حزن

في مقولة بتقول إن أصعب أنواع الوحدة هي إنك تكون وسط ناس كتير بس محدش فيهم فاهم حزنك.. أنا النهاردة قررت أكون شخص مجهول عشان أقدر أقول اللي مبعرفش أقوله لأقرب الناس ليا. هل فعلا الشخص الغريب ممكن يحس بينا أكتر من اللي عارفين أسامينا؟ 🙂 ✨

مش عارفه والله بس انا اتعودت على اسوأ النهايات وبقيت عندي استعداد دايمًا ان اي شخص معايا كويس ممكن اصحى الاقيه مِشي بدون اسباب والمشكلة الأكبر إن مبقتش اعرف امسك العصايه من النص واشوف حد دايم

انا تعبت من اهلي، امي كل ما اكلمها في اي موضوع تعمل معايا مشكلة وتخليني انهار وتحصل بيننا مشكلة، اخر مرة اليوم كنت بشتكي ليها من اختي انها قالتلي حاجة ضايقتني راحت امي بدل ما تحل المشكلة وتكلم اختي فضلت تقول لي اني انا السبب في طريقة تعاملها معايا عشان من كم سنة انا كنت في ذروة الوسواس القهري كإنه بإيدي وكملت خناق معايا وتدعي ع نفسها وعليا وتقول لي كلام صعب جدا لحد ما انهرت خالص وحالة البوردرلاين ظهرت عندي وبردو انا الغلطانة انا مش عارفة انا معنديش اي حد اكلمه لا صحاب ولا اهل ولا اي حد ومش عارفة اقول ايه انا حاسة اني مخنوقة ومحبوسة مفيش حد يقدر يسمعني ويساعدني حاسة بشلل مش قادرة اعمل حاجة مش قادرة اقوم من مكاني ومحدش يغلط في اهلي ياريت

عندي القط مشمش مات كان عندي مربيه فوق ال7 سنين ازاى اقدر اتعامل عادي مع العلم اني كل ما اشوف صوره ادمع. للعلم انا شاب. الى مات عنده حيوان عزيز عليه قبل كده يقولى ازاى قدر يتخطى الامر

انا كان عندي اكونت قبل دا ومعرفتش ارجعه هل كله كدا ولا انا بس لان كنت بسال ع أشخاص منه وعارفاهم دلوقتي مش هعرف اوصلهم فهل حد عنده حل ولا خلاص كدا معدش هينفع يرجع

مشكلة انك تفقد حد دي صعبه جدا و بتحسسك انك لوحدك و كل حاجه بتكون تقيله عليك وترجع لنقطة الصفر من تاني مش بيبقي عندك اي فكرة عن اي اللي ممكن يتعمل ف اللحظه دي

يا ترى كنتو بتعملوا اي وقت ما الاب دا وقف انا عملت حادث وكنت محتاج اتكلم واتسلى شوية وللأسف الاب كان مش شغال 😥 خلونا نجرب الاب بعد الابديت الأخير 🫣