شاب من اسكندرية عايز يتعرف على ناس جديدة ومش عارف

Question

أنا شاب عندي 33 سنة من اسكندرية، وبسبب اني شغال فري لانسر على النت من البيت مبقاش عندي دايرة علاقات نهائي ، ولسه لحد الوقتي سنجل مرتبطش ولا خطبت خالص. المشكلة ان مفيش حد حوليا اتعرف بيه وكمان مش بحب فكرة ال dating apps. تنصحوني بإيه ؟

Ice Cream_63106 🇪🇬 · Answer

خلي والدتك تدورلك ده افضل شئ
او عرف صحابك انك بتدور على عروسة
وهتلاقي كتير اوي شوف البنت المناسبة واتقدم ليها

Strawberry_70731 🇪🇬 · Answer

اتعرف علي أصحاب من اي مكان و خلي علاقتك حلوه مع الجيران و لو عندك قرايب بردو و اسال ودور مش عيب انك تدور علي حلال ربنا 
و تصدق كتير و ادعي ربنا و نصيبك كدا كدا هيجيلك حتي لو ب اغرب طريقه ممكنه 
بس لما تقرر تكلم بنت ادخل البيت من بابه بلاش ارتباط

Carrot_70632 🇪🇬 · Answer

بص كنت زيك وحقيقي عارفه ان ده متعب نفسيا اكتر د انك مفيش حد فاهمك وكنت دايما أقول لنفسي عمرى ما هتجوز صالونات لحد ما نزلت ابليكشن تعارف أتكلمت مع ناس كتير وبقيت افهم لما أتكلمت بحب اي ومش بحب اي صفه اي اتقبلها ف شخص واي لا ويقفلى من الكلام .. انت ف الكلام بتكون داخل تتكلم مع حد ترتاح معاه مين هيسمع مين هيكون رد فعله علي أفعالك مريح بالنسبالي ونفس الوقت عقلاني .. و والله بطريقه دي اعترفت علي زوجى

Coffee_67813 🇪🇬 · Answer

والله يا فندم كلامك ده شجعني فعلا اعمل كده .... هستأذن حضرتك في اسم التطبيق .. لعله خير ان شاء الله

Carrot_70632 🇪🇬 · Answer

واسمع مني بلاش تدخل مع حد ف علاقه غير وانت متاكد 95٪ .. وبلاش زواج صالونات ف الزمن ده

Grape_60692 🇪🇬 · Answer

ز

Coffee_67813 🇪🇬 · Answer

والله يا فندم انا مقتنع جدا ان جواز الصالونات اليومين دول قليل لما بينجح ... بس انا بقاوم اهلي بشكل رهيب عشان مش حابب اتقدم لواحدة صالونات ومش عارف شخصيتها .. عشان كده بشوف بديل محترم للموضوع

Ice Cream_63106 🇪🇬 · Answer

مفيش بديل
وبعدين مين قالك ان جواز الصالونات مش بتعرف شخصيتها
جواز الصالونات انك تروح تتعرف على واحده وتعرف شخصيتها مش هتروح تخطبها
لا طبعا انك بس بتدخل البيت من بابه احسن ما تتعرفوا بره وتتصاحبوا فتره وبعدها تروح تخطبها
نفس الشئ لكن ده كله بيحصل في بيتها

Ice Cream_46460 🇪🇬 · Answer

على فكره انا ابن عمي عنده 35 سنه ولسه متجوز بقى له اربع شهور من بنت زي القمر وروحها حلوه استنى احنا كنا كلنا بندوره على عروسه لغايه في نصيبه جه في الوقت ما جاش كل حاجه بتيجي في وقتها احنا اصلا كنا فاقدين الامل اصبر بس نصيبك لسه ما جاش ويا رب يفرح اي شاب

Coffee_67813 🇪🇬 · Answer

شكراً والله على كلامك اللي بيدي أمل ... و لعله خير ان شاء الله