مترددة في الخطوبة عشان خطيبي بيجيلنا نادر وبيسافر كتير

Avocado_50926 🇪🇬

منذ 10 ساعات

شعور مكتئب

انا مخطوبه بقالي ٥شهور لشخص بسافر وبيرجع يومين بس في الاسبوع وكان بينزل في اول الخطوبه يومين في الاسبوع وبعد كده بقي بينزل بعدها ب اسبوعين انا دلوقتي متردده مش عارفه بعد الجواز هينزل كده انا بكلمكم علشان انا مش عارفه اخد قرار للاسف هو محترم وبيحبني بس عاطفي ذياده عن اللزوم انا مبقولش ميحبنيش بس بيعملي صور كتير علي التيك توك وانا مش عارفه لما بيجيلي البيت ببقي كويسه معاه ولما بيطلب اننا ننزل مببقاش مستريحه حاسه ان نازله وانا خايفه مع ان بيبقي معايا حد من اهلي في عندي مشكله ان بشوف صورنا انا وهوا في الخطوبه حلوين وصورنا واحنا خارجين مش بتقابلها

مترددة في خطيبي ومش واثقة فيه.. أعمل إيه؟

انا بدأت اتقفل من خطيبي اوي احنا مع بعض بقالنا 7 شهور واول ما شوفته اعجبت بيه اوي ولما قعدنا مع بعض كام شهر كنت عادي لكن في كذا حاجه بيعملها مش عاجباني نهاءي بس انا مش هقدر اقوله يغيرها لأن دي يعتبر من شخصيته مينفعش اقوله يغير حاجه في نفسه انتوا فاهمين قصدي؟ وانا لما بقعد افكر جوزي هيبقى عامل ازاي في المستقبل مش بحسه هو اوي انا متردده لكن انا عايزه اتأكد من مشاعري عشان اشوف هقدر اكمل معاه او لا ده جواز مش لعب ده غير اني خايفه من ردة فعله اوي واكيد هيزعل اوي اوي وخايفه اخد قرار اندم عليه سواء اكمل او مكملش وهو كمان بيهتم بيا اوي ومش بيحب يزعلني لكن لسبب ما بحس اني مش واثقه فيه معرفش لو المفروض اصدق احساسي ولا انا فعلا الي شكاكه بزياده وياريت ياجماعه لو مش فاهمين حاجه معينه تسألوني وهفهمكوا قبل ماتحكموا علطول ...عرض المزيد

6 الدعم

13 نصيحة

مش عارفه أرفض ولا أدي فرصه لخطيبي القصير!

ممكن تنصحوني اعمل اي......... معلش هطول عليكم شويه، في واحد متقدملي، هو كويس ومحترم ومرتاح مادياًّ، بس هو قصير ( وانا رافضه نهائياً اني اتجوز واحد قصير،+ انا مش طويله انا 160سم بالكتير وعايزه اطول تاني) يمكن هو اطول مني بـ 5سم على حسب ما انا فكراه ( انا عرفاه من زمان بس مكنش في بينا اي تعامل غير لما كان شغال في سوبر ماركت، بس الكلام دا بقالو سنتين تلاته) وكمان انا مش جاهزه خالص لفكره الجواز، اذا كان نفسياً او حتى شغل بيت مش بعرف، وكمان عايزه اكمل دراسه، وكله بيقولي اكيد هيوافقوا بس انتي اللي هتتعبي، هو اسرته بسيطه جداً ( يعني عدد الافراد تلاته بس، هو و والدته واخوه و والده متوفي لما كان صغير) انا اعرفه هو واخوه عشان اكبر مني بسنه وكنت بلعب معاه وانا صغيره لكن معرفش والدته ولا هي تعرفني. وهو اللي قالها عليا، وهي طلبت تشوفي الاول. وانا زي ما قولت رافضه الجواز حاليا وكله بيقولي لو رفضتيه الله اعلم هيجي واحد زيه تاني ولا لاء، واسرة صغيره مش بيت عيله زي ما انتي عايز ه و والدته طيبه وفي حالها ومش بيت فلاحين ولا تقليدي اكلهم طبيخ وبهدله وانا مليش في الطبيخ ممكن مره او مرتين في الشهر. هما قرايب جوز عمتي، و والدته كلمت عمتي وجوزها قالهم على طبعنا واننا دوناً عن باقي العيله مدلعين بزياده ومش بتوع بهدله( دا حتى مسمينا احفاد دلع عشان😂 جدي كان وحيد لمده 15 سنه فكان مدلع وهو الكل في الكل وانا بذات، حتى جوز عمتي من وانا صغيره بيقول عليا دلوعه) وماما مريحانا انا واختي ومش مخليانا نعمل شغل في البيت وهي، وهي قالت ان شغلهم مش كتير وانها بتحب تعمل الاكل والطبخ عمتاً وهي عايزه واحده تكون فرفوشه وتونسها بس واذا كان على شغل البيت متعملش حاجه غير برضاها هي بس الحاجه اللي هتكون ملزمه بيها انها تجيب طلبات البيت من السوق (دي الحاجه الوحيده اللي بعلمها على اكمل وجه عندنا أصلاً 😂) وقالها ان والدي حالياً مش جاهز انه يجوز يا إما هيضغط نفسه وان احنا حالياً بنبني بيت وبنجهزه ف مش مستعديين دلوقتي خالص، وهي قالت عادي لو في قبول ممكن نستنى لحد ما ينقلو ويستقرو وبعدها نيجي نتقدم رسمي ونتفق (ابقى محجوزه يعني) والخطوبه بدل ما هي سنه تبقى سنتين . بعيداً عن شغل البيت و والدته، العريس نفسه مفيهوش المواصفات الشكليه اللي انا عيزاها خالص، انا عايزه واحد طويل واسمراني وشعره اسود وعيونه خضراء او عسلي وشكله يكون مقبول مش عايزه ملك جمال يعني، بس هو قصير وشعره بني و قمحاوي وعيونه بني. فا انا متردده ومش عايزه اظلمه معايا مستقبلاً وخصوصاً انه محترم وشاريني ويعتبر مفيهوش غلطه (نسيت اقول انه صاحب اخويا بس مش صحاب قوي، ولما ماما سألت اخويا عنه قالها هو كويس بس بيشرب سجاير، وبابا لما عرف رافض فكره انه اي عريس عمتاً يكون مدخن ولا بيشرب اي حاجه) ف ممكن تقولولي اعمل اي، ارفض ولا اديله فرصه؟؟؟؟! ...عرض المزيد

3 الدعم

6 نصيحة