتمحور على شكل واحد بس و كان اغلبها الاعجاب اني عشت اربع سنين من حياتي فضلت اعجب في ناس و عمري ما فكرت في لحظة ان هم يعرفو زي ما يكون اني عارفه انه مستحيل اصلا فمش بشغل دماغي بيه و كتير بقعد افكر الي هو اشمعنا انا .. اشمعنا انا في كل حاجه بقى كتير بيكون نفسي اكون انا الي عليا الدور في اي حاجه تبسط 
في حاجات كتيرة اوي في حياتي نفسي احكيها بس دائما بيجيلي احساس ان من كترها مليش خلق اتكلم او اطلع الي جوايا نفسي افتح صفحة جديدة مع نفسي و ابدا حياة جديدة نفسي اتبسط بجد 
في حاجات كتيره اوي نقصاني زي ما ناس كتيره ناقصها حاجات كتير و في حاجات كتيرة عندي حلوه زي ما في ناس كتيره زيي برضو عندهم حاجات حلوه 
بس هتيجي تسالني ايه الي انت عايزة تقوليه بالظبط في البوست ده .. هقولك معرفش انا بكتب اي حاجه تيجي في دماغي 
بس مستنية لحظة معينه زهقت من كتر ما انا كتبتها هنا و مفيش جديد 
كتير بحس انها مش هتيجي لانه معادها بعيد اوي بس ده سوء ظن بالله و مينفعش افكر كده ….

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_65791 🇪🇬

منذ أسبوع واحد

شعور متعب

عندي سؤال بجد مهم. آنتو بتذاكر ازاي؟؟؟؟ لو من pdf كده بتعملوا ايه؟؟؟ عشان بجد زهقت من القراءة و كده لدرجة إني ببقى مشغله أي حاجة جنبي سواء كرتون أو مسرحية أو حاجة عشان بزهق. دلوقتي أنا بخلص ال pdf في النوت بتاعتي عادي بخط أيدي. المفروض أعمل إيه تآني بجد عشان الامتحان يوم السبت و لسه في مواد تانية لا

Mango_22117 🇪🇬

منذ أسبوع واحد

شعور مستنزف

بعيش اغرب تفاصيل بجد و كرهت مسافات و سوشيال ميديا يعني يبقا حلمي اتجمع مع اهلي فبلد و مش بتخطي دا . و حتي صحابي المعايا بقا تواصلنا شات ومبنتقابلش يعني حياه خلاص بقت عباره عن شات حاجه خنيقه و مشكله ان مفروض اتعامل عادي و اكمل و اتأقلم لا مش عايزه ومش مرتاحه ولا مستكفيه و زهقت و تعبت من تعامل ده

Orange_27319 🇪🇬

منذ أسبوع واحد

شعور محبط

انا عندي insecure كبيرة من اثار الحبوب و دايما بغطي وشي بايدي ف اي مكان عشان محدش يشوفها و اوقات كذا حد قريب مني يعلق عليها بحس ان عايزة الارض تنشق و تبلعني بحاول اعالجها بس العلاج بطيء و زهقت من تعليقات الناس

Croissant_50327 🇮🇹

منذ أسبوع واحد

شعور غاضب

عبّر عن شعورك بشكل مجهول

أنا من أول ما بدأت ال break وأنا بحاول ما أخدش أي حاجة على أعصابي بجد، بس لسه حصل موقف ضايقني جدًا وعايزة أحكيه. أنا كنت حكيت قبل كده إن كان في واحد شبه أخويا جدًا، وبعدين اكتشفت إنه راح كلّم الإكس عليّا، فساعتها قطعت معاه خالص وعدّى وقت طويل. فجأة اتفاجئت إن صحبتي راحت كلّمته بحكم إنها تعرف بنت عمي علشان الشخص ده كان مرتبط بيها قبل كده وسبّوا بعض من فترة كبيرة. المهم، إحنا عاملين جروب أنا وبنات عمي وصحبتي دي راحت مدخلاه الجروب، وطبعًا حصلت خناقة كبيرة جدًا بيني وبينهم، والمصيبة إنها بتتكلم معاه عادي جدًا وهو بيحكيلها كل حاجة، وأنا أصلًا ببقى متضايقة لما حد يعرف حاجة عني علشان بحب الخصوصية جدًا. أنا حرفيًا لما بتيجي سيرته بتعصب، ودلوقتي هي عايزة تدخّله الجروب تاني بعد ما خرجناه، وأنا تعبت، والمشكلة إن ينت عمي مش عاملة أي رد فعل خالص دلوقتي أنا خرجت من الجروب و كلمت بنت عمي و قولتلها انتو لو محلتوش الموضوع ده أنا هقول لماما و مليش دعوه ب الي هيحصل أنا قولتلهم انتو معاكم لغايت بليل و تحلو أم الموضوع ده هيا بنت عمي قلتلها كذه مره متكلمهوش متجبيش سيرتو  علشان خلاص الموضوع خلص و مفيش حاجه تانيه تتقال و بارضو هيا مش بتسمع الكلام أنا زهقت بجد هيا بقى بتقول عليا اني مريضة نفسيا و اني مش محترمة علشان قولت كل الشتايم دي ما الطبيعي ان لما حد يجر شكلك انت هترد عليه بنفس الطريقة هيا بقى لا بتقول ده مش الاكس بتاعك و انتي حطاه ف دماغك و كل الكلام ده اولاً أنا مش حطاه ف دماغي دي حاجه علشان انا الموضوع بل نسبالي اتقفل خلاص هيا بقى كل ما انزل حاجه كده تقول اني بلقح عليه و تروح توري أنا خلاص جبت اخري من كل ده أنا عايزه حل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_33743 🇪🇬

منذ أسبوع واحد

شعور ضائع

عندي مشكله وحاسس انها طول الوقت عمالة تظهر ف حياتي اكتر .. وحقيقي مليت من الكلام مع الناس زهقت ردود الفعل والافعال والتصرفات وكل شيء ..اوقات كتير بحس اني عاوز انعزل عن كل ده بس حتي الاختيار ده مش عندي لان طبيعه الشغل والمواقف ال انا بعيشها كل يوم بتخليني اخوض امور كتير بعيده عن ده حتي شغف التجارب ا

Coffee_85432 🇪🇬

منذ أسبوع واحد

شعور مرتبك

عايزة اشتغل جمب الماستر وللأسف مش لاقية شغل في مجالي فهشتغل حاجة تانية لحد م الاقي شغل في مجالي بصراحة كدا في مقابلة لشغل في محل بن (قهوة) اروح ولا اشوف حاجة احسن مع العلم زهقت من التدوير على شغل لدرجة ان صاحب المحل قالي انه شايف الشغل دا قليل عليا انا خريجة تربية بيولوجي وبعمل ماستر في الصحة النفسي

Strawberry_73341 🇪🇬

منذ أسبوع واحد

شعور محبط

الواحد حزين بجد زهقت من الوحده ونفسى بشخص ف حياتى يملاها كل العرسان اللى بيتقدمولى مش مناسبين ليا ولجأت شويه للبرامج وحسيت كله فيك ومفيش حد صادق وبعدها لقيت طريق الخاطبه وملقتش حد لسه وجروبات الجواز انا مش كبيره انا 25سنه بس زهقت من الوحده نفسى ف كيان يخصنى وانا مش عاوزه اى حد نفسى ف شريك حياه بجد م

Chilli_19172 🇪🇬

منذ أسبوع واحد

شعور متعب

انا زهقت من الشك دا معايا واحدة ٢٤ ساعة شاكة اني بخونها مع اني والله مابخونها ولا حاجة دايما تتخانق معايا وتدخل ف مشاكل بسبب الموضوع دا وشايفة ان بخونها مع اننا المفروض متجوزين من فترة قريبة المفروض نكون أقرب بس بدأت ازهق من كتر الشك بتاعها دا واني كل مرة لازم اثبتلها اني مش بخونها

Pineapple_80652 🇪🇬

منذ أسبوعين

شعور وحيد

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري ح

Mango_86188 🇪🇬

منذ أسبوعين

شعور ضاق ذرعًا

عبّر عن شعورك بشكل مجهول

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع