شعور وحش لما يبقا جواك كلام كثير و حاجات كثير مدفونه ماحدش يعرف عنها حاجه و حاجات متراكمه وزعل وخناقات ومشاكل كلها جواك وبس شعور وحش لما تبقا بتكلم نفسك جوا دماغك وساكع ناس كثير بتكلمك جوا عقلك وفجاه ف نص ما انت سرحان ف مشاكلك تلاقي نفسك بتكلم نفسك بصوت عالي اصلا او تعمل اي رياكشن مش مفهوم او تقول كلمه من الي بتفكر فيها ولما حد يسالك مالك بس احكيلي ماتعرفش تتكلم لان ماحدش هيستحملك .. ماحدش هيحبك وصلت لمرحلة اني كرهت نفسي وكرهت شكلي وكرهت حياتي وخسرت كل حاجه خسرت والدي خسرت اخواتي خسرت اهلي خسرت دراستي ومستقبلي مالوش ملامح اصلا ومافيش حد جمبي من زمان وانا لواحدي ومقفول عليا لما بدات اخرج حسيت بنقص شديد اشمعنا الي من سني حياتهم احسن اشمعنا هما نفسيتهم سليمه وبيعرفوا يعبروا بمشاعرهم اشمعنا هما عندهم اهل اشمعنا هما بينجحوا وبيعملوا الحاجات الي بيحبوها انا كل ما افكر ايه الحاجه الي بتبسطني مش بلاقي اجابه محدده مع اني بسيط جدا واقل كلمه بتفرحني وبرضو اقل كلمه بتزعلني بس بجد شعور وحش انك تبقا جواك كلام ومش عارف تطلعه ولا تعبره لان ماحدش هيفهمك وماحدش مهتم يسمعك اصلا كل الي ف ايدي اني ابص ف السما واقول يارب .. انت العالم بيا بجد انا من اطيب الناس الي ممكن اي حد يشوفها او يتعامل معاها مابحبش ازعل حد مني ودايما بضحك ف وش الناس عشان ميحسوش اني تعبان واسمعهم واديهم من طاقتي مع اني محتاج الي يطبطب عليا اصلا هوا انا ماستاهلش طيب؟ ماستاهلش اي حاجه حلوه ؟

2

0