ماما طحنت خاطرنا ومش عارفة أعمل إيه من القهر!

Question

جماااااعة هموت من القهر بجد كنت مرتبة انا و صحبتي خروجه تحفة و من ضمن الاماكن كافيه على البحر قريب من الجامعة و ده تقريبا كان أهم جزء في الخطة و متحمسين و كدا اجت ماما و طحنت خاطرنا و قالت بحر لأ و مش عارفه ايه المكان فاضي و هتتخطفوا و حاجة منتهى البؤس و الهم عايزة اصوت و اتخانق و مضايقة اوي بجد مش جوايا لدرجة اني بفكر نلغي الموضوع كله حزينة بجد و ارفانة من التحكمات دي لان المكان مش بعيد و مشهور و عايزة اعيط اعمل ايييييه عشان بجد نفسي اتسدت و خلاص مش عايزة اعمل حاجة

Grape_85109 🇪🇬 · Accepted Answer

طب ليه متفكريش مره واحده بس أن مامتك خايفه عليكي عشان انتي حته منها م تحكمات؟

Coffee_61063 🇪🇬 · Answer

نتعرف و نروح البحر

Tomato_53303 🇪🇬 · Answer

اهو يا ستي عشان مامتك ميبقاش ليها حجه معاكي اللي هيخطفك اهو عشان لو اتخطفتي تبقي ماما عارفه 😂😂

Peanut_85115 🇪🇬 · Answer

طب ما تخرجي وهيا هتيجي معاكي مثلا

Peanut_84060 🇪🇬 · Answer

الموضوع مش لطيف إن ماما تكون معانا و كدا و هيا اصلا مش بتحب تخرج معايا و هنولع في بعض طول الطريق قدام صحبتي

Peanut_84060 🇪🇬 · Answer

بجد اللي هوا لو كان فيه قلم الكتروني كنت بعته بجد متعصبة اوي و هموووت و ماسكة نفسي عشان ما تتخانق و تحلف اني مش هخرج انام ازاي الوقتي و دمي محروق كدا

Peanut_85115 🇪🇬 · Answer

يبنتي قصدي اخرجي من وراها مش معاها 
بصي تخلي بالك علي نفسك برضو عشان هيا خايفه عليكي

Peanut_84060 🇪🇬 · Answer

مش هينفع هتخليني احلف انا روحت ولا لاء ماينفعش احلف كذب

Donut_63863 🇪🇬 · Answer

صح طبعا