هطول شوية تقدر تسكيب بس دي تعتبر قصة حياتي يمكن لما احكيها اخف او اهدى على الاقل بدل م انا كاتمها في نفسي وبتعب كل يوم عن التاني البداية كانت وانا عندي ١٦ سنة كمراهق عاوز اكلم بنات والهبل ده المهم في واحدة وليكن اسمها فيروز ، فيروز دي هي اللي كانت عاوزه تتعرف عليا انا مكنتش اعرفها انا رفضت في الاول بس بعد كده تمام عدت الايام وبقت اقرب شخص ليا اكلمها كل ساعة اعرفها كل كبيرة وصغيرة اجيبلها وتجيبلي هدايا نتقابل من بعيد لبعيد عشان نشوف بعض هي كانت أكبر مني بسنة بالمناسبة المهم جات الثانوية بتاعها كنت بحاول اخفف الضغط عنها وافرحها إلى اخره جابت مجموع دخلها كلية حلوة المهم الفترة دي كان فيه مشاكل في البيت ومشاكل عليا من كل حتة ف اتغيرت شوية مع الكل هي اول م دخلت الكلية اتغيرت عليا اكتر وقطعت معايا من غير إنذار حتى وانا كنت مستني منها تردلي الجميل حتى وتقف معايا في الثانوية بتاعي بس ده محصلش قعدت كذا شهر من ١٨/١٠ لحد شهر ٤ زعلان ومكتئب ومهمل مش اوي لكن مبذاكرش اوي المهم فقت لنفسي من شهر ٤ كده وبدأت اذاكر بس ربنا موفقنيش ودخلت كلية مش حاببها قعدت بعدها سنتين مكتئب في البيت مبخرجش مبتكلمش مع حد لدرجة قبل كده عدى عليا ٣ شهور مخرجتش من البيت نهائي منهم شهر مشوفتش اهلي بالمعنى الحرفي كنت بنجح بذاكر يوم الامتحان واروح ارص وارجع وفي السنتين دول عملت اوسخ العادات اللي تدمرني كسل وفرجة الى اخره بقى لكن مقربتش من سجاير او حشيش او حاجة من الكلام ده جات تالت سنة قلت افوق لنفسي شوية رحت شغل وبصراحة الدنيا كانت الطف شوية بقيت اتكلم مع الناس وكده لكن لسه مكتئب واه رحت لدكتور نفسي من بعد الثانوية بشوية واتشخصت اكتئاب حاد وثنائي قطب واضطراب شخصية حدية بس ماخدتش علاج لاني عارف آخرته قعدت من الشغل عشان اركز في الامتحانات وكده وجبت جيد جدا قلت عاوز افوق واروح كورسات واطور من نفسي كل م اجي اعمل حاجة حاجة تحصل مرة صباع رجلي اعزكم الله حصل فيه مشكلة قعدت شهرين في البيت خفيت جيت افوق وجع اسنان وحشوات وكذا حاجة خلصت وقولت افوق بقى والدتي تعبت وكنت قاعد بيها الحمدلله خفت حصل مشاكل في البيت وكان هيحصل طلاق وانا اللي في النص بصلح بينهم رايح جاي طول اليوم الحمدلله كله اتحل افوق لنفسي بقى يارب لا اكتشفت بالصدفة ان ضغطي عالي وانا ٢١ سنة قيسته كذا يوم ولسه عالي الدكتور طلب اشعات وتحاليل الحمدلله كله تمام قلب وكلى والتحاليل كله بخير الحمدلله لكن الضغط لسه عالي الدكتور كتبلي علاج وبدأت اخده والضغط بدأ يرجع طبيعي وبقالي اسبوعين قاعد في البيت كل تفكيري في المستقبل انا لسه ٢١ سنة وعندي الضغط امال قدام ايه هيحصل نفسي ارجع طبيعي نفسي افوق لنفسي نفسي الضغط يرجع طبيعي ودماغي تسيبني في حالي ممكن او مش ممكن هو اكيد الضغط ده من التوتر والزعل اللي انا كنت فيه سنين وقلة الحركة وكده انا مش تخين برده وزني زيادة لكن حاجة بسيطة جدا يعني في الهدوم ببان رياضي اصلا ف مش عارف اعمل ايه وأهلي زعلانين عليا وعلى زعلي وانا زعلان اني مزعلهم ومعرفتش افرحهم ولا مرة وده بيزيد الضغط اكتر وفي دوامة مش عارف اخرج منها ،فيه تفاصيل كتير جدا في النص مقولتهاش عشان مطولش اكتر من كده ياريت تدعيلي الاقي نفسي واخف ولو عندك نصيحة او تجربة ياريت تقولي بس بالله عليك متدخلش تكتبلي كلام يضايقني لاني فعلا مستنزف نفسيا بطريقة اول مرة تحصلي وبفكر في اني انهي نفسي اكتر من مرة في اليوم لكن ربنا بيثبتني وان شاءالله هفضل ثابت بس انا ضعيف وعارف وبلوت تويست بسيط (انا لسه بحب فيروز ومستنيها تكلمني لسه بعد ٥ سنين عشان احكيلها على اللي حصل😀)

4

4