قصة حب

Watermelon_74699 🇪🇬

منذ أسبوع واحد

شعور شاعر بالملل

موضوع:

قرارات من الأهل كانت سبب في تغير حياتك

مرة اهلي قفشوني مع بنت ف البيت و المشكلة ان دي البنت الي بحبها و عايز اتجوزها و بقيوا مش موافقين عليها معني بمووت فيها مرة اهلي قفشوني مع بنت ف البيت و المشكلة ان دي البنت الي بحبها و عايز اتجوزها و بقيوا مش موافقين عليها معني بمووت فيها

Banana_56622 🇪🇬

منذ أسبوعين

شعور مرتبك

عبّر عن شعورك بشكل مجهول

من الحاجات اللي عمري ما هفكر اني احكيها لحد مهما كان قريب مني اني في فتره من حياتي كنت شغال في مكان وكان شغال معايا واحده في نفس المكان هي كانت مؤدبه ومحترمه جدا وعلي الفطره زي ما بيقولو ومكنتش متجوزه كانت روحها حلوه كنت بحب اتكلم معاها جدا وبحب اسمعها وهي بتتكلم وكنت بحب هزارها معايا وكانت بتفهمني من مجرد نظره ومفيش حاجه اطلبها منها الا وتقولي حاضر ونعم وكانت علاقتي بيها كويسه جدا هي اه مكنتش جميله من بره بس جميله اوي من جوه و من الاخر كنت بحبها جدا واللي عرفته انها كمان بتحبني بس عرفت من طرق غير مباشره بس بعدها سبت الشغل ده وكان بينا تواصل لفتره معينه لحد هنا الكلام حلو ؟ لا هديك الصدمه البنت دي كانت اكبر مني بحوالي ٢٠ سنه !!!!!!!!
وللعلم مكنتش اول بنت في حياتي انا كنت عارف قبلها كتير وبعدها عرفت كتير وساعه لما كنت شغال معاها كنت عارف واحده بس اهو الموضوع عدي عليه سنين بس لحد دلوقتي هتفضل احلي فتره حياتي هي اللي كانت معاها واحسن واحلي بنت دخلت حياتي مفيش بنت فهمتني زي ما هي فهماني ومحستش براحه مع بنت غير معاها هي بس طبعا انا عاقل وهي عاقله واتفقنا علي البعد لان العلاقه دي غلط ومكنتش تنفع 
وتوته توته خلصت الحدوته هو الموضوع انا مختصره لكن هو كان اكبر من كده بكتير ومكنتش اتوقع اني ممكن احكيه لحد بس اهو حصل وحكيت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_71252 🇪🇬

منذ 4 أسابيع

شعور مكسور القلب

عبّر عن شعورك بشكل مجهول

انا كلمت بنت من ٣ سنين تقريباً
بالظبط يوم ٢٩ / ٤ / ٢٠٢٢
في الأول اتصاحبنا و كنا بنتكلم عادي كأصحاب و بعدها بفترة صغيرة بدأت احبها و بعدها بفترة صغيرة ارتبطنا و هي بردو كانت بتحبني اوي
المهم كنا بنتكلم كتير اوي طول اليوم طبعاً كله شات مكناش بنتقابل بس كنا بنشوف بعض من بعيد ف الدروس مثلا
المهم واحنا مرتبطين حصل مشاكل كتير و خناقات كتير بس اغلب الاوقات او تقريباً كل الاوقات لما كنا بنتخانق كنت مش بكلمها بيومين او ب ٣ ايام و هي الي كانت بتصالحني ، و مثلا لو قالتلي انها تعبانة كنت اقول الف سلامة من غير ما اسأل هي مالها اصلا ، طبعا دا مكانش طول الوقت بس برغم كدا انا كنت بحبها اوي و لسا بحبها و هي بردو كانت بتحبني اوي و كنا كمان بنتكلم ع المستقل و الي هنعمله مع بعض لما نكبر و كدا ، و انا عشان كنت ضامنها عشان عارف انها بتحبني كنت عشان كدا مش بصالحها و ساعات مش بعاملها مش كويس و كدا و كنت فاكر انها بترجع كويسة بعد اي خناقة عادي.
المهم فضلنا حوالي ٣ سنين ع الوضع دا و كله تمام لحد ما في شهر تلاتة الي فات قالتلي تعالى نبطل كلام عشان حرام و نطمن على بعض كل فترة يعني و كدا لحد ما ان شاء الله اروح اخطبها و انا وافقت طبعاً عشان بردو ربنا يكون راضي عننا و تبقا من نصيبي
بعد شهر الي هو ف شهر اربعة كان العيد ف دخلت قلتلها كل سنة وانتي طيبة قالتلي احنا مش هينفع نتكلم تاني عشان مامتي عرفت و قالتلي متكلميهوش تاني و كدا بس مشرحتش اي تفاصيل ولا قالت اي حاجة ، و كنت كل ما اسألها تقولي مش قادرة اتكلم ف قلتلها انا لسا بحبك و عايزك و هعمل الي اقدر عليه عشان اوصلك و بعدين سكتت عشان مزعجهاش .
المهم بعد فترة الي هو دلوقتي ف شهر عشرة بقا من اسبوع كدا لقيتها عاملالي بلوك على انستجرام و سناب مع انها مكانتش عاملة قبل كدا
ف بعتتلها على صراحة سألتها عملت لي ف هي مردتش عليا
ف المهم دخلت اكلمها على تليجرام سألتها عملت لي ، قالتلي عادي  الموضوع غلط من الاول و انا مكنتش استاهل المعاملة دي
و اننا لما بطلنا كلام هي فاقت و عرفت قيمة نفسها و فهمت كل حاجة و قالتلي مش عايزة ارجع احس احساس اني مكنتش فارقة تاني و ان مفيش حاجة بتتصلح
وانا طبعاً فضلت اقنعها بالعكس و اني اتغيرت و اني خلاص مبقتش الشخص دا و ضعفي بان قدامها و الكلام دا كله بس هي بردو مصممة ع كلامها و مش عايزانا نكمل و بتقول ان دا احسن ليها و ليا رغم اني قلتلها اني مش عايز حد غيرها بس هي قالتلي الكلمة جاية متأخر اوي
و هي عارفة ان بحبها اوي و ندمت ع الي عملته معاها و اتأسفتلها بس بردو هي فضلت مصممة و في الآخر ودعنا بعض بس قلتلها لو احتجتيني ف اي وقت كلميني هتلاقيني مستنيكي
و هي قالتلي انا معتقدش اني هحاول اكلم شخص تاني  و انها مش هتعرف تثق ف حد تاني
و خلص الكلام
وانا من ساعتها زعلان و مش عارف اعمل اي و مش متقبل الوضع ، انا عايزها تكون ليا بس انا مش فاهم هي مالها
و كمان بدخل حسابها بأكونت فيك بلاقيها منزلة استوريهات رومانسية بعد اليوم دا على طول و بعده بكزا يوم كمان ف هي شكلها مش زعلانة اصلا و مش فارق معاها و كمان حاسس ان في حد تاني ف حياتها اصلا
و حاسس انها قالتلي نبطل كلام و ان امها عرفت عشان تخلع مني
بس انا مش عارف حاجة ولا متأكد من حاجة بس الي متأكد منه اني لسا بحبها و عايزها و مش ببطل تفكير فيها و مش عارف اعمل اي عشان ترجعلي تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_83091 🇪🇬

منذ 4 أسابيع

شعور مرهق

انا كنت بمر بقصه حب سنتين بعد خناقات وبعد اللي حصل لقيتها مره واحده بتقول لي انا عايز امشي وهي ما بقتش هي وان هي ما بقتش مستريحه وانا مش عارف انساها ولا هي عارفه تنساني وعيطت بس هي جافه اعمل اي

Mango_78322 🇪🇬

منذ شهر واحد

شعور مكسور القلب

جماعه انا حابب احكى حاجه انا ممرض ف كنت لسه طالع من علاقه وحزن الدنيا فيه تجيلى هديه من عند ربنا كده المهم اتعرفنا على بعض وعرفت ان هى ان هى اكبر منى وكده المهم حصلت صدفه فرح جمعتنا ومعاد الفرح كان،9 احنا اتقبلنا من 3 لحد 9 بنحكى على حياتنا المهم عجبتنى وانا عجبتها خلص الفرح كنا ارتبطنا عشنا سنتين م

Hazelnut_77351 🇪🇬

منذ شهر واحد

شعور عاطفي

عبّر عن شعورك بشكل مجهول

انا اسف لو هطول عليكو شويه بس محتاج اشارك قصتي عشان يمكن حد يفهمني انا مفروض اعمل ايه انا عندي 20 سنه ممكن يكون كل اللي هقولو دا معناه اني ضيعت مشاعري كلها تقريبا ف سن صغير بس انا عارف ان انا اللي اخترت كل دا وانا ف تانيه ثانوي تقريبا انا مكنتش بصدق زمان اني ممكن اتحب من واحده او ان دا اوبشن موجود اصلا تقدرو تقولو مكنش عندي ثقه ف نفسي ساعتها كنت بفضل اشوف اللي ف سني وعايشين قصص حب وكان بيبقا نفسي اعيش زيهم واجرب كل حاجه بيعملوها بس كنت ببقا عارف من جوايا ان مستحيل اتحب يمكن دا بسبب اني اتولدت وحيد وكنت قليل الكلام ومكنتش اجتماعي مكنتش اعرف بنات حتى لحد تانيه ثانوي كنت اعرف بنت معايا ف المدرسه هنسمي البنت دي (م) كانت اول مره ف حياتي تقريبا اكلم بنت ف حياتي كانت هي دي وكانت هي اللي داخله مكلماني ف الاول البنت دي كانت معايا من اول ابتدائي ف المدرسه بس عمري ما كلمتها المهم اننا اتكلمنا فتره وقربنا من بعض بس كانت هي دايما تقولي ان احنا صحاب وبس وبيست فريند والكلام دا انا بحكم اني مكنتش بكلم بنات قبل كدا فا مكنتش فاهم اوي ان دي بتبقا تلميحات شيلتها من حساباتي ومكنش عندي اي مشاعر ليها وكنت بتعامل معاها على اننا صحاب وبس دايما لحد ما ف يوم عرفت ان في بنت كانت معجبه بيا ف الفصل معايا بردو  هنسميها (ح) وعملتلي فولو ع الانستجرام الصراحه ف الاول كنت متردد اكلمها ولا لا بس بعد فتره لما بدأت اخد بالي منها بدأت تعجبني وحسيت انها بنت حلوه ومحترمه وملهاش اي صوت ف المدرسه بحكم اننا كنا مدرسه خاصه صغيره فا حرفيا كلو كان عارف كلو المهم انا قررت اكلمها ف نفس وفعلا اتكلمنا وفضلنا نقرب من بعض ف نفس الوقت دا كانت (م) اللي مفروض انا وهي صحاب بس من ساعت ما عرفت (ح) دي وهي بتعمل حاجات غريبه وكانت دايما تقولي متقربش منها وانا مكنتش ببقا عارف هي ليه بتقولي كدا بس كنت باخد الموضوع ب هزار لحد ما ف يوم لقيتها بتقولي انها بتحبني وانا مكنش عندي اي مشاعر ناحيتها انا كنت ببني مشاعري كلها مع (ح) وكنت شبه حبيتها فا مكنتش متوقع نهائي ان (م) تطلع بتحبني كنت شاكك بس متقوعتش تقولي ف نفس الوقت انا مكنتش عايز اخسرها كا صاحبه ليا مكنتش عارف اعمل ايه فضلت افهمها ان انا مليش مشاعر تجاهها وهي قررت انها متبعدش قررت نفضل صحاب واكنها مقالتش اي حاجه لحد ما دخلت انا و(ح) ريليشن وهي طبعا مكانتش تعرف اني بكلم (م) فا (م) كانت بتقولي اننا نبعد وكدا عشان (ح) وانا رفضت قولتلها ان انا هعرف اتعامل وعادي لحد ما ف يوم حسيت ان اللي انا بعملو دا غلط وان انا بجد بحب (ح) فا دخلت قولت ل (م) نبعد حسيتها اتضايقت عشان هي قالتلي قبل كدا وانا رفضت المهم انها صعبت عليا فا قولتلها اني كنت بهزر ومبعدناش ف نفس الوقت ضميري كان بيأنبني ناحيه (ح) وكنت خايف انها تعرف حاجه فا تبعد عني فا عملت اسوء حاجه ممكن تتعمل قررت مردش على (م) تاني ومفهمهاش اني بعدت فضلت تبعتلي وتكلمني وانا مبردش وكملت مع (ح) 6 شهور بالظبط ف ال6 شهور دول انا كل بشوف كل انواع الred flags اللي ممكن اي حد يشوفها حرفيا اول شهرين كانو من احلى الشهور ف حياتي كانت تنزل ومتقوليش وتسافر ومتقوليش واكني مش ف حياتها ومكانتش دي المشكله بس المشكله انها كانت بتبقا عارفه اني قايلها اني عايز انزل معاها عشان مكناش نزلنا مع بعض غير 3 مرات ومبنشوفش بعض بره المدرسه حرفيا فا كانت دايما تقولي اول ما انزل مع صحابي هكلمك تيجي عشان هي مكانتش بتعرف تقعد معايا لوحدها عشان اخوها او باباها لما بيجي يوصلها او ياخدها بيشوفو مين معاها بس انا كنت بحس انها مش عايزه تشوفني مكانتش بتقولي اي كلام حلو زي اي اتنين بيحبو بعض حتى كلمه بحبك مكانتش بتقولها من اول ما دخلنا ريليشن عمرها ما قالتها لما جيت سألتها ع الموضوع ف مره قالتلي انها بتتكسف ولما تحس انها عايزه تقول هتقول انا مش عارف ازاي دا لحد دلوقتي ملفتش نظري ل اي حاجه وان كل دا كان لعبه من الاول لما طلبت منها تشيل الولاد اللي عندها ع الانستجرام قعدت تقولي مبحبش الجو القديم دا مع اني شلت البنات اللي عندي من غير ما هي تطلب لما دا حصل قولت ان انا مش هكلمها وهستناها تكلمني تصالحني كان الكلام دا ف العيد الصغير 2023 عدا يوم والتاني ولسه مكلمتنيش ف اليوم التاني كنت نازل مع صحابي وشوفتها صدفه ف نفس المكان اللي كنت فيه اتعصبت انها نازله مع صحابها عادي ومبسوطه وسايباني اولع بقالي يومين وسبت صحابي وقعدت لوحدي ومقدرتش استحمل روحت داخل مكلمها مصالحها انا لحد دلوقتي معرفش عملت كدا ليه المهم بعد فتره بدأت تتعامل بطريقه اغرب بدأت تبقا اونلاين ومتردش عليا تسبني بالخمس والست ساعات متعلق والاقيها فاتحه انستجرام او واتساب عادي وكل ما اسألها تقولي نايمه او مش فاضيه كانت دايما واحنا بنتكلم بليل تقفل تليفونها وتنام من غير ما تقولي سلام حتى او انا هنام بس الموضوع دا كان من اول ما عرفنا بعض فا كنت متعود عليه شويه مع انو مش عادي بالمره الباقي اللي كان غريب بنسبالي لدرجه انها في يومين كاملين مردتش عليا فيهم وانا كنت فاكر انها حصلها حاجه وكنت قلقان جدا عليها لما فتحت بعدها لقيتها بتقولي انا كنت بذاكر والتليفون كان مسحوب مع اني كنت بشوفها ب عيني اونلاين المهم انا كنت حاسس ان كل دا ممكن يتغير لما ناخد الاجازه بس حصل عكس كدا تماما حرفيا لما خدنا اجازه تانيه ثانويه هي مكانتش بترد عليا غير كل 12 ساعه ومش ببالغ كانت بتعاملني معامله المضادات الحيويه بجد ولما كنت اسألها كانت تتحجج بالحجج بتاعتها انها تعبانه او مع اهلها او نايمه طول اليوم او بتعمل اي حاجه وانا زي الاهبل كنت بصدق كل دا كنت كاتم جوايا حاجات كتير اوي وكنت حاسس ب نقص وكنت حاسس اني محروم من حاجات كتير لحد ما ف يوم وتحديدا كان قبل عيد ميلادي ب اسبوع دخلت صارحتها ب كل حاجه وقولتلها اللي جوايا وكنت بقولها ف الاخر اني عاي نصلح كل دا عشان بحبها مع ان حرفيا اي حد مكان مكانش كمل ف العلاقه دي لقيتها بترد عليا اسوء رد ممكن يترد لقيتها بتقولي ان ملهاش لازمه كل دا وان انا اشوف حد تاني احسن عشان هي هتخش ثانويه عامه واهلها هيركزو معاها انا طبعا مكنتش عايز اخسرها فا قولتلها اكيد في حل انا عايز احل كل دا انا بحبك لقيتها مردتش عليها حسيت انها اتضايقت تاني يوم مكانتش لسه ردت عليا روحت باعتلها قايلها انا مكنش قصدي حاجه من كل اللي اتقال امبارح وفكك منو وخلاص تعالي نكمل زي ما احنا انا مش عايز غيرك الكلام دا كنت باعتو يوم 5/6/2023 ولحد النهارده هي مردتش عليا بعد يومين ادركت انها خلاص مش هترد ومبعتلهاش تاني عشان لقيتها بتنزل ستوريهات ومبسوطه ف حياتها فا حسيت اني مليش وجود ف حياتي حاولت انساها كتير وشغلت نفسي اكتر بس كنت عايش ف حاله مش عايز اقول عليها اكتئاب بس انا مكنتش كويس خالص  ف بعدها وكنت بفتكر (م) وكنت بفتكر كلامها وانها كان نفسها بس ف كلمه حلوه مني وانا ضيعتها وسبتها بنفس الطريقه اللي اتسبت بيها بعدين من (ح) بعد شويه شهور قررت اكلم (م) احاول نرجع نتكلم حتى ف الاول هي كانت رافضه بس بعد محاولات كتير مني وافقت نتكلم فضلنا حلوين اوي مع بعض لمده شهر لحد ما جت ف يوم قالتلي انها مش حاسه كل اللي بيحصل دا وانها مش عايزه تكمل مدتنيش فرصه حتى ارد اسألها عن السبب وسابتني لوحدي مع دماغي كنت ف الوقت دا ف بدايه ثانويه عامه حاولت اركز ف الدراسه واشغل نفسي بس كنت دايما بفتكر (ح) وكان بيبقا نفسي اكلمها واحكلها عن اللي بمر بيه واتطمن عليها هي كمان ونشارك بعض مكنتش ببقا عارف اعمل دا ف يوم من الايام في واحد صاحبي ليه علاقه ب واحده صاحبت (ح) بس مش صاحبتها اوي بس ليها علاقه بيها بيتكلمو وبيقعدو مع بعض ف المدرسه قولتلو متحاول تخليها تكلمها نرجع او تسألها حتى هي عملت كدا صاحبي قالي حاجه كانت كفيله تخليني مش عارف اثق ف اي حد تاني ف حياتي قالي ان (ح) وهي معايا ف نص الريليشن او اولها كانت ف ريليشن تانيه مع الاكس بتاعها وانها كانت بتوري الشات بتاعنا انا وهي لصحابها ف المدرسه وتقريبا كانت بتفرج نص الدفعه عليه وتفضل تتريق عليه وتقولهم بصو بيقولي ايه ويضحكو انا مكنتش عارف اصدق هو طبعا كان جايب الكلام من البنت اللي كان بيكلمها بس انا مستوعبتش مكنتش عارف اصدق مع ان المنطق وكل اللي حصل بيقول ان الكلام دا حقيقي بس انا مكنتش قادر اصدقو كان نفسي اتأكد منها حتى انو صح حاولت اتخطي كتير كان بيجي عليا وقت بفتكر اني نسيتها ومتبقاش ف بالي فعلا بس دايما لازم يحصل حاجه تفكرني بيها واحس اني ف نقطه الصفر وحتى وانا حاليا مفروض ف ريليشن بقالي  10 شهور لسه بتيجي ف بالي ساعات وبفتح صورها ومبعرفش ايه السبب لحد دلوقتي مهما كنت مع غيرها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_21235 🇪🇬

منذ شهر واحد

شعور مرتبك

اصر انه يكلمنى ولف حواليا كتير عشان بس اوافق اكلمه او حتى ابصله واعترفلى بحبه ليا واعجابه الشديد بجمالى وادبى واحترامى كان طاير م الفرحه بيا .وحلف انه لا بيلعب ولا بيتسلى ..وفرف السن بينا 14سنه..كان بيحكيلى قصته عن حبه القديم الل ضيع سنين م عمره كان بيحسسنى انه لقى العوض فيا كان بيملينى كلام عمرى ما

Donut_54632 🇪🇬

منذ شهر واحد

شعور مرتبك

عبّر عن شعورك بشكل مجهول

انا واحد ارتبطت كتير اويي بس محبتش غير واحده اتعرفت عليها من حوالي خمس سنين في سنه ٢٠٢٢ ارتبطنا و سابتني text message بعدها مثلا ب خمس شهور البنت كانت الوحيده البحبها و موضوه انها سابتني اثر  معيا جامد فضلت سنتين و نص مش عارف الاقي حد زيها و كانت قصه وحشه دخلت فيها rebounds فشله كتير المهم رحعت انا و هي ل بعض شهر ١١ من ٢٠٢٤ هي كانت مزال فيها مفس المشاكل ال كانت مديقاني زمان بس حسيت انها بتحاول شويه المرا دي بس كان في مشكله واحده هي الطول عمري عندي معها مشكله و هي انها ممكن متبقاش موجده بل اسبوع و اكتر بسبب انها مبتفتحش سوشال ميديا و عشان هي مش بتحب ت text في نفس الوقت مش بعرف اشوفها كتير عشان ايوها مبيحيهاش تنزل كتير و كدا المهم مكنش عندي مشاكل فل مواضيع دي و كنت بحترم الموضوع دا بس هي كانت ايام موجوده و مهتمه و ايام لا مثلا يوم عيد مسلادي لقيتها بعتالي اول ما الساعه جت ١٢ بس مثلا وقت ما سفرت بلد تانيه شغل اسبوعين و راجع مقلتليش حتى وصلت او حمدلله عل سلامه او اي حاجه مرا قالتلي تعالى ننزل و انا شغال فل قاهره بس من اسكندريه و هي من اسكندريه نزلتلها مردتش عليا اليوم دا و اختفت فتره و بعدها بعتتلي هديه على الشركه الشغال فيها و كلمتني ونا اسفه و بتاع ونا زي العبيط خلاص تمام مفيش مشاكل ليه عشان انا بحبها المهم اهر فتره انا مكنتش طايق نفسي شويه و بقالي شهور مشفتهاش و بتاع فكنت جاضض كنت بحط ستوريز واتس اب تشوفها هي بس عشان تلاحظ ان انا ممكن في اي وقت ممكن اتخطف منها عشان بقيت احس ان هي مش مهتمه و بتاع المهم كنت مسافر مع بنات صحابي السخنه *مكنتش رايح اعمل حاجه غلط صحابي عادي* و كنت منزل ستوري اني عايز شاليه و قصه و هي شافتها ف اتقمصت بس وقتها قلتلها كنت عايز اسألك لو ينفع اروح و بتاع بس انتي مبترديش عشان احسسها انها مش موجوده واحت قالتلي روح انا مالي دا وقتها حسسني اني مليش لازمه الهو على الاقل قوللي ايه الهبل دا ونا فين او اي حاجه المهم رحت انا فعلا سنس انها قالت ماليش دعوه و بتاع و بعدها مان عيد ميلادها كنت بحاول اعملها حاجه و بكلم اختها و مظبط حجات و دافع ديبوزت في حجات كتير و بتاع فجأه اختها تبطل ترد عليا و هي جيا تقولي انت سافرت فعلا و شكلكم كانكم كنتم في هاني مون و بتاع و مسكت بقى الحديده لحد ما بطلت ترد جت من فتره نزلت ان صحبها عملنها عيد ميلاد على انستجرام اتخنقنا و كانت اخر خناقه المهم ان هي قالتلي كلمه يوميها حاسستني ان انا الانسان مقرف و هي كانت انا كنت متخيله بقيت مستقبلي معاك و انا صحابي قالولي انك بتاع بنات بس انا قلت انا عارفه بس انت مش كدا معيا و انا رديت ب اني اخر فتره من ساعه ما رجعنا انا كل البعمله اني بحاول احافظ عل علاقه عشان بعد سنه احارل اخد خطوه حد و اني بحاول اعمل اي حاجه بغكر لينا احنا الاتنين مش ليا لوحدي انا فعلا كان نفسي اكمل حياتي معها لان بور سام ريزون انا بحها من ساعتها هي عنلتلي سين مردتش قفله موبيلها اظن او عملتلي بلوك مش عارف و خلاص كدا انا عارف ان احنا كدا سبنا بعض بس انا مش عارف اتخطى الحوار انا كل يوم فاشخ نفسي شغل و بنزل مع صحابي عشان مفكرش لان انا بقكر ثانيه بنهار و بعيط ونا صعب عليا اني اعيط فل عادي نفسي اخلص الموضوع او نرجع ل بعض بس انا عارف ان هي مش هترجع ابدا و حاسس اني انا السبب في كل العبط الحصل و كنت ممكن الموضوع يعدي من غير ما اسافر و اعمل كل دا انا عارف ان القصه متخلفه و ان احنا الاتنين غلط في حجات بس انا كل ال عايزه ان هي تديني فرصه يعني فرصه اصل حرام اني اعديلها كل دا ونا اول غلطه في حياتي اتحاسب فيها حساب المالكين و شكرا انا لو عايز اخنها كنت خنتها في كل الفتره الهي اختفت فيها مكنتش خليتها معروفه اني مرتبط بيها زي بقيت البنات القبلها بس هي مش مقتنعه و شيفا اني بلعب بيها ونا والله ما حبيت غيرها انا مش عارف اعمل ايه بس القصه قرفتني الصراحه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_64598 🇪🇬

منذ شهرين

شعور مكسور القلب

عبّر عن شعورك بشكل مجهول

دي قصتي ومشكلتي ودي الجزء الاول الي مهتم يبعت وفي جزئين كمان بشرح فيهم المشكله ياريت الي عارف يساعد يبعت.
ل الي أدت أننا نسيب بعض.
سين (اسم مستعار) انا طالب 
شهر ٩الجاي هكمل١٧ سنه داخل تانيه ثانوي اهو عايش في بلد مش مدينه ومش قريه نص نص كده انا في مدرسه لغات فنبقي داخلين المدرسه متأخر سنه عشان الي هيستغرب من السن بس، شبه محبوب من المدرسين دماغي اكبر من سني قارئ ويكتب شعر وشكلي اكبر من سني بشويه حلوين محل ثقه لكل المدرسين والناس الكبار ده راجع ليا انا ولتاريخ عليه ماما في البلد الي عايشين فيها ناس كانوا سياسيين وكده ودلوقتي انا رئيس الكتاب الشباب في مدينتي علي مستوي المدارس، المهم في دخولي لأولي ثانوي ودي مرحله جديده بالنسبه لي أنا ولأي حد في مرحله انتقاليه من اعدادي لثانوي في المدرسه اول تلات ايام عدوا بكل سلاسه دخلت واحده كده قالت اهلا انا مس رؤي (اسم مستعار) مدرستكم السنه دي ممكن اوصف البنت دي الي هتبقي حبيبتي اقول بأختصار اجمل ما رأت عيني من قلب وجسد ومنظر وضمير اعجبني وشدني لها كسوفها واحمرار خديها وجمال صوتها وإصرارها أن تقدم ماده علميه وتشرح رغم كل المعوقات التي تضعها إداره المدرسه من عادات روتينيه غبيه هذا ما شدني لها بالتأكيد يوجد اكتر لكن هذه الصفات ابرزهما مر يوم اثنين ثلاث اربع وانا اكدب نفسي اقول انت اهبل هتحب مدرستك انت اهبل وهي برضه هتحبك ازاي اه هي شكلها صغير لكن انت اهبل اكتويت بنار الحب واشفقت عليها من سخافات ومعاكسات العيال شعرت أنها حبيبتي وبنتي من قبل أن تكون شعرت بالمسؤولين تجاهها وبالحب وبكل شئ، اصدقائي وخصوصا باسل هذا الملعون لاحظ وقال انت اشمعنا في حصه مس رؤي بتطلع قدام قولا بكل بساطه عشان هي الي بتشرح لكن الحقيقه عكس ذلك، المهم من الوقت عملت جروب للفصل وكده واحد الطلاب جعلني الادمن اكتر مهنه بها شقاء في الدنيا والله المهم العيال لعلمهم أن رؤي طيبه ومش هتعمل حاجه كانوا بيقولوا ادبهم وبيستعبطوا فكنت بقفل الجروب ولقيت مع الوقت بتقولي عرفني التحضير ويساعدها وبوريها أعمالي والشعر والمقالات الي بكتبهم وبقينا في اخر كل يوم نتكلم شويه كنير احيانا من ٩بليل ل٣الفجر وتحكي المهم العلاقات اتطورت وحصل مشكله رؤي هتتنقل الفصل التاني لم البث حتي وجدت هذه الفرصه لا أنكر أن رؤي كانت تبكي بالدموع أمام صديقتها لأنها كانت ستترك هذا الفصل، عندنا رفض المعلم الاول الاول إرجاعها لفصلي راسلتني في الساعه السادسه ونصف صباحا وجائت باكيه حزينه مهمده ولم تلبث حتي وجدت هذه الفرصه لتثبت لها اني بجانبها بجانب هذه الساحره كلمت امي فكلمن وكيله المدرسه وبعد اسبوعين خناقات مع الاداره الحمدلله نقلت لفصلها والعيال حقدوا عليا ازاي تعرف تنقل ملحوظه (النقل كان ممنوع مؤقتا ساعتها) المهم من هنا اتوضطت علاقتنا وبقت اقوي وجبت لها هديه ورق معتق وهي كمان جابت برطمان فيه رسائل وانا بفتكر الأحداث دي عمري ما كنت اتوقع أن انا وهي هتبقي كده بجد وحشتني نفسي ارجع لاول لحظه شوفتها فيها يلا خير المهم في حاجتين نسيت اقولكم انا بيتي قريب من المدرسه في وانا مروح بلص لقيت طريقها نفس طريقي بالظبط زببص لقيته شارع شبه قدامي ويبدو انها شافت بس محبتش تبين وبعدها وكده عرفت أن عندها ٢٣سنه وساكته جنبي وبقينا ايام كتيره بنروح مع بعض بجد اجمل لحظات حياتي معها وهي مكانتش بنت اكبر مني دائما كانت صغيره وبريئه وبنتي ومعايا وبتحبني وشيفاني سيد الرجاله ، اسف علي الاسترسال اسف بجد خلينا نكمل كل الهدايا دي واحنا مجرد أصحاب المهم بتحصل صدف غريبه نصحي بليل في نفس الوقت نبعت في نفس اللحظه كده لحد يوم ١٦/١ في شهر يناير الي فات شبه بقينا صحاب من نص ١١لحد١٦يناير صحينا لقينا نفسنا الفجر في نفس اللحظه قالت بحبك وانا قولت وانا كمان زاتعاتبنا ليه مثولناش عدي شبه شهرين كده البدايات وجمالها اجمل حاجه ممكن يعدي فيها الإنسان الفتره الي ممكن يعدي فيها الي عمره ما عداه ويتناول عن كل حاجه عشان حبيبه صبره بيكون طويل
وحُبه اطول واكبر المهم، بعد الفتره دي بدأت تبان الحياه الطبيعيه الانبهار راح بس لسه الحب مكانس في ملل كتير بصراحه والملل بحبنا كنا بنتغلب عليه وكنا كان حبنا اكبر حتي بي عز المشاكل لكن المشاكل بدأت تظهر (انا هتبع نظام أننا مثلا هقول المشكله وادي كذا مثال عليها) اول المشاكل دي الا وهي اللبس وفكر أهلها اولا لبسها ديق وهي اجمل بنت ممكن تشوفها ومحجبه مينفعش اللبس ده والبناكيل الاسكبني دي اقول يمكن أهلها يوعوها الاقي امها بتقول لها البسي لبس بينك حلوه وصغيره انتي عروسه لازم تبقي حلوه وتكون رايحه تشتري هدوم هي واختها الكبيره وأخوها الصغير وهو عنده١٩سنه فلفوا البلد علي بنطلون واسع تلاقيه بيقول لها ما تلبسي شارلستون ديق وخلاص ابه المشكله طبعا ده صدمني اكتر الاقي مامتها الي متحكمه فيهم وملحوظه حالتهم الماديه ضنك باباها مش متعلم كان شغال ميكانيكي وكلمتها خريجه فنون جميله مبتستغلش وأخوها شغال في جيم قبضه يدوب ورؤي لسه اول سنه ليها مدرسه بالحصه هنرجع للملحوظه دي مهمه، المهم وموضوع اللبس والميكب وده بيتكرر كتير وهي عايزه كل حاجه تنزلها انستا وانا بصراحه ممكن اكون غلطان في الحته دي اني مكنتش يخليها تنزل انستا خالص خالص كنت بغير عليها جامد بس اكيد عندي حق وموضوع اللبس ده بقي بيتكرر بكثره ومره كنت بتنازل وهي عشره لحد ما قالت لي زهقت رميت كل دولابي واتخانقنا عشان الموضوع ده بس كان بيتلم ولما عازت تروح اجيب بنطلون عايزه اجيب ديق برضه المهم ما علينا، المشكله في أهلها وخصوصا انها هي الناس اولا أهلها ناس طيبه جدا ومحترمين جدا وولاد حلال بس انها هاممها الناس اقول لها يا رؤي متلبسيش كده تقولي ما كل البنات لابسه اقول لها يا رؤي متتأخريش لكذا تقولي ما صحباتي وكده بيتأخروا واهلي عادي وامها عايزه تسفرها برا السعوديه تشتغل مدرسه وبتعايرها ببنت خالتها الي شغاله خدامه في الإمارات انها بتطلع أهلها ونبهت لهم فلوس من برا الفكره أن البنت دي حبت السفر رؤي لا محبتوش ورؤية مضحيه ةنضيفه جدا وبتحب أهلها جدا وده ينقلنا المشكله الي بعدها التعلق بالاعل هي فاكره أن أهلها لما ربوها وصرفوا عليها هما كده عملوا جميل ولازم ترد الجميل ده ولازم تموت نفسها عشان امها ترضي عليها وامها يا مش فاهمه يعني ايه شغل ولا حياه عمليه ولا ده قد ايه صعب علي بنت في رقه رؤي وجمالها مش مقدره الاميره الي معاها في البيت المهم موضوع الأهل ده وتعلقهم وان اختها بتيجي من بلد تانيه مثلا تقعد تلات ايان او يومين بالاسبوع شبه كل اسبوع وساعات بين الايام دي مبيكلمش التلات ايام وتيجي تاني والخنقه دي واه اوضه رؤي عباره عن صالون عام اي حد بيدخل يقعد الباب مبيتقفلش مفيش اي خصوصيه لاي شخص فيهن عن التاني كله كده ملهاش خصوصيه تقفل الباب حتي مش إجبار من أهلها لا طبعا بل عشان هي اتعودت علي كده وده غلط اوضه البنت دي حرمه لازم يكون ليها احترامها فاهمين يعني ايه اي ضيوف تيجي ولو حتي ولا عمها أو خالها الرجاله يقعدوا في اوضتها ويشوفوعا وهي قاعده فيها واه قدام جوز اختها وقرايبها مبتلبيش طرحه وبتقعد بنص كم عادي وده طبعا كل ده انا منعته ده نبذه عن المشاكل ده غير مشكله العرسان رؤي من كتر جمالها بيجيلها عرسان كتير ف كل فتره عريس وهي بصراحه بترفص عشاني وده طبعا عامل ضغط عليها وضغط من امها ده غير ضغط الشغل زي ما قولت لكم عيزاها تسافر وبتقطمها حتي بالغسول الي بتجيبه لها ، المهم مثال لمشاكل تانيه وهي الالتزام عيله رؤي ورؤية يمكن عشان معرفوش الحياه العمليه معرفوش قيمه الوقت يا جماعه الالتزام بالمواعيد عندي والوعود دي حاجه مقدسه بالنسبه لي أنا هي عندها ولا شئ يكون مثلا اسبوع خدته كله افراح وبتاع ونزول لهدوم ومرواح زيارات ف الاسبوع الي بعده بقول لها هنقعد فتره مننزلش الا للضروره ولو نزلنا هنرجع مثلا ٩وهي تقول اوكي دلوقتي ده عهد مهما حصل بالنسبه لها العهد ده ممكن يتكسر لو اختها قالت لها مثلا تعالي نجيب هدوم او مثلا فجاه بنت اختها جت من المنصوره هي وامها طبعا وعايزين يروحوا ميدو اريا الساعه ١٢بليل حصلت مره ورجعزا اتنين بليل واحنا بلد بتقفل بدري ومره كنا متفقين مننزلش وجالها حاجه تبع الشغل طبعا الشغل ده شئ طارئ بس اتفقنا أن المشوار ده وهتجيب طلبات للبيت وخلاص واتفقنا المهم جت خدت معاها صاحبتها وصحبتعا جابت امها وامها جابت اخو صحبتها المهم راحت مع صاحبتها مشوار وده اوكي واخت صحبتها جه وطبعا انا اتدايقت لكن اوكي برضه راحت جابت الطلبات وكده زاتأخرت لكن خلاص مش حوار الاقيها راحت مع صاحبتها لسوبر ماركت كبير وقعدوا علي الكاشير يجي ساعه ليه بقي هل في شئ يستدعي ده واحنا في اتفاق وكده السبب أن صحبتها عايزه تلف في الماركت شويه اه والله وجابت لبن مزارع دينا ده السبب ورؤي بتقوله لي بعد ما اتعصبت طبعا أنه عادي وان هي متاخىتش ولا خلفت المعاد ولا الوعد أن انا بحط الوعد في مكانه اكبر منها دلوقتي هي شافت أن انا مبقدرش ظروفها ويضغط عليها وانا شايف انها مش حطاني اولويه صحيح يا جماعه اسف نسيت للمره الالف علاقتي انا ورؤية سريه ولا حد من اهلنا ولا صحابنا عارف عشان لو عرفوا هتحصل مصيبه فرق السن ده صعب حد يوافق بيه ده غير أن هي مدرستي يعني ولا حتي حد من صحباتها احنا بس فمكانتس بتعرف تطمني عليها وهي معاهم كانت بتبعت لايف لوكيشن وانا لا أنكر أن انا عندي ساعات نوبات الهلع بتاعت القلق بقلق بسرعه ومخي بيجيب افكار سوداويه لو الي قدامي مردش بسرعه بصراحه ده ممكن تكون تروما من اول علاقه مكانتش علاقه اوي يعني محبتهاش قد رؤي بس ربنا يسامحها عملت لي تروما يمكن موضوع القلق واني بقعظ ابعت وارن كتير ده ضغطها وهنقعا وكده الموضوع وصل معانا لمراحل وحشه وان دائما بتقولي انت نش مقدر اهلي ولا مقدرني ودائما بتستخف بتقاليدهم واه بستخف بس مش جامد ولا حتي ظاهر وتقاليدهم تستحق أن تستخف بيها لما بكون مفيش في شنطتك فلوس تجيبي اكل لعيالك وتروحي تطلعي ٥٠٠جنيه نقطه لحد يبقي انتي واحده هبله وده الي أم رؤي عملته وبرضه عشان الناس كل حاجه الناس وهكذا ده الجزء الاول ده كله تمهيد عقولكم في الجزء التاني ايه المشاكل الي أدت أننا نسيب بعض.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_76276 🇪🇬

منذ شهرين

شعور محبط

عندي واحده كنت بحبها اوي من ثانوي عدت الايام و الجامعه و الفتره دي و عمرنا ما اتقابلنا و صاحبت حد وبطلت كلام بعد اما صاحبت عدت الايام. والسنين و سابو بعض و في اخر سنه جامعه ليها ابتدينا نخرج و نبقا صحاب حتا دخلتها وسط اهلي عدت علينا فتره مكناش لنخرج لوحدينا كان في شله معانا المهم في يوم كنا خارجين

Chilli_76275 🇪🇬 اوعي ترد عليها ولا تكلمها تاني اول ما ترجعلك اعرف أن الاصلي مشي وانت الاستبن هيا بتروح وترجع عشان عارفة أن انت كدا كدا مضمون وقت ما ترجعلك هترد ولما الاصلي يرجع هتكرفك تاني

عرض الكل 2 نصيحة

Apple_67876 🇪🇬

منذ شهرين

شعور محبط

عبّر عن شعورك بشكل مجهول

من فترة كنت حكيت عن علاقتي بالبنت ال حيدة اللي حبيتها يعتبر 
هي علاقة كانت كويسة و باظت مع الوقت من كتر المشاكل و الضغوطات و غيرها
معرفش ليه عملت كدة مع اني مقتنع ان الحاجة البايظة لو منفعتش تتصلح يا بنسيبها يا بنرميها
بس انا قوبت احاول محاولة اخيرة
و بالفعل حاولت اكلم والدها اكتر من مرة
في خلال الاسبوع دة انا كنت بين محاولات اني اتواصل مع والدها و اجيب رقمه باافعل و حصل فعلاً و بعتله و اتكلمت معاه
هم من محافظة تانية تبعد بيننا تقريباً ٤٠٠ كيلو ،
المكالمة سارت كالتالي
السلام عليكم استاذ - 
انا زميل بنت حضرتك و حبيت اني ادخل البيت و اتقدم و اطلب ايد بنت حضرتك
اول سؤال سألهولي مش انت مين،معاك ايه،تعرفها منين،الحاجة الوحيدة اللي سألها هي انت منين
يكاد يكون السؤال غريب
بس دي كانت اول حاجة
لما قولتله اني من المحافظة الفلانية رفض رفض قاطع
عاوز ولاده جنبه،قولتله انا مستعد انقل فنفس المنطفة اللي انتو فيها
قالي تاني حاجة وهي ان لسة بدري
انا الحمد لله عندي براند لبس خاص بيا و قدامي فرصة اني اشتغل مهندس ذكاء اصطناعي 
قالي انا مبرفضكش لشخصك
انا رافض فكرة المكان و البعد مش اكتر،وقد كان
و قفلنا على الكلام اللي اتقال
انا حالياً بحكي كل دة عشان اقول ان كرم ربنا كبري وانا واثق من كدة و عارف ان ربتا مبيجيبش حاجة وحشة
رب الخير لا يأتي الا بالخير
انا حابب احكي قصتي هنا توثيقاً للحكاية مش اكتر
انا حاسس اني الحمد لله كويس
مسحت كل الشاتات،الكلام،الصور،الاغاني
انا بخير الحمد لله،
و حالياً بحاول اعمل صداقات جديدة مع اي حد 
شكراً لهذا البرنامج وشكراً لصديقي العسل اللي قرأ كل الكلام لحد ما وصل للحتة دي 
مع العلم ان سني حاليااً ٢١ سنة 
ادام الله عليكم خيره و رزقكم يما تتمنون 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75492 🇪🇬

منذ شهرين

شعور مكسور القلب

هتكلم عن قصه حب بدات في تلات اعدادي وفضلت ست سنين البنت كانت الطرف للي حبت اكتر بكتير كانت بتحبو اوى وهو مفروض كان بيحبها زي ماهي فهمت كده بعد مرور تلات سنين اهل حبيبها قرار يسافر مكان تاني بعيد عنها خالص كانت دايما معاه ع قد ماتقدر تكلم تسمع كانت تجي ع نفسها عشانو مرا تلات سنين وهو هناك لحد ماحصل

Carrot_71203 🇪🇬 طلع شخص قليل الاصل ، ثانيا المفروض انها لا تهتم به اصلا لانه انكشف على حقيقته وأنه قد ايه انسان خاين وغير أهل ثقه ، المفروض تبقى مبسوطه أنه ربنا نجاها منه وكشفه على حقيقته

عرض الكل 3 نصيحة

Cherry_74548 🇪🇬

منذ شهرين

شعور مكسور القلب

عبّر عن شعورك بشكل مجهول

السلام عليكم 
انا اول مره اكتب علي الابلكيشن ده بس فعلاً محتاجه اتكلم مع حد ميعرفنيش هحكي قصتي ب اختصار واتمني حد يساعدني ب نصيحة او كلمة حلوة
مش عارفة ابدأ منين بس انا اهلي منفصلين من حوالي سنه قبل الانفصال ده كنا دايماً ف مشاكل كتير وخناقات ليل ونهار والدي شخص شديد اوي وصعب ف التعامل وبنخاف منه جداً هو عودنا انه بالنسبالنا فلوس وبس ودائماً لازم ناخد بالنا من كلامنا معاه ونركز ف كل كلمه بنقولها كانت حياتنا صعبه شويه معاه..
انا كنت بحب شخص وكان اهله واهلي صحاب جداً لفتره 
لاكن مامته وامي لسه صحاب زي م هم 
وانا والشخص ده كنا مع بعض ف المدرسه وكبرنا سوا وحبينا بعض من واحنا ف ابتدائي طبعاً كله هيقول انه كلام عيال وحب مراهقه والكلام ده بس بجد احنا حبينا بعض وكنا بنتكلم  من واحنا ف ابتدائي ولكن الدنيا كانت حالفه تفرق بينا من زمان اوي كان دايماً يحصل حاجه تفرقنا فتره ونرجع تاني لغايه م جينا ف الكليه والحمدلله بعد تعب ودعوات كتير بقينا سوا ف نفس الجامعه ودي كانت اصلاً زي معجزه كده لان كانت الدنيا كلها مقفله ف اننا نبقا مع بعض وكان شبه مستحيل ولكن انا دايماً مؤمنه بربنا وانه رب المستحيلات ورب كل شئ عمري م بطلت ادعي ب اننا نكون سوا عارفه انها كانت علاقه حرام علشان مكنش في خطوبه ولا اي حاجه رسميه بس ربنا شاهد عليا انا كنت براعي ربنا فيه قد ايه وقد ايه كنت خايفه من ربنا كنت خايفه لدرجه اني كنت عامله حدود بينا ودي كانت حاجه مضيقاه بس انا كنت بخاف ان ربنا يبعدنا عن بعض علشان بدايه العلاقه مش صح ودايماً بدعي ان ربنا يجمعنا بالحلال ويسامحنا ويغفرلنا طريقه تعارفنا ف البدايه دي 
المهم دخلنا الجامعه كل واحد فينا كليه بيحبها بس هو كان داخل علشاني بجد كان بيعمل كل حاجه علشاني عدت سنه ونص وبعدها فجاه بدون اي سابق انذار قرر انه يسيبني (مع العلم احنا كنا متفقين علي كل حاجه واننا سوا لاخر العمر وانه هيتقدملي ف الكليه وراسمين حياتنا كلها سوا وكان دايماً يقولي ان مفيش حاجه ف الدنيا تقدر تفرق بينا وانه مستحيل يحب ولا يشوف واحده غيري وكان واعدني ومامته عارفه وماما عارفه واحنا خلاص سوا كده كده وحرفياً كان بيعمل كل حاجه كويسه معايا عوضني مكان ابويا وكان بالنسبالي حياتي كلها وبانيه حياتي ومستقبلي واحلامي كلها عليه وكان دايماً بيشجعني هو كان كل حاجه حرفياً بالنسبالي وانا كمان كنت كده بالنسباله وبجد منغيره اموت )
وفجاه قرر انه نسيب بعض دي حاجه اصلا كانت مستحيله بالنسبالنا لانه كان مجرد التخيل بس بنقعد نعيط إحنا الاتنين كان قرار صدمه بالنسبالي مستحيل كنت اتوقع منه كده حرفياً كان اخر حد ف العالم ممكن يعمل كده حتي صحابي اتصدمو من اللي حصل محدش كان متوقع ولا مصدق انه يعمل كده  
 وعرفت بعدها انه ارتبط بواحده غيري
بعدها ب فتره حصل انفصال اهلي ده 
كسرتين ورا بعض كانت صعبه اوي عليا بس الاصعب الشخص اللي حبيته لان كنت دايماً بحكيله علي كل حاجه ف حياتي وكان هو اللي بيصبرني علي كل حاجه وحشه بتحصلي 
ومن وقت كل اللي حصل ده وانا مش كويسه ورحت ل دكتور علشان اتعالج نفسياً اخدت علاج اكتئاب لاني مكنتش ببطل عياط يومياً ولا عارفه ابقي كويسه ولا اعمل اي حاجه ف حياتي غير اني بعيط وانام وبس بس بعد سنه من كل ده (مع العلم لسه بتعالج) قررت اني اقف علي رجلي تاني واقاوم كل ده لان كانت حالتي صعبه اوي وانا اصلا من النوع اللي لما بتعب او بزعل بيبان علي وشي وبخس جامد وانا كمان شخصيه عندها امل وثقه كبيره ف ربنا اوي مفيش معايا مستحيل لان طول م ربنا موجود مفيش حاجه اسمها مستحيل ولما بعوز حاجه بوصلها طول عمري ف كده وفعلاً بوصل وكل حاجه بحس بيها بتحصل 
وانا الكبيره عند امي ف انا اللي شايلاها وشايله البيت معاها ف مكنش ينفع اني افضل واقعه كتير والحمدلله قربت من ربنا اكتر وبقيت جمب امي وناجحه ف دراستي واشتغلت بس كل م ادخل شغلانه اطلع منها بس الحمدلله راضيه بكل اللي ربنا كتبهولي بس لسه بدعي انه يكون ليا ف الحلال ولسه جوايا احساس انه هيكون ليا اه صح نسيت اقولكم ان انا كل حاجه بحس بيها بتحصل 
حتي من يوم م عرفت الشخص ده وانا بحس بيه لو حصله اي حاجه بحس لما كنا سوا كنت لما احس ب حاجه مش مظبوطه اكلمه الاقيه ف مشكله او تعبان 
لسه بحس بيه ودي حاجه غريبه اوي مش عارفه ازاي اللي خلاني اعرف اني لسه بحس بيه ان في حد بيوصلي اخباره ف بعرف علطول 
بس انا نفسي افهم ازاي بعد كل ده لسه بحبه ولسه عوزاه ولسه بدعي بنفس الدعوه اللي بدعيها من يوم م عرفته
بجد انا تعبت تعبت اوي والله وربنا عالم عمري م شوفت يوم حلو ف حياتي بس والله والله راضيه باللي ربنا كاتبهولي وربنت عالم بجد بس سعات بفضل اعيط من كتر التعب والوجع ولازم ابان قويه علشان امي واخواتي 
انا اسفه اني طولت ف الكلام بس كنت محتاجه اطلع اللي جوايا شويه 
ده اختصار بسيط اوي لجزء صغير اوي من حياتي…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_60236 🇪🇬

منذ شهرين

شعور وحيد

اتعرفت على بنت اكبر مني ب 5 سنين وكانت محترمة جدا وانا كنت لسه خارج من قصة حب وتعرضت لخيانة جامدة ارتبطت بصديقي وانا موجود ودلوقتي متجوزين.. المهم البنت دي كنت عايزها تحبني بأي شكل عشان أحس إني مقبول وهي كانت قافلة على قلبها خالص فضلنا نتقابل ونتكلم كتير كتير لحد ما اعترفت لي بحبها وكنت انا أول حب

Carrot_74050 🇪🇬

منذ شهرين

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع