المفروض ان انا مسلم ومن فتره مش كبيره كنت مقتنع اقتناع تام ان الاسلام صح وان ربنا موجود ودا كله وكان عندي ايمان ويقين بالله والدنيا دي بكل الي فيها ماكنش فارقلي وشبه مش خايف من الموت، ماكنتش متدين ومقصر في ديني بس كان عندي ثقه كبيره في ربنا ومتفائل خير، المهم ان انا الدنيا كانت ولا حاجه في نظري حرفيا وكان كل همي الاخره، دا غير ان انا كنت واثق ان كل خطوه بخطيها ربنا معايا فيها ومش سايبني ومش هايخذلني ومش شايل هم حاجات كتير ودي كانت الحاجه الوحيده الي مخلياني عايش مطمن وفي سلام ومن غير خوف ولا تفكير كتير رغم ان كل حاجه في حياتي كانت زي الخرا ومخذول من الدنيا كلها حرفيا وحياه محدش يتمناها بس مع ذلك كنت كدا، المهم ان انا دلوقتي كل دا راح ومابقتش مقتنع بالديانات كلها عمتا غصب عني، ولأسباب قد تبدو مش منطقيه لناس كتير بس انا عمتا بقيت شايف الي هو اه اكيد في خالق للكون دا كله بس بقول مايمكن خلقنا لسبب احنا مانعرفهوش ومش عاوزنا نعبده ومابيتدخلش في حياتنا، طبعا كلام مش مقنع لناس كتير بس تفكيري دا مجاش من فراغ، جه لما بصيت لحياتي وتجاربي ولكل حاجه بتحصل في الدنيا دي من غير ما ادخل في تفاصيل لأن مش هدفي اني اقنع حد غيري، المهم ان حقيقي حتي لو الديانات فعلا مش حقيقيه ومن صنع البشر فا انك تعيش علي ديانه احسن بكتير من انك ماتكونش مقتنع بيهم وعايش زيي كدا، يعني بستغرب الملحدين الي مبسوطين بالحادهم وشايفنه تحرر وبيدعو غيرهم للألحاد، يعني حقيقي ايه الحلو في ان حياتك مايكونش ليها معني وانك تكون عايش مش مومن بأي حاجه ومالكش مرجع ولا في اي حاجه تهون عليك مشاكلك ولو الدنيا كلها خذلتك هاتروح لمين ولا عارف ايه الي بعد الموت وهل في حاجه فعلا بعد الموت ولا لا، الفكره مرعبه لأﻧك حرفيا ممكن تموت في اي لحظه، عمتا انا حقيقي زعلان ومخنوق جدا علي الحاله الي انا فيها ومش عارف هاكمل ازاي وحاسس اني لوحدي اوي، هو بالفعل انا لوحدي اصلا

2

4