عن مفارقات النصيب.. والقلوب المتاحة عارف يعني إيه تبقى جاهز؟ جاهز تدي حب، جاهز تبني بيت، وجاهز تشيل شريكة حياتك في عينيك.. وفعلياً "مش لاقيها". قلبك فاضي ومستني، ومع ذلك لسه مفيش حد خبط على الباب. المفارقة بقى اللي بتحرق الدم فعلاً.. إنك تلاقي شباب تانية، معاهم بنات "يتمنوا الرضا"، بنات مخلصة وبتحب بجد وشايلة الحبيب في عينيها.. وتلاقي الشاب ده ولا فارق معاه، مهمل، ومقضيها مشاكل، أو سايبها وعينه على غيرها! تحس إن الدنيا أحياناً بتمشي بالعكس: ناس معاها "نعمة" مش مقدراها وبترميها. وناس تانية نفسها في "رُبع النعمة" دي بس عشان تحافظ عليها وتصونها. الحقيقة إن "النصيب" مالوش كتالوج، بس الوجع بيبقى في إنك شايف نفسك عندك طاقة حب كبيرة ومكانها لسه فاضي، في حين إن فيه ناس "بتفرط" في كنوز كانت ممكن تبقى حلم لغيرهم. كلمة أخيرة لكل واحد "لسه ملقاش": عدم وجودها لحد دلوقتي مش معناه إنك وحش، ولا معناه إن مفيش حد زيك.. معناه إن اللحظة المناسبة لسه مجتش، عشان لما تيجي، تكون مع اللي تستاهل فعلاً قلبك اللي صاين نفسه ده

2

0