متعافتش ومش عارف اتعايش.. أحلامي كلها وقفو قدامها

Chilli_89023 🇪🇬

منذ أسبوعين

شعور متوتر

موضوع:

المشاكل الي اهلك كأنه سبب فيها و اثرت ازي عليك

متعافتش يسطا ومش عارف اتعايش احلامي كلها وقفو قدامها ورفضوها بحجة انهم خايفين عليا كل حاجه كنت مخططلها باظت وضاعت بسببهم ضيعوني وضيعو نفسهم معايا رغم اني ف كلية ناس كتير بتحلم بيها بس انا بقالي سنتين ومش عارف اتاقلم ومضطر اكمل غصب عني

ليه كل حاجه ملهاش نهايه ومش عارف ابدا منين؟

سؤال هو احنا ليه ديما ف كل حاجه بنعملها ممكن تفرحنه بقينا بنبعد خط النهايه ومش عرفين نستمتع ب كل لحظا اقل مفيها وقت الاكل بقينا لازم يا بنشوف فديو يا بنتفرج علي التي في و حولنا كل حاجه ملهاش نهايه مش عارف ايه هبداء من بكره عايز اتمرن لما اخلص الدراسه طب عايز اخرج لما اخلص مش عارف ايه وحولنا كل حاجه ل لا نهايه ...عرض المزيد

1 الدعم

3 نصيحة

متلخبطة في كلية التجارة ومش حاسة إنها مكاني

السلام عليكم ورحمة الله وبركاته أسفة مقدما لو كان كلامي فيه لخبطة بس أنا نفسي متلخبطة أنا واحدة في أولى كلية كلية التجارة و بصراحة مش حاسة إنها مكاني لكن في نفس الوقت مفيش رغبة ل كلية معينة أنا لما كانت في تالتة ثانوي كان هدفي إني أجيب مجموع عالي وبس مكانش فيه كلية معينة في بالي المهم إني أنجح بمجموع حلو وخلاص و الحمد لله جبت المجموع اللي نفسي فيه و فرحت أهلي و كانت فرحتهم بالدنيا بعدين جه معاد التنسيق الكل قاللي أدخلي تجارة لأن ليها مستقبل و بتاع و انا زي ما قولت مكانش فيه كلية معينة ف بالي و بصراحة كنت عايزة كلية ليها مجال في سوق العمل ف قولت ماشي على بركة الله من أول يوم و أنا مش مرتاحة طبعا أنا كان في محاضرات فاتتني و اليوم نفسه كان مرهق حسيت إني تايهة و مش فاهمة حاجة حتي في الكورس بتاع المحاسبة مكنتش فاهمة و تهت في الشوارع بتاعت مكان الكورس و قعدت أبكي في الشارع زي العيال الصغيرة من ناحية أنا كنت مرهقة و تعبانة و من ناحية مكنتش فاهمة حاجة و حرفيا أول يوم ما كان يعلم بيه إلا ربنا عدت الأيام و أنا كل فترة و التانية يجيني هاجس إني هفشل و أن الكلية دي فيها حاجة غلط في صوت جوايا بيقول أنا مش عايزة الكلية دي أنا مش حابها أنا مش بفهم موادها لكن أنا كنت بقول يمكن افهم أشد حيلي و أركز يمكن أفهم صليت أستخارة و توكلت على الله و قلت يارب و بالفعل في مواد بدأت أفهمها واحدة واحدة لكن برضو كل فترة و التانية أحس بضيق في نفسي و كل فترة أفكر في كلية ليها علاقة بالتاريخ لأنه كان مادتي المفضلة سواء عاد آداب أو تربية لكن كل مرة يجيني تفكير ( طب و أهلك اللي تعبوا هضيعي تعبهم كده بكل بساطة و الفلوس اللي ادفعت ) و على دا الحال مع إن أمي والله و ربنا يشهد على كلامي لما كنت بقولها إني خايفة أفشل أو أسقط كانت تقولي و إيه يعني ذاكري و عملي اللي عليكي و النتيجة على ربنا كانت تقولي يعني هنعدموكي لو سقطتي و انا والله عارفة إن كاتبه ربنا هوا الخير بس خايفة و الله خايفة و متلخبطة مش متقبلة الكلية و مش حاسة إني بحبها و في نفس الوقت خايفة لو درست الحاجة اللي أنا بحبها ميكونش ليها مستقبل أسفة إني طولت لكن أنا تعبانة و مخنوقة وكنت عايزة أفضض لحد و يسمعني وبس لو وصلت لحد هنا ف شكرا جزيلا أنك قريت رسالتي و لو عندك حل لمشكلتي أو نصيحة اتمني متبخلش عليا دمتم سالمين و السلام عليكم ...عرض المزيد

0 الدعم

10 نصيحة