ليه لسه بفكر فيه وبيوحشني وانا مقتنع انه توكسيك؟

Donut_67161 🇪🇬

منذ أسبوعين

شعور متعب

هو ليه الواحد يكون متأكد مية ف المية ان الشخص الي كان في حياته توكسيك ومقتنع مليون ف المية انه مينفعش يرجع حياتنا تاني ومصدق ف ده بعقله وقلبه وبرضو لسه بيفكر فيه وبرضو لسه بيوحشه !! الواحد هيموڤ اون امتى بجد!!

خلاصة قرار التخلص من علاقة توكسيك وإني أقف على رجلي

الفترة اللي فاتت كنت في حالة من البؤس والدمار النفسي لكن قرارت في يوم اني اصلح من نفسي وابدأ اقف علي رجلي زي ما كنت وبالفعل ده اللي حصل وبدأت ارجع لنفس شغفي القديم للدراسة و القراءة والكتابة كمان بقيت جزء مني من تاني وبعد فراق طويل لكن اخدت انهارده قرار اني هتخلص و لآبد من علاقة توكسيك في حياتي بتستنذف طاقة هايلة من روحي وصحتي علي الارض عارفة إن القرار ده ممكن يتعبني شوية لكن خوفي الحقيقي متمثل في اني خايفة ارجع لنفس الحالة اللي كنت فيها اتمني ان ده ميحصلش لاني مش حمل اي حاجة تانية لو حد عندو فكرة ازاي ممكن اتخطي العلاقة دي باسرع طريقة ممكنة ياريت يفيدني ...عرض المزيد

11 الدعم

3 نصيحة

تعبت من علاقتي التوكسيك ومش عارفة أخلص منها

هادية جدا انطوائية مبحبش الكلام الكتير مبحبش التعامل مع الناس لدرجة اهلي بيفكروني كئيبة بس في حاجة لو اتعودت على حد بنفتح معاه و اتكلم معاه بس بحدود طبعا بس بعرفه جانب من حياتي المخفية.. و دا بيحصل مع اصحابي بس في واحدة حاليا اللي مش عارفة في اي انا عمتا مش بحب الخناق و لا المشاكل و ببعد عن اي حوار فيه تعب ليا او اجهاد بيستهلك من طاقتي لانها محدودة ليا و لدراستي عمتا هي بحس علاقتي بيها مش عارفة اوصفها غير ب (توكسيك) انا بتعامل معاها كويس جدا مع ان دا مش لاي حد بس بعاملها والله كويس و بس بحسها بتتكبر عليا بتقلل مني بتحاول دايما تبين انها المسيطرة الفاهمة كل حاجة اللي مبتغلطش و الغلط مش عندها و ان كلامها كلو صح مليون ف المية و الباقي غلط مستحيل تقول انها غلطانة حتا لو هي غلطانة مبتعتذريش و دي اكتر حاجة بكرهها ف اي شخص انو ميعتذرش لو غلطان حرفيا التكبر ماليها جداا عمري ما اتكلمت عن حد بطريقة وحشة و لا بكره حد و لا بكره الخير و لا بعرف اصلا لاني مش بتعامل كتير مع الناس بس يوم ما تعاملت تعاملت مع شخصية مش بتفهمني و لا بتفهم شعوري بتفكر دايما انها الوحيدة اللي بتاعني عايزة تقعد تحك مشغالها و تعبها و الابقي يسمعها و يقدملها حلول لكن انها تسمع لا طبعا ازاي دا يبقى الشخص اللي بيشكيلها دا شكاء بكاء لا حول ليه و لا قوة و ضعيف اما حرفيا تعبت من العلاقة دي بس مجبرة عليها لانها عايشة معايا ف نفس السكن و هي من نفس بلدي و والدتها صاحبة والدتي معرغتهاش اصلا غير ف ثانوية عامة بس مكنتش بتعامل معاها كتير بس بعد كدا تقربنا من بعضنا كانت بتعاملني كويس بس بعد كدا لما اتعودت عليا بقت تعاملني بتكبر و انا ملييش ف الحاجة دي انا شخص مسالم بيحب الهدوء و الراحة و البعد عن المشاكل والله بكتب دا كله بحاول اخرج شوية مم اللي مضايقني مش اكتر لان عارفة كل النصايح اللي هتجيلي و عارفة الحل بس المشكلة اني مش بعرف اجرح حد او اطبع الوحشة او اضايق حد نفسي الدنيا دي تبقى مسالمة شوية و كل واحد يحب الخير لغيره و ميحاولش يكسر اللي قدامه و يعلي عليه حرفيا الحياو اصعب مما اتخيل و اتصور مش جاية اشكتي والله بعد دا كله لان الشكوى لغير الله مذلة بس والله زي ما قولت مجرد اني بطلع شوية من اللي جويا لان اصلا حاسة ان كلتمي مش مرتب او مهندم بس و شكرا جدا ...عرض المزيد

7 الدعم

10 نصيحة

أول حب في حياتي وتبهدلت.. عقبال ما فوقت!

كان اول حب في حياتي وكانت مرحلة وحشة جدا بجد اتبهدلت جدا عقبال ما فوقت وخرجت من المرحلة دي كان نفسي اعرف عقلي فين وانا بيداس عليا وعلي كرامتي وقلبي وأكمل في علاقة توكسيك وفاشلة زي دي كرهني في الحب وسيرته يلا ربنا يسامحه ...عرض المزيد

7 الدعم

3 نصيحة