عندي مقابلة النهاردة وحاسة بالتوتر ومتجمد

Question

عندي مقابلة النهاردة وحاسة بالتوتر ، وجاتلي حالة من التجمد كدا مش عارفة اطلع منها ، يعني لسه المقابلة قدامها ساعتين وانا ورايا حاجات اعملها واحضر نفسىي للمقابلة ومع ذلك بضيع وقتي في حاجات غريبة مالهاش لازمة. وعارفا انه لما يبقى باقي ربع ساعة ولا حاجة هلاقي نفسي بجري ورا نفسي ومش عارفة اعمل ايه ولا ايه . عايزة اطلع من حالة التجمد دي.

Blueberry_62794 🇪🇬 · Accepted Answer

اهدي تماما . الحل . انك تمسكي ورقه وقلم وتكتبي افكارك في ورقه وتتوقعي الاسئله الي ممكن تتسائل واكتبي اجابتها . اهتمي بشكلك وابتسمي وربنا يوفقك

Grape_71805 🇪🇬 · Answer

مقابله شغل

Watermelon_69433 🇰🇼 · Answer

اسمعى قرآن

Lemon_70080 🇪🇬 · Answer

خليكي عادية جدا جدا

Potato_71886 🇪🇬 · Answer

شكرا، دا تقريبا احسن حل فعلا

Potato_71886 🇪🇬 · Answer

المشكله ما عنديش ثقه في نفسي كافيه ان انا ابقى عاديه واتعامل طبيعي ، 
عندي ثقه في نفس غريبه ما بتهزش من اي حاجه تقريبا في الحياه العاديه والتعملات اليوميه، بس اي حاجه لها علاقه بالشغل او اكاديمكس  ما عنديش ثقه في الجانب ده خالص في حياتي

Potato_71886 🇪🇬 · Answer

حاضر

Lemon_70080 🇪🇬 · Answer

ده احساس كاذب لو الشغل كويس وانتي مؤهلة له يبقي احساسك بالخوف او التوتر منه ده احساس كاذب وسيبك منه واتعاملي عادي جدا جدا واستعيني بالله
انما لو الشغل مش مناسب لكي او غير مؤهله باي شكل من الاشكال او اقل منك من حيث الوسط او البيئة او المقابل 
يبقي ده ه احساس صادق وبينبهك وبيرفض وبيديكي اشعار داخلي

Potato_71886 🇪🇬 · Answer

شكرا بجد انا عملت كدا وذاكرت للمقابلة وعايزيني لمقابلة تانية بكرة، وذاكرتلها وكتبت كل النقط اللي ممكن يسألوني فيها وان شاء الله اتقبل

Potato_71886 🇪🇬 · Answer

انا مؤهلى الحمدلله الانجليزي بتاعي عالي ومعايا شهادة بكالوريوس، وباخد كورسات وبطور نفسي، بس الخوف بيجي يتمكن مني في اخر لحظة، انا كنت مقدمة على الوظيفة دي من شهر وطلبوني لمقابلة ومرحتش بسبب الخوف، بس النهاردة الحمدلله رحت وطلبوني لمقابلة تانية بكرة، وذاكرتلها وان شاء الله خير . شكرا بجد على نصيحتك❤️

Lemon_70080 🇪🇬 · Answer

عفوا ..،🤍

مفيش حاجة في الشغل او في المقابلة تستحق منك ذرة خوف

Blueberry_62794 🇪🇬 · Answer

طمنينا طيب . انشاء الله تكوني اتقابلتي