Popcorn_68662 🇪🇬
منذ 3 ساعات
.
شعور محبط
زي النهارده من ٥ سنين بالظبط، وفي نفس الوقت ده.. كنت في الإنعاش، قلبي واقف بين الحياة والموت، وبيحاولوا يلحقوني.. بس كان ربنا كاتبلي عمر جديد وفرصة تانية في الحياة. الدنيا اتغيرت تماماً بعد التاريخ ده، ودي كانت تاني لحظة في حياتي أحس إن "الحياة" قبلها حاجة وبعدها حاجة تانية خالص. اللي حصلي بعد كده، من تعب واحتياج وكسرة نفس، كان اختبار صعب أوي.. إني أتحول من شخص في أكتر وقت كنت فيه ناجح، لشخص عاجز على كرسي بعجل، محبوس في أوضة وحياتي معتمدة على وجود حد تاني يخدمني، لدرجة إني مكنتش بعرف حتى أدخل الحمام لوحدي.. التجربة دي خلتني عرفت حاجات كتير أوي عن الدنيا وعن الناس. أنا حالياً الحمد لله بمشي، ويمكن رجعت طبيعي بنسبة ٩٥٪، بس الحقيقة إني بقيت "شخص تاني خالص".. شخص لسه مش عارف يرجع زي الأول، ولا عارف يتخطى اللي شافه لحد دلوقتي. الحمد لله على كل حال.. والحمد لله على نعمة "العمر الجديد
5
5
