انا زهقت كل ما احاول ابدأ و اعمل حاجة و حياتي تكون احسن يجي اهلي يبوظو كل حاجة انا بقى الحاجة الوحيدة اللي نفسي فيها ان يوم واحد كامل من أوله لاخره يبقى حلو من غير ما اعيط و اضايق عموما. هما بيحبوني اه بس بيكرهو كل حاجة في شخصيتي او على الاقل هما محسسني بكدا طول الوقت تعليقات على كل حاجة انا بعملها و عايرني اغير كل حاجة في شخصيتي ده غير طريقتهم الوحشة كل يوم و هما مش حاسين بدا و لو جيت اتكلم ان ده مدايقني يطلعوني انا اللي بغلط المشكلة انا بحبهم بس مش الطريقة دي محدش يستحملها و طول الوقت بحس ان ده ذمبي انا و حاجة تانية ان هم طريقتهم مرهقة اوي يعني ايه يبقو فجأة يذعقوا و يكلموني بأسلوب وحش و فجأة بعدها بدقيقة يضحكو و يعملوني عادي ولا كأن حاجة حصلت انا بجد تعبت و نفس اتبسط بحياتي و بحاول اعمل ده فعلا بس اي كلمة منهم حتى لو صغيرة بتبوظ يومي كله اعمل ايه عشان مخليش كلامهم يأثر فيا

0

4