حاجة محزنة قوي إن كل الناس دي محتاجة دعم حتى لو من ناس متعرفهاش وبرضه نفس الناس دي تلاقي في حياتها زحمة ناس كتير بس للأسف ملهمش أي لازمة ليه بجد ناس بتتجرد من أدوارها في حياة بعض ويبقوا شوية ديكورات لا بقينا نعرف نتكلم مع صحابنا اللي هما مفروض أقرب ناس لينا وبقينا نعمل حساب هنبص لبعض إزاي وبقينا أكتر من شخصية لشخص واحد عشان نعرف نتعامل ويارتنا مبسوطين لا عارفين نتعامل في البيت ولا برا البيت بقينا مطالبين نبقى عاملين زي الريبوتات نعمل اللي مطلوب مننا عشان نبقى طبيعيين وصلت إن بقى عادي نفرض على بعض نعيش إزاي ونضحك إزاي وعلى إيه نلبس إيه ندرس إيه ونشتغل إيه وياريت بس كده لا ونصرف فلوسنا في إيه ونتجوز إمتى الواحد من أول ما بيفتح عينه بيتسحل جوه دوامة مايعرفش إمتى دخلها ولا إمتى هيطلع منها ومطلوب منه يفضل يعافر عشان بس يفضل موجود والغريب بقى هنا إن حتى لو عايز تتكلم مخك ما بيفصلش برضه بتفكر هتحكي لمين وهتتحكي إزاي

4

3