اكتشفت لذة الصمت وازاي قربتني من نفسي ومن ربنا

Lemon_52708 🇪🇬

منذ 5 أيام

شعور مكسور القلب

بصراحة… أنا حاسس إني رافض وضعي الحالي. تعبان ومش مرتاح، وبحس إن حياتي مش ماشية زي ما أنا مستحق. أنا أعرف إني أستاهل أشتغل في شركة كويسة بمرتب أحسن، وأستاهل أكون محاط بناس بتحبني وتحترمني، وأستاهل حب حقيقي متبادل مش حب من طرف واحد. كمان، أنا حاسس بالوحدة… نفسي يكون ليا أصحاب حقيقيين أفهم معاهم، أشاركهم أفكاري وأحس بالأمان حواليهم. مرات بحس وجع لما أفكر في البنات اللي بحبهم وما بيردوش الحب، بس عرفت إن ده مش نقص في نفسي… القلب ما بيتفرضش، والحب الحقيقي بييجي بالاختيار. أنا بس عايز أعيش بحب، وكرامة، وراحة، وناس تقدّرني زي ما أنا. نفسي أبدأ خطوة حقيقية أغير حياتي شويّة، من غير ضغط، ومن غير ما أقبل أي حاجة تقلل من قيمتي.

ربنا حاسس بيك وعوضه هييجي لا محاله

اوع تفكر انو ربنا مش حاسس بيك مش حاسس بالألم الي انت بتمر بيها مش حاسس بالاوجاع الموجوده عندك ربنا عالم بكل لحظه مرت عليك صعبه، عالم بكل لحظه مرت عليك وانت مش قادر تكمل ربنا عالم بكل حاجه جواك وانت مش قادر تحكيها لحد ،عالم بلحظات خوفك وعالم بلحظات وجعك، عالم بكل دمعه نزلت من عينك عالم باحلامك، عالم بالحاجات الي انت نفسك فيها . والله عوض ربنا جاي انت بس سعات بتبقا في اختبار بيبقا ربنا مأخر عنك حاجه عشان عددلك حاجه جميله اويي تفرح قلبك حاجه تناسبك ، حاجه تناسب احلامك تناسب حياتك تبقا متاكد مليون في الميه انو عوض ربنا كدا كداا جاي عوض عن كل يوم صعب انت شفته عوض عن كل حاجه انت مرت بيها في حياتك عوض عن كل لليله كنت واثق في الي ربنا بيعملهولك عوض ربنا جاي جاي لا محاله وتكون متأكد من كدا اهدا واطمن وسلم أمورك لربنا وهيا كدا كدا عند ربنا محلوله ...عرض المزيد

7 الدعم

1 نصيحة

متقبلش بأقل من اللي تستحقه… والصمت نهاية أي حاجة

متقبلش بأقل من اللي تستحقه لا في حب، ولا في شغل، ولا في صُحبة. إنت هتعيش مرة واحدة… صباح الخير. الصمت بالنسبة لي نهاية أي شيء. إن الشخص اللي قدامي — صديق كان، حبيب، أو قريب — يسيبني غرقان في أفكاري ويسكت، ده شيء عمري ما أنساه ولا أعدّيه. عمري ما آمنت إن الصمت صح في العلاقات، ولا اقتنعت بفكرة السكوت كعقاب. السكوت ممكن يهدم أقوى علاقة من غير ما نحس. ما ينفعش أسكت وأنا محتاج، وما ينفعش أكتم كلام جوايا أو أعدّي عتاب كأنه ما حصلش. طول ما اللي معاك بيحاول يتكلم ويفتح باب للكلام، اعرف إنه متمسّك بيك ولسه شايفك مهم في حياته. ❤️ الواحد لما بيعرف تفاصيل حياة حد، بيزداد يقين إن: ﴿لقد خلقنا الإنسان في كبد﴾ كله تعبان، كله بينهج في تفاصيل الحياة ونَفَسها. والشاهد… خلّينا ما نزودش حِمل حد، حتى لو بكلمة. يقول يحيى بن معاذ الرازي: «ليكن حظ المؤمن منك ثلاثة: إن لم تنفعه فلا تضره، وإن لم تُفرحه فلا تغمَّه، وإن لم تمدحه فلا تذمَّه». ♥️ وأنا… اتعاملت مع اللي ظلمني كأنه حبيب ما كنتش متخيل إني أقدر أعيش من غيره. حتى وأنا بضحك في وشّه وبتعامل كأن مفيش حاجة، وببوسه من الخدّين كأنه حبيبي، قلبي كان ساكت وفيه غُصّة مش عارفة تطلع ولا تمشي. وفي الآخر… محدّش بياخد رزق حد. ...عرض المزيد

2 الدعم

1 نصيحة