لما بقعد مع نفسى وأحاول أفصل شوية من الحزن أو اللحظات اللى الواحد مش قادر فيها بجد اد ايه ربنا جميل وحنين عمره ما ينسى سبحانه وتعالى ألمنا ودموعنا والهوان على الناس بفرح لما أبقى زعلانة وحد يذكرلى قصة من ابتلاء الأنبياء يااه هما ازاى دا كله حصل معاهم وبردو سبحان الله على النهاية كانت مختلفة ازاى بتمنى من كل قلبى أعيش لحظات هادية لطيفة ويكون ليا أثر طيب فى قلوب جميلة ونقية أتمنى ربنا ينظر إلى نظرة رضا ورحمة ويجعلنى شخص صالح وراضى سيدنا يعقوب من كتر حزنه على يوسف ودعاؤه لربنا قاله ي رب أما ترحم ضعفى وشيبى وقعد يناجى ربنا سبحانه وتعالى ويتضرع بالدعاء لحد ما ربنا جاوبه وقاله ان لو كان سيدنا يوسف ميت لأحييته لك سبحان الله على الحنان والعطف بجد كمية اللطف دى تخلينا نشوف واحنا فى الضلمة ان فيه أمل وربنا مش هيضيعنا

4

1