بوست طويل شوية والكلام موجه لنفسي قبلكم أو اعتبروه موجه لنفسي فقط لو هيبقي النصيحة شديدة شوية احنا ليه بنجري ورا اوهام وسايبين الحقيقة المطلقة ليه سايبين طريق ربنا وبندور علي فرحتنا في أماكن تانيه ربنا قال ومن أعرض عن ذكري فإن له معيشة ضنكا وقال الذين آمنوا وتطمئن قلوبهم الا بذكر الله تطمئن القلوب ليه بندور علي معالج نفسي وربنا قال وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا أنا.عارف أننا بشر وخلق ضعيف بس صدقني لو بصينا للأمور من وجهة تانيه هتلاقي انها فعلا دنيا وما سماها الله دنيا الا لانها صغيرة جدا ولا تساوي شيء هقولك وما تفكرش اني تنين بطلع نار بس صدقني ليه بنزعل علي موت حد والنبي صلى الله عليه وسلم مات مش بقولك بلاش حزن وأننا ابطال خارقين بس بلاش الحزن يتملك مننا سواء حد توفي سواء مرض سواق قلة رزق ربنا قال ولنبلونكم بشيء من الخوف والجوع ونقص من الأموال والانفس والثمرات وقال بعدها اي وبشر الصابرين ليه بنروح ندور علي حد يسمعنا وممكن يبقي فاضي أو لا وممكن يحل مشكلتنا أو لا وممكن يزهق مننا أو لا وربنا موجود في كل وقت وكل مكان ده ربنا قال ونحن أقرب إليه من حبل الوريد يعني ربنا اقرب ليك من روحك الي في جسمك تدعيه وانت صاحي وأنت ماشي في سرك في علانيه ده حتي علاقتنا بربنا الي احنا مقصرين فيها دي هي العلاقة الي مفيهاش مثقال ذرة من شبهه أو تزعل حد أو حد يقولك ياعيني انت بتروح تدعي ربنا زي ما لو حد عرف انك روحت لدكتور نفسي ربنا حليم كريم عفو بر رحيم يقول النبي صلى الله عليه وسلم عجبا لامر المؤمن امره كله خير ان اصابته سراء شكر كان خيرا له وان اصابته ضراء صبر كان خيرا له الحكاية اننا بتتخلص في اي اننا مخلقناش نفسنا يبقي اول حاجة كدا أننا نسمع كلام الخالق ده انت لما بشتري موبيل أو تلاجة بتقرا تعليمات الاستخدام كويس اوي وتتبعها يبقي نعمل الي علينا الاول ونبقي نشوف بقي الباقي اي مش نبقي مقصرين وعاوزين ربنا ينجينا اه هو قادر ينجينا ويرزقنا واحنا مقصرين بس دي مصيبة عظيمة انك ترزق وانت مقصر أو تنعم وانت بعيد عن ربنا لانك وقتها لو مت هتبقي حجة عليك مش ليك وحتي لو مش منعم أو مرزق برضوا ارجع لله علشان حتي البلاء يكون عليه اجر مش خراب في الدنيا والآخرة معادلة بسيطة تعبان من قلة الفلوس روح بص ع المستشفيات مليانه مرضي ازاي تعبان من مرض روح بص شوف القبور مليانه موتي ازاي تعبان من الدنيا كلها بص علي المشركين وان ليهم جهنم خالدين فيها مش بقولك بلاش حزن بس خليك ذكي خلي الحزن يتحول لعباده تذلل بين ايادي ربنا حد حبيبك سابك مع السلامة يا عم ربنا عمره ما هيسيبنا أتريد أن تهون عليك انظر لمصاب غيرك والله ما هتتحمله ولأهل غزة ربنا يرفع عنهم مثال ربنا ينصرهم يارب اعمل الي عليك علشان تبقي قادر ترد علي ربنا علشان تبقي قادر تطلب من ربنا ازاي عاوز تنجح وانت مشخبط ومش مذاكر ومبهدل الدنيا باب ربنا مفتوح لك في اي وقت اهلك مزعلينك ربنا يجبرك طريق ربنا مليان نور ربنا بيقول ولا يزال عبدي يتقرب إلي بالنوافل حتي أحبه تخيل لما ربنا يحبك اي يحصل يقول الله فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها قبل ما تدور علي الحل دور علي السبب يمكن انك مقصر ومش يمكن بل كلنا مقصرون عالج السبب والحل هيجي لوحده ربنا بيقول وإذ تأذن ربكم لئن شكرتم لازيدنكم وقال ايضا وَضَرَبَ اللَّهُ مَثَلًا قَرْيَةً كَانَتْ آمِنَةً مُّطْمَئِنَّةً يَأْتِيهَا رِزْقُهَا رَغَدًا مِّن كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ (112) البوست هيطول اكتر من كدا بس نصيحة لنفسي قبلكم قدامك الف طريق مجهول المعية وطريق واحد مليون في المئه منور وممهد هو طريق ربنا هون علي نفسك اضاعت الجنة ام بشرت بعدم القبول كل ما دون الجنة دون علشان كدا اتعب للجنة مش للدنيا والله لما تتعب في طريق الله جت الدنيا يبقي خير هعيش الكام سنة دول مرتاح شوية مجتش يبقي ع الأقل اضمن الآخرة الي مفهاش موت خلود فقط ربنا يهديكم وانا اولكم

2

1