صدمتي من الطائفية في مصر وتحولي لوحدة منعزلة

Question

ازيكم 
انا مشكلتي  من اول ما جيت مصر من ٥ سنين انو هنا في طائفية من ناحية الشيعة و السنة و انا مكنتش متعودة على كدة عشان عندنا مفيش عنصرية من الناحية دي يعني انا جدي سني و جدتي شيعية و انا شيعية و عمي مراته سنية و هو شيعي و موضوع الدين عندنا او في المجتمع الي كنت فية مفيهوش عنصرية دينية يعني مكنتش اعرف انو في ناس بتكره ناس بس عشان الطائفة !!! 
دي كانت وحدة من اقوى الصدمات الي خذتها في مصر 
و من بعديها تحولت من بنت اجتماعية و محبوبة في دائرتها و طاقتها حلوة للي حواليها  لوحدة معتزل الناس كلهم تقريباً انا بقالي ٥ سنين في الجامعة متعرفتش ع حد او شلة و بقينا مقربين من بعض

Moon_88881 🇪🇬 · Accepted Answer

غلطتك إنك نشرتي معتقدك على العلن في مجتمع الأغلبية العظمى منه سنة، والعكس صحيح لو مجتمع الأغلبية العظمى منه شيعة مينفعش تنشري إنك سنية
مش لأن العقيدتين فيهم مشاكل، لا 
لان دي الطبيعة البشرية عمومًا أو دة الي اتربينا عليه، لذلك حاولي تخلي معتقدك بينك وبين نفسك لحد ماتلاقي شبهك.

Popcorn_78015 🇪🇬 · Answer

انصحك ارجعي للكتاب والسنة وقارني بين الطائفتين وان تبقي الامر سرا

Biscuit_87601 🇪🇬 · Answer

اتمني ان تشوفي مناظرة بين الطائفتين وربنا بهديكي ان شاء الله لطريق الصواب

Pineapple_83407 🇪🇬 · Answer

دة اليعملته فعلياً اخذت بتاع سنة ونص احاول اعرف ليه في فرق و ايه الفرق بالاخر اكتشفت انه الفرقتين فيهم غلط من ناحية المصادر فاخذت القران منطق اساسي و ع اساسه في فرق من الطائفة دي غلط و في فرق من الطائفة التانية غلط 
على سبيل المثال في الطائفتين في فرق تعتمعد في المصدر يعني لو كان الراوي شخص غير معروف او مفيش كذا دليل على كلامه ما بياخذوش بكلامه مع ان الله بعزته و جلالته قال …

Pineapple_83407 🇪🇬 · Answer

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا..." فة دا بيتعاكس مع المنطق القراني .. دي حتة صغيرة في حاجات تانية كثير بس مقدرش اتناقش مع الناس عشان هما عايزين يطلعوني غلط و بس 
و انا زي ما بحترم معتقداتهم عايزاهم يحترموا معتقداتي او اخلي علاقتي سطحية و خلاص

Pineapple_83407 🇪🇬 · Answer

بالعكس دي اكثر حاجة استغربت منها اول ما جيت هنا عشان احنا مبنسالش الشخص ايه هية طائفتك على عكس هنا بيسالوا السؤال دك اكنهم بيسالوا عن اسمي …. 
و حتى لو مجاوبتش او مقلتش بيردوا عليا ردود مستفزة و انا ما بخافش اقول طائفتي عشان انا عارفة انا ايه بالضبط و ليا حق الاختيار انو انا ابحث عن الدين و الفرقة الي انا مقتنعة فيها و شيفاها صح مش لازم امشي مع الاغلبية عشان مكنش وحدي

Popcorn_78015 🇪🇬 · Answer

المهم ان نأخذ رأي الاجماع من اهل العلم فذاك هو الدين فما اجتمعت هذه الأمة على باطل والحمدلله

Pineapple_83407 🇪🇬 · Answer

الله تعالى يقول بَلْ جَاءَهُمْ بِالْحَقِّ وَأَكْثَرُهُمْ لِلْحَقِّ كَارِهُونَ …و في اية اخرى يقولوَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا ۚ فَانظُرْ كَيْفَ كَانَ عَاقِبَةُ الْمُفْسِدِينَ.
كلام حضرتك مش جاي مع منطق القرآني و حتى  الامام علي يقول … لا تستوحشوا طريق الحق لِقلة سالكيه .. الاغلبية دي مش هتنفع في يوم القيامة

Popcorn_78015 🇪🇬 · Answer

لكن هنا ربنا بيتكلم عن قريش و انهم اكثرهم كاره للحق وهو دين محمد ارجوكي ارجعي للتفسير السليم هو مش قاصد الحديث النبي قال لا تجتمع امتي على ضلالة والمقصود بها العلماء

Pineapple_83407 🇪🇬 · Answer

تفسير الحديث يختلف عندنا بس اذا اخذنا بتفسير الحديث عندكم راح نلاقيه معارض تماماً مع قول الله تعالى … وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللَّهِ 
و متعارض مع حديث رسول الله الي هو 
( أمّتي على ثلاثٍ وسبعين فرقة، كلّها في النار إلا واحدة ) كلامهم معارض لمنطق حضرتك…مش عايزة اقعد اتكلم في الدين و مش عايزة اغير رأي حد فيا او اغير راي حد في معتقداته او اشككه فيها و العكس

Popcorn_78015 🇪🇬 · Answer

اكثر من ف الارض هم الكفار و المشركين البشر اكتر من ٧مليار عشان كده قولتلك افهمي القرءان والسنه لكن انت بتفهمي الاية بسياق انا مش فاهمك واقسم بالله لو انك اجتهدي في التفسير لعلمتي الحق من الباطل

Popcorn_78015 🇪🇬 · Answer

الرسول الله قال فيه ما ينطق عن الهوى اذا اي معتقد متعارض بينهم فهو خاطئ

Chilli_85656 🇪🇬 · Answer

مصر الطائفية تاعباها
 المسلم السني معتقد انه الصح والباقي غلط
المسيحي الأرثوذكسي معتقد انه الصح والباقي غلط
وبلا بلا بلا
للاسف بنقييم الانسان بناء على معتقده وكل شخص وارث عقيدة لازم يتفاخر بيها، لان للاسف حياتنا الاقتصادية والسياسية في الضياع.
ربنا معاكي وحاولي تتأقلمي ☺️