السلام عليكم انا لسه عارف الapp دا من نص ساعه و في حاجات كتيير نفسي اقولها بس نبدأ ب اقهرهم انا واحد مدمن افلام اباحيه من تقريباً ١٠ سنين لحد ما خلاص كل حاجه في دماغي بقت عبارة عن اباحيات وشهوانيه والموضوع دا مأثر عليا لدرجه اني بخاف علي امي واخواتي مني بقت نظرتي ليهم حاجه في منتهي القرف بصراحه وكمان بيبان عليا في الشارع من الخوف الرهاب الاجتماعي الي زاد عندى اخر فتره انا كنت انسان اي ذنب علي وجه الكره الارضيه بيتعمل عملته بس توبت من كل حاجه الا حاجتين السجاير والاباحيه وحقيقي الموضوع مدمر وبيعطلك عن حاجات كتيير في حياتك دا غير استغفر الله العظيم يعني استهزاءك لربنا الموضوع صعب أوى يجدعان وانا الحمد لله لما توبت حبيت ابقي لوحدى اكتر بس كنت فاكر اني لما ابقي لوحدى هكون احسن وابعد عن كل شىء غلط انا بقالي ٥ سنين لوحدى حالتي بتسوء يوم عن التاني خوفت نفسي بجميع الطرق حتي في الاشهر الحرم بعمل القرف دا وحقيقي انا خايف وقرفان من نفسي جدا واللي مخوفني اكتر سمعت الشيخ امجد سمير بيقول الانسان هيموت علي الحاجات اللي انت مدمن عليها وشاغله دماغك ٧٠ ٪؜ من يومك يعني انت لو يومك ٧٠ ٪؜ منوا انت كل حاجه في دماغك اباحيه وعاده سريه وساعات مبتتغسلش ف انت بنسبه ٧٠ ٪؜ هتموت علي الحاجه دى ودا شئ مرعب وانا عايز افاجأك واقول اني بعد ما سمعت الكلام دا قومت عملت الزفت كأن أنا بسخر من ربنا مش فاهم بس انا انسان حساله في الشارع بوش وعامل نفسي تقي وبقول لدا حرام ودا حلال واروح البيت ببقي حساله انا انسان متدين جداً واعرف في الدين كتير اوى لاكن مش بصلي واحلي حاجه بعملها في يومي اني بحب اسمع بودكاست ديني واثقف نفسي في الدين اكتر لاكن كل دا مش بعمل بيه لدرجه ان في ناس في الشغل مسميني الشيخ فلان او الحاج فلان لاكن انا حساله منافق شهواني امنيه حياتي اني ابطل القرف دا وارجع اصلي وأحفظ قرآن واكون راجل فعلا وبقعد ادعي كتيير لاكن الشيطان كافر وشكراً ✌🏻

4

15