فقدت الشغف في تالتة ثانوي وعايزة أعرف أعمل إيه

Question

انا في تلتة ثانوي عام فقدت الشغف بطريقة رهيبة مش قادرة افتح الكتاب حرفياً حاجات كتير اتراكمت عليا و انا مش عاوزة اخذل حد خصوصاً الناس الي وقفت جمبي انا تايئة و مش عارفه اعمل اي و مش عاوزة الوقت يخلص و انا ما عملتش حاجه فلو حد مر بتجرب زي دي رأيه  اعمل اية ؟؟!

Marshmallow_87941 🇪🇬 · Answer

ابداي من دلوقتي لسه وقت كتير .. وما تفكريش في حد ولا حاجة..الكلية دي حاجة مكتوبة لأن عملك مكتوب اصلا ..انتي خدي بالاسباب بس

Cherry_88188 🇪🇬 · Answer

مش مهم الوقت اللي تبدأي فيه المهم اسمعي مني كويس 
اهم اهم اهم سنه وفتره ف حياتك علي اساس السنه دي هيتحدد كل حاجه فعلا وسيبك من اي حد يقول غير كده 
الماديات بقت هي طبع الناس كلها اقسم بالله مافي اي بني ادم مابيفكرش غير بالماديات والمسميات الوظيفيه ف انت/ي مش بتحدد مجرد كليه هتدخلها لا ده انت/ي بتحدد/ي حياتك كلها والله لو دكتوره شريك حياتك هيبقا دكتور ولو اقل هيبقا هو اقل اولادك هيبقو ايه عيشتك

Cherry_88188 🇪🇬 · Answer

عيشتك هتبقا عامله ازاي علي هذا الاساس عمر ماحد هيرفضك بالعكس انت/ي اللي هيبقا قدامك كل الفرص وانت/ي حاطه رجل علي رجل وبتختاري 
وده اقوي حافز اقدر اقولهولك ومن واقع تجربه وحشه فعلا يعني بس الحمدلله على كل شيء

Coffee_88057 🇪🇬 · Answer

ممكن اساعدك تذاكري

Chocolate_52580 🇪🇬 · Answer

مع احترامي ليك و لتجربتك بس مش قصدي حاجه بس انت البعد تالته ثانوي معرفتش توصل لمكان انت حابه 
مش جي اهاجم ولا اضايق حد بجد 
بس فعلا كلامك مش صح مع كامل احترامي ليك 
اولا لو هنتكلم على طب و دكتور ففي 1- بيخشوها اسخسار و ميكملهواش.  2- يخلصوها و ميشتغلوش فيها.  3- يشتغلوا فيها.   و ولا واحد غلط كلهم صح
كذالك عادي جدا هتلاقي مدرسين منتخرجين من صيدله.
فهي مش مقياس لحياتك هامشي ازاي، اه هتساعدك اه ماشي

Strawberry_75617 🇪🇬 · Answer

ازاي

Chocolate_52580 🇪🇬 · Answer

اه ماشي معاك و أنها مهمه اه معاك، بس مش مهمه لباقي حياتك هي مهمه علشان دي دراستها و دا المطلوب منها دلوقتي فلازم تعمله على أكمل وجه و على قد ما تقدر 
بس مش اي حد جايب اقل من 90 بيروح يخلص حياته.
و اه هتاخد نظره من الناس إذ كانت حلوه أو وحشه بس دا مش معناه يأس برضه

Strawberry_75617 🇪🇬 · Answer

المشكلة عندي مش بالبداية انا بدأت من اول السنة فعلاً بس أنا عندي المشكله دي من زمان كل سنة في نفس الفترة دي بقع بس و بفقد الشغف و مش بكون عاوزة اكمل انا بس عاوزة اقتل الشعور ده و عاوزة اساعد نفسي بس مش عارفه ازاي

Chocolate_52580 🇪🇬 · Answer

بصي ماشي اه دلوقتي الشغف بيقل 
بس المفروض دا من اول 11 بيقل فالمفروض دلوقتي تحاولي تدوسي على نفسك علشان لما تاخدي الاجازه تكوني مرتاحه 
و بعد الاجازه هيقل تاني بس هترجعي بكل طاقتك علشان دا هيبقى اخر كام شهر فاهمه

فبالتالي انت معاكي واقت دلوقتي، حتى لو مراكمه كتير فبرضه معاكي وقت، جربي تعملي جدول أسبوعي و حاولي تمشي عليه و شوفي عايزه تمشيه بأنيو سيستم حابه تمشي تلت حصص في اليوم ولا حصتين بس ولا

Chocolate_52580 🇪🇬 · Answer

ولا يوم اتنين و يوم تلاته

بس المهم انت متوقفيش و تسيبي كل حاجة 
لازم بس تبدأي و إنشاءالله هترجعي احسن من الاول 
بس ابدأي و استمري

Strawberry_75617 🇪🇬 · Answer

انا عارفة كل ده و اكتر كمان و انا عاوزة اغيره بس المشكله عندي في الوقت

Strawberry_75617 🇪🇬 · Answer

بص انا حاسة انك فاهم/ة بس انا مشكلتي الوقت معظم الدروس الصبح و انا باجي علي العصر مثلا و انام للمغرب ومش بعرف اذاكر الصبح فاليوم بيضيع بالنسبة لي و مش عارفة اظبطه فاهمني؟

Chocolate_52580 🇪🇬 · Answer

ممكن لو دي حاجة مش بتضايقك، تغيري مكان مذاكرتك حتى لو في البيت بس تغيريه أو تروحي عند حد أو تروحي مكان عموما جديد لو دا مش هيعطلك جربي 
أو مثلا جددي من روتينك شويه 
و اهم حاجه انك فعلا متفكريش كتير و تقولي أنا مش قادره و كدا 
جربي و حاولي و ابدأي منغير تفكير بجد

Chocolate_52580 🇪🇬 · Answer

مش بتعرفي تذاكري بليل خالص؟

Strawberry_75617 🇪🇬 · Answer

لا بحس بخمول

Chocolate_52580 🇪🇬 · Answer

طب انت كنت ماشيه بتذاكري امتى اصلا

Chocolate_52580 🇪🇬 · Answer

اصل كدا مفيش غير الفجر قبل الدروس و مش حاسسها احسن حل

Strawberry_75617 🇪🇬 · Answer

انا مفضية يومين كنت بحاول الم الدنيا فيهم و اوقات بذاكر بليل بس فجأة الدنيا اتركمت و انا ملليت كل يوم نفس الشئ

Strawberry_75617 🇪🇬 · Answer

انتي  في تلتة بردوة؟

Chocolate_52580 🇪🇬 · Answer

اه 😐

Strawberry_75617 🇪🇬 · Answer

علمي و لا أدبي؟  و بتذاكري ازي؟

Chocolate_52580 🇪🇬 · Answer

مش عارف دا حل حلو ولا لا بس لو كان مريحك خلاص 
بس ممكن متناميش أو تنامي اقل، مش عارف بصراحه

Chocolate_52580 🇪🇬 · Answer

رياضه. 
أنا برضه حاليا مراكم حبه و ماشي زي ما قولتلك عامل جدول 
بس أنا كله اونلاين فعلشان كدا مترتب اكتر فمش عارف أفيدك اوي

Strawberry_75617 🇪🇬 · Answer

انا علوم مشتركة مع الجوهري و دي اكتر مادة فعلاً مراكمة فيها

Chocolate_52580 🇪🇬 · Answer

حاولي حاولي بجد و متسيبيش نفسك للتفكير الكتير بيودي في حتت وحشه بجد

Strawberry_88209 🇪🇬 · Answer

بصى انا فى تالته وزيك بالظبط نفس المشكله والدروس كتير والمذاكره باليل والكلام  دا.... وبصراحه حسيت لما بتحط تحت ضغط او ورايا امتحان شامل مثلا بخلص كل المتراكم فى الماده بسرعه رهيبه فحسيت ان دا الحل بس اللى هو م هقعد استنى امتحانات شامله علشان  الم اللى عليا.  فلقيت حاجه زى  نظام متابعه كده يعنى بتشتركى فى كورس ومعاكى ناس كان قبلك فى تالته وجابت مجاميع كويسه وبقو دكاتره ومهندسين بيتابعوكى

Strawberry_88209 🇪🇬 · Answer

وكل يوم بيسألو عليكى وخلصتى قد اى وكده وبصراحه لما اشتركت وحسيت ان مضغوطه فعلا وفى حد متابعنى كل يوم فغصب عنى بدأت انجز زى ما كنت بعمل فى الإمتحانات وكده لأن بتحرج اوى لما يسألونى خلصتى ايه واقول مخلصتش حاجه ففى الأول كنت بذاكر غصب عنى علشان مجبره دلوقت حبيت الموضوع اوى غير انهم بيعملو جوايز وهدايا للى بيخلص الجدول اللى اتعملو وبيخلص كل اللى عليه

Strawberry_88209 🇪🇬 · Answer

لو عايز تعرفى هو اى  او تفاصيل قولى.... دا م اعلان  او انا حد منهم حسيتك هتفكرى كده🙂
هما اصلا م حتاجين انا بحجز بالعافيه.. الفكره ان حبيت اشارك حاجه فاديتنى مع غيرى وان شاء الله تفيدك ♥

Ice Cream_62807 🇪🇬 · Answer

بصي مشعرف الي ده حل ليك ولا لا بس هوه حل ليا مشكده زي دي  تخلت الاوضه  وجبت كتاب من الكتب  قفلت كل حاجه حوليه من تلفون أو اي حاجه تنيا وقفات الأوضا تنتني اعد اصاض الكتاب واعت اقرأ الي في  عادي لغيت ملقيت نفسي  مبكتب المعلومات في ورقة بتلغبص  زي الغش  وعرفت احفظ وبعد متخلص كافأ نفسك بي اي حاجه حتا لو بتعملها كل يوم لو محفطش متعملهاش زي عقاب  بس زكذ وربنا يوفقك يارب

Strawberry_75617 🇪🇬 · Answer

بكم؟

Croissant_76454 🇪🇬 · Answer

عادي كلنا عدينا بالموقف دا وكلنا عدينا .. وخليك ديما عارف إن ربنا مش بيضيع تعب حد اتعب واجتهد والباقي علي ربنا وما توفيقي الا بالله...ارتاح اخرج خد يوم وريح نفسك من كل حاجه اعمل الحاجه اللي بتحبها وقضي اليوم وارتاح وارجع ابدأ بكل عزم واصرار واللي عدوا مش احسن منك في حاجه

Strawberry_88209 🇪🇬 · Answer

فى كورس 100 وفى 200 وفى 300

اول واحد دا جدول بس بتقوللهم المتراكم ويعملولك جدول ليكى

التانى جدول ومتابعه يوميه كل يوم  علشان يشوف وصلتى لفين

والتالت جدول ومتابعه وكورس بتاخيه لو انتى ضايعه فى الماده حرفيا م عارفه فيها كلمه بيأسسك فيها خطوه بخطوه وكمان هدايا وجوايز زى ما قولتلك كده

Strawberry_88203 🇪🇬 · Answer

بصي اول حاجه صلحي علاقتك بربنا قربي منه اكتر واظبي ع الصلاه والقرآن وادعي ربنا كتير بكل حاجه جواكي وعيزاها وبعدين ابدأي رتبي وقتك واللي وراكي وواحده واحده هتلاقي انك بتنجزي لسه   فيه فرصه والوقت مراحش هتقدري وقدها وقدود ان شاء الله

Chocolate_52580 🇪🇬 · Answer

انت بدأتي صح؟؟

Strawberry_75617 🇪🇬 · Answer

بدأت اي؟

Chocolate_52580 🇪🇬 · Answer

بدأتي مذاكره أو عملتي الجدول أو أي حاجة ؟؟
بقيتي احسن عموما ؟
هو اه الوقت مش كتير بس ممكن يبقى في تغير
بسأل بس

Cherry_88205 🇪🇬 · Answer

سيم انا تالته برضو

Strawberry_75617 🇪🇬 · Answer

بص انا مش مراكمة زي ما انت متخيل انا بس فاقدة الشغف بمعني اصح مش قادرة بس انا هحاول وهبقي احسن و متشكرة جداً انك لسه هنا معايا

Chocolate_52580 🇪🇬 · Answer

مش عارف بصراحه 
فكرت انك ممكن تغيري المكان أو تخرجي تذاكري شويه بعد كدا تعملي العايزاه
أو جددي طريقة المذاكره

Strawberry_75617 🇪🇬 · Answer

انا عملت جدول و هحاول اتأقلم و اذاكر بليل عشان حتي الم المتراكم

Chocolate_52580 🇪🇬 · Answer

طيب حلو ربنا معاكي 
و متيأسيش بجد انت قدها

Chocolate_52580 🇪🇬 · Answer

و انهارده احسن؟؟

Strawberry_75617 🇪🇬 · Answer

إن شاءلله و انت كمان حاول تلم المتراكم و ماتسبش نفسك لأخر السنة انت قد وقدود يا هندسة

Chocolate_52580 🇪🇬 · Answer

بحاول اه بجد 
شكرا 😅
و انت كمان بجد كملي متيأسيش

Chocolate_52580 🇪🇬 · Answer

و لو حابه تمسحي البوست امسحيه خلاص 
و ربنا معاكي 🫵

Chocolate_52580 🇪🇬 · Answer

اكمنك ممسحتيهوش 
فأنت عامله ايه ؟

Strawberry_75617 🇪🇬 · Answer

فل يا هندسة بدأت الم المتراكم اهو ادعيلي

خليه ذكري علي الاقل اخر السنة نشوف اي الي حصل