ليه الأصحاب اللي بنحبهم بيأذونا أوي؟ اكتشف ده تاني

Question

لما فتحت التطبيق ده تاني بعد ما كنت مسحاه لقيت اني اول بوست كنت منزلاه كان عن واحده صحبتي كنت متخانقه معاها، و دلوقتي انا نزلت التطبيق علشان نفس البنت برضو.. فحسيت بشعور وحش اوي، ليه دايما الصحاب اللي بنحبهم و بنقضي معاهم اجمل الاوقات هما اللي بيأذونا اوي كدا

Potato_54845 🇪🇬 · Answer

انا مريت بموقف شبهك مع واحده صاحبتي بردو كانت قريبه مني جدا و لما انا دخلت في أكتأب و بطلت حرفيا ارد علي اي حد مش هي بس كل الناس لمده بتاع 3 شهور تقريبا هي ماقدرتش ده و قاعدت تكلم في صحابنا و تقولهم هي ليه مش بتكلمني و هي مش عارفه انا بمر بايه و هي مش واقفه جمبي و لما صحابنا كانوا بيقلولها اني بمر بفتره صعبه و اني محتجاهم جمبي كانت بتقلوهم و انا مين يوقف جمبي لحد ما اتقابلنا في عزومه عند حد مشترك

Potato_54845 🇪🇬 · Answer

كنت انا ساعتها بدات ارد علي اليكلمتي بس مش بتصل بحد بطلع واحده واحده من الانا فيه يعني هي كانت بطلت تتصل بيا فكلمت صحابنا و قالتلهم بصوا اهي رجعت تكلم الناس و ماكلمتنيش هي ازاي مش شايفاني ولا حاسه بيا و لما كانوا بيقلولها هي مابتكلمش حد احنا البنكلمها و بترد علي قد السؤال كانت بتقلوهم لا هي مش عايزه تكلمني انا و بعدها اتقابلنا في العزومه و كان في كلام خفيف بينا و انا عمتا كنت بكلم اي حد علي القد

Potato_54845 🇪🇬 · Answer

يعني ماكنش قصدي الكلام بينا يبقي خفيق بس انا نفسيا بحارب بعد العزومه كلمت واحده صاحبتنا و قالتها سوفتي بتعاملني بطريقه وحشه ازاي ولا بتكلمني ولا بتعبرني و انا هبعتلها مسج انهي الصحوبيه و نش عايزه اسمع منها مبررات حتي فعملها بلوك فصاحبتنا حاولت تهدي و تفهمها البمر بيه بس مافيش فايده شايفه انها الضحيه و دي ماكنتش اول مره تقلب الترابيزه لما ابقي مضايقه و عايزه اهتمام الناس يبقي ليها هي

Potato_54845 🇪🇬 · Answer

الخلاصه العايزه اقولها اني عشان مضايقش من نفسي قدرت الموقف و فهمتها انها شخص شخصيته كده و مش هينفع اضايق منها انها ماوقفتش جمبي زي ما انا وقفت جمبها مليون مره لما كانت في حاله وحشه الفرق بيني و بينها انها بتعرف تتكلم لما تضايق فتشتكيلي لكن انا لما بضايق منعزل و هي ماقدرتش ده و مش مطلوب مني اعاتبها او اغيرها انها ماتقبلتنيش في اسوء حالاتي زي ما انا تقبلتها بدل المره الف

Potato_54845 🇪🇬 · Answer

فساعات كتير بعدنا عن بعض بيبقي هو الحل الاحسن للطرفين بدل ما نخنق بعض طبعا اكيد حالتي غير حالتك و اكيد مواقفنا مش شبه بعض بس انتي محتاجه تبصي لراحتك النفسيه هتبقي احسن ازاي و ماتلوميش نفسك علي حاجه ولا تلوميها علي حاجه هو مافيش وفاق بينكم مش اكتر و ده عادي بيحصل حتي بعد سنين طويله من الصحوبيه

Strawberry_69449 🇪🇬 · Answer

احنا بقينا نتخانق علي اسباب تافهه اوي و مش بنتكلم لشهور، ففي اخر مره اللي هي المره دي انا قررت اعاتبها بقي علشان نتكلم تاني،بس قالتلي انتي علمتيني مديش لحد اكبر من قيمته،و لما اصحابي قالولها اني كان عندي مشاكل قالت مليش دعوه و انهارده بعتت اسكرين شوت بالصدفه علي جروب الشله لحاجه في شات الشله فلقيتها غيرت اسمي اللي كانت مسميهولي الي اسمي الحقيقي،و مش بتشوف استوريهاتي ولا بتكلمني او تبصلي لما نتقابل