مخنوقة ومحتارة.. زميل شغل بيطاردني وانا مش عارفة اعمل ايه

Question

انا مخنوقه جدا جدا وبجد عايزه اخد قرار وعارفه القرار الصح وعارفه كل حاجه وفاهمه بس عايزه افصفض اوى اوى 
انا حد الحمد لله بيخاف ربنا والله ف تصرفاته وعمرى ماغلطت ولا عملت حاجه تتمسك عليا أو توقعنى ف غلطه ومتجوزه من 14 سنه ومخلصه لجوزى جدا بالرغم من جمود مشاعره بس مش بيستخسر فينا حاجه خالص وكريم جدا بس كلامه ولسانه صعب اوى ومهمل فينا وشغله رقم واحد انا ياما صديت ناس كتير كانت بتعاكس وعمرى مداخلت ف الغلط أو سمحت بيه بس للاسف نزلت شغل جديد وظهر شخص دخل من حته الصداقه والزماله والجدعنه وانا اديتو مساحه بحكم الشغل صرحلى بمشاعره ورفضتها وقولت خلينا اصحاب احسن وفعلا بقينا أصحاب بس بس للاسف كان بيقعد يحكيلى عن حياته وأنه مش مرتاح ومش بيحب مراته وللاسف مراته معانا ف الشغل وحست بالاهتمام ومن نظراته وحصلت بينى وبينها مشكله وطلبت نقلى وانتقلت فعلا بس برده جه ورايا ب كام شهر للفرع إلى. انتقلت ليه ومراته متعرفش أن انا فى نفس الفرع ده ولسه لحد دلوقت بيطاردنى وانا مش عايزه اسيب شغلى وف نفس الوقت حاولت ابعد كتير وكنا بنبهد. بالشهور ويرجع يتكلم تانى وأنه مش عارف نيسانى وانا للاسف مبقتش عارفه احساسى ومش فهماه انا عاجبنى فكره ان فى حد بيحبنى وييعبرلى بكلام حلو وان لسه مرغوب فيا بس مش بحبه وطلب منى أن انا أطلق ويتجوزنى رفضت واتخانقت معاه ودائما بأكد على اننا زمايل شغل وبس بجد مش عارفه اعمل ايه ومش عايزه اوصل الموضوع ل زوجى القصه هتكبر اوى اوى

Apple_58349 🇪🇬 · Answer

مش هثولك غير اتقى الله ف جوزك وطز ف الشغل اقعدي قال اي سبتيله مساحه بحكم الزماله صباح الفل يعني عملتي حرام انك كلمتيه لا وسببتي مشاكل بينه وبين مراته وهو اصلا انسان وسخ كمان لكن لو كان شاف منك وش مالبدايه مكنش كل دا حصل

Tomato_87913 🇪🇬 · Answer

عامله زاي ورد وشكولاته لما زينه سابت جوزها يوم فرحها وراحت لواحد متجوز والنهاية قتلها 
مش قصدي بس انتي واضح انك بتضعفي عشان كدا قررتي تحكي بس هددي لو مبعدش انتي تقولي لمراتو انتي بتضعفي وتندمي بجد لو مره مندمتيش خافي علي نفسك

Nutella_73233 🇪🇬 · Answer

انا بتقى الله ف جوزى وربنا يعلم أن انتقلت وبعدين عشان اعمل كده بالرغم من لنجاح اللى حققته ف المكان اللى كنت فيه ورفضت كل الكلام وفعلا كان بيحصل انقطاع تام لمده شهور

Nutella_73233 🇪🇬 · Answer

انا فعلا ضميرى قالتلنى جدا جدا واستحاله هضعف بس انا ببقى فرحانه بالإحساس وده جوايا انا لكن مش بوصل ده للطرف التانى نهائى

Tomato_87913 🇪🇬 · Answer

ايوة صدفيني محدش بيعيب فيكي انتي شكلك استاذة محترمه جدا وصعب بس كونك تحسيها مشكله وتفكري فيها ده معنا انك بتضعفي بزات ف جزء قلتي حبة شعور انك لسه حلوة ووان في حد معجب ع عكس جوزك الي مش محسسك كده خالص صدقيني محد يقدر يقول كلمه وحشه فحقق بس انتي خايفة بس لتضعفي

Tomato_87913 🇪🇬 · Answer

هوا للاسف بيعلب ع الحته دي وعارف ان اي ست متجوزه بتبق فقده احساس معين وهو الاهتمام او الحنية وبيلعب ع الحته دي وعارف ان اي ست مثلها تحن بس الستات درجات في ست ضعيفه ممكن من ازل كلمتين تحن وفي ست ممكن تطول بس النهاية هوا متاكد ان عندك نقصة فحته معينا بيعوضها عشان يكسبك

Lemon_52720 🇪🇬 · Answer

ليه اصلا تفتحى المجال… احساسك انك عايزة تبقى مرغوبة عشان جوزك مقصر مفهوم بس مش مبرر تدخلى نفسك فى الغرزة دى .. صدى بحزم و اقفلى الموضوع احسن لك و جوزك مسيره يقدرك او مش عجبك اطلقى و اعلنى اعتراضك على الحياه دى و اطلبى حقوقك من الراجل اللى المفروض تخدى منه دا … مدوريش بره على حاجه انتى عارفه انها مش حقيقه

Nutella_73233 🇪🇬 · Answer

انا مش عارفه اعمل ايه ابعد وانتقل مكان تانى ولا اتكلم بطريقه وحشه واصد جامد انا من ضمن المحاولات اللى عملتها أن حكيت للمدير ف المكان القديم وجابو واتكلم معاه أنه يبعد عنى وفعلا بعد خالص بس برده رجع تانى يعنى انا بعمل محاولات كتير للبعد بس حقيقى مش عارفه المره دى اعمل ايه عشان ابعد نهائى بدون رجعه تانى

Nutella_73233 🇪🇬 · Answer

انا ياما طلبت ووضحت أن العيشه مستحيله كده بس كان التغيير بيكون مؤقت وكله ليرجع تانى وعشان ولادى بتحمل

Tomato_87913 🇪🇬 · Answer

هددي بانك تقولي لمراتو صدقيني هيتلم

Coffee_90186 🇪🇬 · Answer

انا مقدره و فاهمه يلي عملتيه ، انا والدي مقصرر جدا مع والدتي وحصل نفس الموضوع بس نصحت ولدتي انها تبعد الشخص ده!! وانا بنفسي اتخانقت معاه. انا فاهمه انتِ اكيد حاسه ب ايه من انك محتاجه تتسمعي و حد يحبك و الله و اعلم عندك اولاد او لا، بس متخربيش بيتك عشان حد هو حرفيا بيتسلي بيكي و مستعد يكسر بيت!! عشان حد ف هيجي يوم لو لقي الاحسن منك هيكسرك زيك زي يلي هيعمل فيها ، انا مش بهاجمك بس فكري بعقلك

Nutella_73233 🇪🇬 · Answer

انا واثقه وعارفه جدا أن كل ده كدب فى كدب وان الصح اللى يرضى ربنا هو البعد تماما عن الموضوع والا مكنتش بعدت كتير ودخلت ناس فى أنها تبعد الطرف الآخر عنى بس اللى مزعلنى من نفسى فرحتى بالكلام أو الإحساس نفسه

Olive_73027 🇪🇬 · Answer

اعملي محضر وسجلي له طالما مش عايز يسيبك فحالك وهدديه بالتسجيل لو متلمش فعلا روحي اعملي محضر

Olive_73027 🇪🇬 · Answer

عايزه اقولك حاجه واحده بس ، فكري فربنا و فولادك و اعملي الصح متخليهوش يحس أن الكلام عاجبك لا اقطعي الكلام خالص واعملي بلوك و لو مبعدش اعملي محضر