فتره ملهاش طعم.. محتاجه حضن واهتمام

Coffee_26170 🇪🇬

منذ سنة واحدة

شعور Not great 😕

فتره ملهاش طعم القرايه بقت ممله الاغانى كأنها حد بيتكلم عادى بقالى فتره كبيره اوى محتاجه حد فى حياتى بتخيل شخص و اتكلم معاه فى خيالى عشان مروحش و اعمل حاجه غلط بتسأل ليه سنجل بس مش دى العلاقات إلى احب اكون فيها محتاجه اهتمام محتاجه حب محتاجه حد يمسك فى ايدى و يقولى انا جنبك مفيش صديق كلهم بعدو اخر مره اتحضنت من اهلى كنت فى اعدادى كان نفسى يكونو قريبين منى اكتر من كد هما اه بيعاملونى كويس و ربنا يخليهم ليا بس الجانب العاطفى زيرو و انا بقاوم انى مروحش و اعوض ده مع شاب على السوشيل مديا ضد الفكره و مدركه أن اي حاجه مش هنعرف نقولها لحد يبقى منعملهاش بس حقيقى انا محتاجه حضن تايهه متلغبطه بس بحاول ارضى عشان عندى حاجات كتير مش عند حد كفايه انى بصحه كويسه انا و إلى حواليا الكليه مش حالها و محتاجه فلوس عشان اعرف استعمل موهبتى فى حاجه بحبها و تعبت من الشغل تايهه متلخبطه بقالى كتير اوى زعلانه بسال نفسى امتى هصحى من النوم عشان فى حاجه مستنيها تحصل تفرحنى امتى هتظبط امتى هصحى على خبر حلو اوى نفسى اخد خطوه تجاه حاجات كتير بس الماديات بس هرجع اشتغل تانى و ابدا تانى بس حقيقى مش قادره بغرق فى النوم بطريقه محصلتليش قبل كد حقيقى بتمنى اتحرك الوحده صعبه

ليه كلمة الناس بقت سهلة؟ وازاي تتعامل مع الحكم عليك

أكتر كلمة مش واقعية هى اننا "نمنع" عن نفسنا شيئ.. حياتنا مش بالسهولة اللى تخلينا متحكمين فى كل حاجة بتحصل للدرجادى المهم نرجع للسؤال، الموضوع كله نقدر نختصره فى كلمة واحدة.. ثقة اولًا مش اى عيون ناس نشوف نفسنا منها إنما ناس زى الأهل او الدايرة المُقربة اوى، اكيد رأى الناس دى يهمنا على الجانب الآخر، فى العصر ده اللى أنتشر فيه السهولة السهولة فى كل شيئ..…سهولة فى التواصل، سهولة فالعلاقات، سهولة فى الجواز والطلاق، سهولة فى الشر والخير ولإن أغلب تصرفاتنا وهزارنا وحياتنا بقت متشافة on public من خلال حتة حديدة صغيرة بنعرف بيها اللى منقدرش نعرفه فالواقع فبالتالى إطلاق الأحكام المُطلقة أصبح شيئ روتينى بنقوم بيه يوميًا من غير ماناخد بالنا.. على كل بوست كل صورة على كل فيديو والمشكلة الأكبر إن الموضوع مش بيقف عند هنا بينعكس كمان فى تعاملاتنا الواقعية، وبمجرد بس دبانة تعدى قدامك مش بتقدر تمسك لسانك وتلاقى نفسك حكمت عليها بشكل لا إرادى وهنا….. يجى دور العقل اللاواعى فى إنه يصنف حُكم الناس على إنه حقيقة مُسلّم بيها فى حين إن العقل الواعى لو أشتغل كام ثانية بس.. هيفهم إن الناس دى متستحقش تاخد جزء من تفكيرنا لكن، غصب عننا بيحصل العكس وممكن بسبب Comment على صورة ليك تدخل فى حالة من الشك والإحباط وجلد ذات مع شلل فالتفكير ده ليه! لإن الناس بقت تستهون اوى بالكلمة ومبقاش عندها اى مانع او شيئ بتخاف منه قبل ماتكتب او تنطق ميعرفوش ميزان الكلمة الواحدة بس ممكن تعمل اية فى البنى ادم من جوا ودى رسالة لكل الناس اللى بتقرأ… اتمنى تاخدوا بالكوا كويس من صوابعكوا ولسانكوا قبل مايكون عندك سرعة فالرد بسببها يكون لسانك شاهد عليك يوم القيامة على الأذى اللى سببته للناس أسف جدًا عالإطالة، وواضح انى سرحت فالكلام 😅 كل سنة وإنتوا طيبين ورمضان كريم عليكوا ❤️🌙 ...عرض المزيد

8 الدعم

0 نصيحة

لقيت حاجه قلقتني في علاقتي مع حد محترم

فى واحد متقدملي هو كويس ومحترم خالص لما سألنا عليه عرفنا كده وأهلى عارفين اهله يعنى وكمان لما قعدت معاه اسلوبه كويس جدا وخجول ومحترم فعلا وقالى انه مكلمش بنات وملوش ف الكلام دا لان هو قالي انه كان عاوزني من وانا ف ثانوي يعني ف اللى هو بيقول لنفسه اتقي الله عشان ربنا يرضيك بيها وكلام من دا هو كان قايلى انه ملوش ف السوشيال ميديا يعني بس وصلت لاكونت الفيس فعلا مفهوش بوستات اصلا وتمام يعني الفريند تمام دخلت ع اكونت الانستا طبعا معلوش الا يجي 30 فلورز بس لقيت اكونتين مش كويسين (بنات مش كويسه يعني) دى حاجه قلقتنى اوي هل دا بيدل ع حاجه ولا دا عادي وهل اقوله ولا اعمل اى ... ... ... . .... ...عرض المزيد

8 الدعم

6 نصيحة

زهقت من الحياة والمشاكل.. ومش حاسس بحاجه

طيب الحياه ممله وطويله جداا وحوارتها كتير فيها ناس غنيه فشخ وناس فقيره وناس متوسطه فيها سوشيال ميديا وناس بتنجح فيها فشخ وناس بتنتقد وخلاص وناس بتشجع وناس بتتكلم وناس بتسكت فيها كل حاجه فيها اللي اتعرض لتروما وفيها اللي عنده anxiety واللي عاوز يتعالج واللي بيأذي لانه اتأذى فيها حزن كتير ووجع اكتر وسعاده بتداري الجرح وفرحه بنعدي بيها مراره الحزن الكلام غريب ومش مترتب بس انا زهقت ومليت من كتر المشاكل اللي عند الناس وعندي و انا احب جدا مسيره الحياه بتاعتي تخلص هناا والغريب اني كنت من الناس اللي بتهتم طب والنهايه عذاب ولا جنه ونعيمها بس انا حاليا مش مهتم مش حاسس بحاجه كأني بقول ان العذاب حلال فاا بيس الجلد في الدماغ المريضه دي حلال بس اقدر أقول ان جايز النهايه مش مهمه علشان البدايه مش حقيقيه ولا النيه كانت صادقه وصدق فلان اللي اعرفه لما قال ان الناس بقيت بتكره نفسها فشخ وبتستلذ بأذيتها سميه بقى قلة ثقه او لبسها في الاهل وتربيتهم او سميها هوى نفس او وسوسه او بعد عن الرب مبقتش فارقه وبس كده انا خلصت ...عرض المزيد

9 الدعم

3 نصيحة