مشاعر محبطة

Coconut_56919 🇪🇬

منذ 4 ساعات

شعور آسف

عبّر عن شعورك بشكل مجهول

مع كامل احترامي لي كل البنات اللي في البرنامج وللي برا البرنامج  اسف لو الوست هيطول مني و ياريت محدش ياخد كلامي بشكل شخصي بس من كام يوم حصل تريند علي فيس بوك و هو ان دكتور مخ و اعصاب كان منزل اعلان لي العياده بتاعته و كان منزل صورته عادي لحد كدا تمام و كان الدكتور مشاء الله عليه ربنا خالقه بي ملامح وسيمه اللي مش تمام اني لما دخلت علي التعليقات لقيت كل التعليقات من بنات أغلبهم متجوزين و مخطوبين و قاعدي يتغازلو فيه و في شكله و اللي بتتريق علي شكل خطيبها و اللي بتسخف علي شكل جوزها بس هو ليه معظم البنات بقو بيدورو علي الشكل و و لغو الشخصيه طب ماشي شكله حلو بس ممكن تكون شخصيته من اسوء الشخصيات اللي في الحياه طب هل خطيبك او جوزك شخصيته مش احسن حاجه معاكي ولا ايه بظبط يعني انا مثلا فقدت الامل اني احب و اتحب عشان يمكن كلمة انت مش وسيم و شكلك وحش كتير اوي في حياتي لكن كل لما يكون جوايا امل يجي موقف زي اللي لسه حاكيه دا يقفلني من الدنيا بصراحه و كان صوت بيقولي عمرك ما هتطولها د غير أن في ناس جابت اكونتات اللي خاطب و اللي متجوز البنات دي و بعتلهم سكرين شوط لي كلام البنات علي الدكتور و في اللي أطلقت و اللي اتفسخ خطوبتها انا معرفش دا صح ولا غلط بس ليه تتسبي في أن تقهري شخص بيعافر عشان خاطرك و بيعمل كل ما في طاقته عشان يسعدك و لسه النهارده الصبح لقيت بوست لي بنت من اللي خطوبتها اتفسخت أنها بتترجى الناس أنه توصل لي خطيبها أنهم يرجعون و أنها ندمانه طب كان لازمته ايه من الأول تقللي منه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_51779 🇪🇬

منذ أسبوع واحد

شعور محبط

عبّر عن شعورك بشكل مجهول

عايزة احكى موقف خضنى اوى النهاردة ومش بشوف اللى حصل ده غير فى الافلام والمسلسلات ... انا فى واحد انا وهو صحاب من ايام ثانوى وشغالين مع بعض دلوقتى ف مكتب واحد يعنى انا وهو يعتبر بيست فريند وانا وهو مفيش اى حاجة ما بينا خالص وانا وهو مقتنعين أننا اخوات وساعات انا اهزر معاه واقوله ايه يابنى عايزين ندورلك على عروسة وكدة وهو يضحك ويقولى يا ريت وكدة عادى ... النهاردة بقا ومن كان يوم انا حسساه متغير معاية فجأة يعنى بجد انا وهو عاملين زى الصحاب وهو مثلا بيعاملنى اكنى مثلا واحد صاحبه بس من كام يوم لما ابتديت اتعامل مع زميل تانى ليا فى الشغل وزميلى ده ابتدا ياخد رأيي ف حاجات فى الشغل ومبياخدش رأى حد غيرى تقريبا هو زى ما تقولوا كدة ابتدأ يغير وييجى يقف معانا كل ما يشوفني واقفة معاه أو بيكلمنى يسيب اللى ف أيده وييجى يقف معانا والنهاردة انا روحت المكتب بدرى لواحدى يعنى وهو جه بردو وانا كنت بفطر وواقفة فى البلكونة وهو برة بيخلص شوية شغل لاقيته جاى بيقولى انا بس محتاج افهم هو فى حاجة بينك وبينه قولتله لا عادى قاللى حاسس أنه بيقربلك يعنى وحسك مبسوطة قولتله هو مش كويس ابعد عنه؟ راح قالى هو لو كويس هتكملى معاه قولتله ليه لا انا شايفاه كويس بس لو انت تعرف عنه حاجة قوللى قالى لا براحتك اعملى اللى انتى شايفاه انا مش هعرف أفيدك قولتله ايه الرخامة دى وبهزر راح قالى هو اصلا عمال يهزر وي*** (والنجوم دى ياجماعة شتيمة بس مش هقدر اقولها )فأنا اتخضيت من طريقته قولتله ايه ده فى ايه قالى انتى مستلطفاه قولتله أيوة فى ايه  انت تعرف عنه حاجة لاقيته فجأة شدنى من دراعى وهو كان بيحترمنى اوى وميقدرش يلمسنى وانا كذلك يعنى فى بينا احترام فأنا لاقيته مرة واحدة شدنى من دراعى وقالى هو انتى بتستعبطى فأنا بعدت وهو استوعب ومشى وقعد على المكتب وانا اخدت شنطتى ومشيت من المكتب وهو فضل ساكت
 الموقف غريب وانا من ساعتها بعيط ومش عارفة فى ايه كان شكله بجد غريب ومش فاهمة يعنى هو لو فى حاجة من ناحيته كان يقولى انا مش هعرف اتعامل معاه تانى ويمكن ده اللى مزعلنى لانى مش متخيلة أننا ممكن منتعانلش مع بعض عادى وكدة  وهو حتى باعتلى مسدچ ومش عارفة ارد أقوله ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_85867 🇩🇿

منذ أسبوع واحد

شعور شاعر بالملل

ماذا لو كان في شخص بحياتك كل مرة يوعدك بوعد وبعدين لما انت تتأمل خلاص ان رح يصير يخالف الوعد ويكذب عليك ٫ومو مرة او مرتين روتين حياة صار ٫كيف ممكن اتعامل مع هاذ الشخص ؟ لا استطيع ان اخرجه من حياتي ٫هل تجاهل هذه الوعود هو الحل ؟

Cherry_73351 🇪🇬

منذ أسبوعين

شعور مرهق

مش لاقية نقطة تواصل واحدة مع بابايا كبرت وأنا متعودة ع غربته مع إنى نفسى نبقى زى ما بشوف أى بنوتة وباباها اللى هو ضهرها الأول مش عارفة هو مبيحبنيش ولا هو طبعه كدا بس نفسيتى تعبانة لما بكلمه وكلى لهفة وهو مش حاسة بنفس الشعور دا

Strawberry_58144 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

اول مره شوفته.. كنت بتلفت ورايا فالمدرج بكلم صحبتى.. اول مره ابلم لولد
مع انه مش ذوقى الشعر و الذقن الدهبى ده بس خطفنى.. عجبنى اوى ساعتها.. عجبنى وهو مربع ايده و باصص قدامه و راسى كده.. مش شبه اى شب فالمكان.. مش شبههم.. كان شبهى..
ولا اتلفتلى ساعتها ولا اخد باله انى بصيتله.. وانا شيلت الموضوع من دماغى لانه باين مش بتاع بنات.. ولا انا بتاعت صحوبيه عامه..
نسيت الموضوع لانى اصلا مش بحضر كتير.. نزلت بعدها بفتره عشان كويز.. و طبعا متاخره.. داخله المدرج ولا فدماغى يجى عينه عليه بالصدفه وهو باصصلى و مبتسم اكنه متفاجى كده.. اكنو بيقول اى الغيبه دى.. استغربت جدا و بصيتله كده لقيته عدل نفسه و بص قدامه ولا اكن حصل حاجه وانا محطتش فدماغى بجد
نزلت المره الى بعدها بعد فتره برضو و بجد كنت ناسيه كل حاجه و نسياه هو شخصيا
قعدت و الدكتور دخل و بيتكلم بتلفت جنبى عادى لقيته قاعد قصادى الناحيه التانيه و بيبصلى.. و مبتسم.. اول ما عينى جت فعينه بص قدامه للدكتور و ابتسم على كلامه مع الكل و بعدها رجع عينه تانى يشوفنى.. لقانى لسه بصاله.. كانت اول مره تتقابل عينينا.. بصينا لبعض بجد.. مشالش عينه.. سابنى انا الى اتوتر.. و انسحبت و بصيت قدامى..
خرجنا بره بعد الامتحان وهو مشتلش عينه من عليا حرفيا.. كان واقف مع اصحابه و يتلفتلى وهو مش قادر يخبى.. مش قادر يصدق انى بجد بصاله.. وانا اتقل.. الى هو مش هاممنى اوى يعنى.. بس انا كنت وقعت بجد.. النظره اتحفرت جوايا لحد دلوقتى.. كل ما اتلفت الاقيه بيتلفت عليا و مفضوح.. و مشينا
المره الى بعدها كان بعد اسبوع.. شوفته.. وهو ولا اكنه يعرفنى! بجد ولا اكنه شافنى قبل كده.. مش بيبصلى اصلا.. بيهرب بيتجنب بينفى ان فى اى حاجه.. لو جيت قدامه يكشر جدا و يبالغ فالتجاهل.. كنت هتجنن! ليه بيعمل كده؟ ده احنا ملحقناش
فضل كده طول الامتحانات.. دخلنا الترم التانى و بدا يرجع يبص حبه حبه.. يبص و يدارى.. و احيانا ميعرفش يدارى.. يطلع منه نظره! تدوبب القلب.. كانت تلت مرات بالذات.. بصلى بصه انا متخيلتش ان ممكن يبص بالشوق ده كله.. بالحب ده كله! لدرجه انى انا الى هربت بنظرى..
دايما باصصلى.. دايما بيهرب.. بيحارب عشان محدش ياخد باله.. بيجاهد عشان ماحسش انه بيحبنى.. اكنه بينكر جواه.. ولا مره اتقابلنا بدون ما نبص لبعض.. ولا مره سابنى اشوف نظرته الا مرات قليله جدا
ماخدش خطوه.. ولا حتى تلميح.. وانا بدات اتعب من جوا.. قلبى نهج.. 
كنت حبيته.. حبيته و عشقته و اتعلقتت! بدون ما نتكلم حتى! حبيته من كل قلبى
وهو عارف.. عارف انى بحبه ما هى واضحه زى الشمس.. بس مجاش . سابنى كده.. و بدا يتغير
الى مكانش ليه فالبنات بدا يبقى ليه.. بقا يهزر مع البنات على جروب الدفعه.. قبل كده مكانش بيتفاعل حتى.. بقا عايز ينتشر.. حس انه محدش يعرفه فقال اجرب.. او يمكن لما انا بصيتله حس بنفسه فقال يجرب حظه.. فطلع يغنى عالمسرح! مع ان مفيس بنات مهتمه بيه خالص مش ذوقهم مختلف عنهم.. بقا يقعد مع شله ميكس.. مبيكلمش البنات الى فيهم اه بس بيقعد معاهم فوسط اصحابه.. هزار مع ال بنت فالجروب.. انا ساعتها كنت بعيط من الغيره بجد.. كنت بتحرق! كان مدمرلى نفسيتى.. ده انا حبيته عشان مش رخيص كده..
السنادى قدم نفسه عشان يكون ادمن الجروب و فعلا بقا الريب.. مستغل الفرصه عشان يبقى لطيف مع كل البنات.. الا انا..
انا الى عمره ما رد عليا عالجروب حتى.. بيتجنبنى و بس.. لسه حاسه ان فى حاجه لما يشوفنى اه.. غير كده لا.. ممكن يشوف ىسالتى عالجىوب اول واحد.. ممكن يفضل منابع الحوار لو كنت بتكلم.. لاطن يوجهلى كلام او رياكت حتى؟ استحاله
ولحد دلوقتى.. واتغير.. بقا تافه.. بقا عايز يهزر و يبقى دمه خفيف و بس.. بيستعرض.. بنات و بنات و بنات.. خلاص بقيت اشوفه واقف مع بنات فالكليه.. لسه بيبصلى.. لسه بحاول ابعد عنه
انا مبقيتش عارفه انا بحبه ولا لا.. بس هو متبقاش فيه حاجه تتحب.. كل حاجه كانت حلوه فيه هو مسحها بنفسه.. اكنه بيبعد عنه تهمه الحب من اصله
حاليا مبكلوش صدفه حتى ولا بساله عن اى حاجه و متجاهلاه تماما 
بس مش قادره ابطل اسال.. ليه؟؟ ليه كل البنات وانا مش ضمنهم حتى.. ايه الكل ماعدا انا.. ليه مش انا؟ ليه محاولش.. ليه مجربش.. ليه بيحاول يبعد عنى بكل قوته.. ليه بيشد نفسه بعيد عنى.. ليه رفضنى جواه من البدايه خالص.. ليه بجد.. ليه لسه بيبصلى؟؟؟ لييه!
انا عملتلو اى عشان يوجعنى كده
ده احنا عشنا كل المشاعر من بعيد بجد مكانش ناقص غير اننا نتكلم 
انا عشت قصه حب من غير مدخل فيها!
ده لو مكانش حب.. يبقى اييه؟
يبقى ايه بجد...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_58332 🇪🇬

منذ 3 أسابيع

شعور منزعج

Ice Cream_70463 🇪🇬 هوني على نفسك .. دا كله من الشيطان .. وامك بتحبك اكيد بس مش عندها مهارة إظهار دا ... خليكي سند لنفسك وليهم وحطي ف بالك انك اعلى وأهم من اى مقارنة .. اعملي كل حاجة حلوة علشان نفسك وبلاش تستمدي سعادتك من حد .. يكفي انك إنسانة وعندك حياة ومشاعر وبتعرفي تعملي حاجات ف يومك ودا شئ مش هين

عرض الكل 1 نصيحة

عبّر عن شعورك بشكل مجهول

انا عجزت اعرف بجد اي سبب كل الي حواليا مش طايقني ومش بتكلم عن صحاب مثلا لأ دول اهلي وقرايبي هما بيقولو كدا بهزار اد اي انا نرجسيه واني مشروع لوليه مفتريه وانا بضحك برضه واهزر وارد بكلام اصعب ونقعد نعلي على بعض زي اي قعده عائليه لكن في الحقيقة انا مش بلاقي سبب مع العلم انا بضحك طول الوقت وبحب الهزار والفرفشه وبقلب بسرعه بس دا عادي يعني. الموضوع بدأ فعلا يدايقني وبدأت احطو في دماغي لما بدأت المقارنه بيني انا واخويا هو بلاش اكدب على نفسي بني ادم الي يقرب منو فعلا بيحبو ومبيطلش يقعد جمبو واهلي وقرايبي كلهم بجد بيموتو فيه حتي ماما هي عمرها مقالت كدا بس كلو عارف انو الابن المفضل لدرجه انها دخلتو كليه طب خاصه عشان خاطر ميزعلش وانا حرفيا كنت بعيط عشان ثانوي خاص الي صحابي كلهم دخلوها بس هي موافقتش. دا انا اتقالي فوشي اني بنت مكاره ومحدش بيتأمني على حاجه ابدا انا اخدتها بهزار بس منكرش انو ممكن في لحظه دمعت فيها. انا عكس اخويا دا في كل حاجه عمري ما عرفت ابسط ماما او اخليها تحبني لدرجه انها تبيع دهبها علشانو ولا اقعد معها من غير متطفشني وتمشيني من الاوضه عشان كلامي مش بيعجبها هما بجد شبه بعض جدا لكن انا لأ كان نفسي والله بس انا كدا انا البنت بس انا عمري ما بكيت قدامها ولا حتي لما كنت صغيره وبخاف مش بروح انام جنبها زي باقي اخواتي كنت بقعد خايفه لحد ما انام وحدي او لما الصبح يجي وكلهم يصحوا كنت فاكره ان انا بخليها فخوره بيا كنت فاكره انها هتحبني اكتر بس انا برضه السبب يعني انا طريقتي بارده فأكيد هي برضه تعاملني بنفس المعامله . حوار قلب خل فعلا وانا بس بفضفض عشان مش لاقيه حد احكيلو وعلشان لو كتمت اكتر من كدا هقوم اولع فيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ 3 أسابيع

شعور مكسور القلب

‏حاجة مُحزنة جدًا إنك تبقي فى علاقة ”أيًا كان نوعها“ لفترة طويلة وبعدين تكتشف إن أنت مش سايب أثر، وجودك زي عدمُه، سهل الاستغناء عنك، كُل اللي عملته ضاع و يبقي الطرف التاني معتبرك شخص عادي جدًا فى حيّن أنه أهم شخص فى حياتك. الإفراط فى الأوهام والتوقعات مؤذي و مؤسف جدًا للأسف .

Blueberry_84302 🇪🇬

منذ شهر واحد

شعور مستنزف

ف واحدة معاية كل دقيقة تعلق ع اي حاجة فيا يعني مثلا تقولي اللفة اللي انتي لفاها مش حلوى يعني حولت كتير ألفها مظبطتش ومثلا لو حطيت فيونكة برضو تعلق عليها لو عملن اي حاجة تعلق عليها هة كل دقيقة حد ف اللي موجودين يتكلم معاية ويقولو مثلا أشعار ع جمالي وأخلاقي كدا يعني مع العلم دا مش تكبر والله بس ان

Avocado_79658 🇩🇿

منذ شهر واحد

شعور متعب

انا كرهة والله ومعرفة واش ندير ، تكوني مع شخص علاقتكم مليحة فجأة يتغير كل شى ويبدا يتعامل معاك ببرود وكي تهدري وتقولي حاجة لي مش هاجبتك يقولك واش كل يوم نفس سينارو ومشاكل وحسك انو راه عادي معاك نتي لي راكي تتوهمي فقط

Kiwi_79580 🇪🇬

منذ شهر واحد

شعور محبط

كان عجباني اوي فكرة ال app ده ان الواحد هيتكلم براحته ومش هيفرق لان محدش عارفه بس اتفاجات اني مش لاقية كلام يعبر ، الناس هنا كلها قابلوا ناس اذتهم بس انا محدش عملي حاجة انا الي ببهدلني ومهما حاولت ابقى كويسة بكسرني اكتر الحياة دي صعبة ومرهقة اوي ومحدش هيفهم للاسف دي حياتي ديما لا المشكلة اصغر من ا

Lemon_52708 🇪🇬

منذ شهرين

شعور قلق

بصراحة أنا محتاج أطلع اللي جوايا. كنت بشتغل على نفسي عشان أبقى في مكانة أحسن وأتقدملك. كنت واخد الموضوع بجد وبحاول أطوّر نفسي خطوة بخطوة. لكن لما اكتشفت إنك نمّامة وبتنقلي الكلام، قلبي اتقفل. حسيت إني اتصدمت ومبقتش شايفك زي الأول. عمري ما كنت متوقع إن البني آدم اللي علّقت عليه آمالي يطلع كده. كنت شا

عبّر عن شعورك بشكل مجهول

اللي وجعني أكتر إنك استخدمتي ثقتي فيكي ضدي. حكيتلك عن الكورسات اللي باخدها عشان أطوّر نفسي، لقيتك قولتي ده للمدير والمشرف وكأنك عايزة توريني في صورة غلط. وبدل ما ألاقي تشجيع من الإدارة، حسيتهم اعتبروا الموضوع تهديد أو ضغط على الشركة. كأن أي محاولة مني أكون أحسن بتتحوّل لذنب. وده خلاني أشوف الدنيا حواليا بشكل كئيب.

دلوقتي أنا محتار: أكمّل وأثبت نفسي بالشغل وبالمجهود، أو أسيب المكان لو لقيت نفسي بتأذى. اللي متأكد منه إني مش هسيب حلمي ولا هبطل أطور نفسي عشان أي حد. بس في نفس الوقت، بقيت خايف أثق في الناس بسرعة.

اللي اتعلمته من اللي حصل إني أشارك بعناية، وأعرف إن مش كل الناس أمان. يمكن ده لمصلحتي في الآخر، عشان ربنا بيكشف لينا الحقايق في الوقت المناسب.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_76011 🇪🇬

منذ 3 أشهر

شعور مهتم

Corn_63629 🇪🇬 دة نسف مبدأ المشاركة ف العلاقات من اساسة 🤔

عرض الكل 5 نصيحة

عبّر عن شعورك بشكل مجهول

أنا مرتبطه وكل شويه نتخانق بدون سبب مع انه شخص كويس وكلم مامتي وكلم بابايا وناوي يخطب بس ساعات بحس انه غير ناضج عاطفيا يعني مش بيعرف يحتويني ولا يحتوي اي زعل يحصل بينا ودايما دايما سواء انا غلطانه او لا يقول انت الغلطانه وانت السبب مع ان كلنا عارفين ان حتى لو البنت اللي معاك غلطانه المفروض انت بتتأسف وعلى الاقل متحسسهاش انها غلطانه ما بالك لو مش غلطانه اصلا!
امبارح اتكلمنا فون وكننا بنهزر وقال حاجه كنا بنهزر بيها عني "أنني زمان وانا صغيره كنت بسمع bts وأغاني كوري" راح قال سلام احنا اخوات انا اتقفلت منك سلام قولتله ده ماضي حقير متفكرنيش بالهبل ده وكننا بنهزر راح قعد يقول سلام سلام سلام قولتله استنى وبتكلم راح مكمل وقالي طب سلام استأذن أنا فقولتله سلام راح قال سلام روحت قولتله سلام اعملك ايه يعني انت مش عايز تسمعني راح قال سلام وقفل في وشي وقفل التلفون وقفل الواتس وبعد كدة فتح الواتس وقعد يقول انت مش طايقاني وبتكلميني وحش وممسكتيش فيا لما قولتلك سلام مع اننا بنهزر كدة كتير معرفش ماله راح قالي لا امبارح كنتي تكلميني بقرف ومش طايقاني مع أنني كنت سهرانه ومستنيه عشان نتكلم لانه بيكون بره مع صحابه كل يوم ومعرفش ماله كل يومين يطلعلي بخناقه جديده على تفاهات وانا حقيقي بتخنق وبتضايق من كتر الخناقات وبحس بقبضة في قلبي وبفقد الثقة فيه اكتر وأكتر مش عارفه اتصرف ازايي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_67225 🇪🇬

منذ 3 أشهر

شعور غاضب جدًا

ينفع سؤال للابهات لي بتكونوا بتحبوا عيالكم وبتخافوا عليهم وكل حاجه بس مش بتبينوا ده غير قليل ولو بينتوا لو حصل مشكله صغيره الكلام بيطلع وحش والمشكله بتكبر وبتوصل للخصام وتبعدوا عن بناتكم اللي هما اكتر ناس محتاجين الحنان والكلام الحلو ينفع اعرف السبب لان بابا كده هو كويس وكل حاجه بس في صفات كتير مش ا

Chocolate_74052 🇪🇬

منذ 3 أشهر

شعور مكسور القلب

انا مشكلتي بق مع ماما بحس انه دايما مش فاهمين بعض بقيت ساعات كتير اخاف اتكلم معاها بسبب انها دايما بتاخد كلامي بطريقه غلط وبتكربه علي مزاجها هيا درجه التواصل بينا صفر وكل ما تتحسن ترجع اسوء من الاول تاني مش عارفه الغلط فعلا عندي ولا عندها بس انا تعبت من كتر الخناقات والجدال الي مش بيخلص

Apple_74141 🇪🇬 افصلي بين نيتك ورد فعلها انتي غالبآ نيتك كويسه لكن مامتك بتسمع كلامك بطريقة مختلفة من زاوية خبرتها او مخاوفها ده مش معناه إنك غلط ولا إن هي غلط أحيانآ مجرد اختلاف في لغة التعبير

عرض الكل 8 نصيحة

Cookies_68867 🇪🇬

منذ 3 أشهر

شعور مرتبك

سلام عليكم ... انا عندي خوف مرضي من الإرتباط و الجواز يعني العلاقات بشكل عام .. دا حصل بسبب بابا و انه عمره ما اداني اى مشاعر حنية و لا آمان ، قهر و تعب بس ف اتعودت على كدا و معنديش اى علاقات سابقة بسبب كدا و اى علاقات عموما بخاف و عقلي بيتلغي و بعمل بلوك لاى شخص بيحاول يتواصل معايا بس الموضوع دا خا

Lemon_70080 🇪🇬 وهتخلي عقلك سابق لسانك وسابق قلبك وسابق افعالك اتمني اكون قدرت ابسطلك الفرق سريعا ببن الخوف علي نفسك والخوف من نفسك والخوف من الغير والفرق بين الخوف الايجابي والسلبي

عرض الكل 10 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع