مش عارف أعمل إيه بعد ما صارحتها وأسلوبها اتغير

Question

انا كنت بحب واحدة معايا في الكلية بس انا شخصية خجول شوية معرفتش افتح معاها اي كلام خالص خلال الاربع سنين بتاعت الكلية وجت فكرة في دماغي اني افتح معاها كلام من خلال اني اجبلها النتيجة من قبل ما تظهر من الكنترول يعني وفتحت معاها كلام في شات من هنا وصرحتها اني بحبها ومستعد اقابل باباها لو توافق بعد ما الامتحانات خلصت وكل حاجة خلصت قالتلي انها مش حاسة بحاجة من نحيتي ومش عايزة تعلقني بيها لانها مش متعودة تعمل كدة وعملتلي بلوك البلوك دة بقي قعد سنة ونص وفاجة بعد السنة ونص اتشال وهي ما غابتش عن بالي لحظة وحدة اول ما اتشال حاولت اتواصل معاها تاني تعبت جدا علي بال ما عرفت افتح معاها كلام تاني وكانت بترد بعد ايام علي الرسال وبتدا الموضع يقرب اكتر وعرفتها اني مسافر برا مصر ابتدت تقرب مني اكتر ونحكي ونتكلم ولما سافرت بقت بنتكلم فون بس انا اللي لازم ابادر واسال ويترد عليا بعد فترة وديما تقولي مشغولة وجيت في يوم قولتلها في الفون اني بحبها ومنستهاش ومقدرش استغني عنها ومش عايزها تضيع من ايدي تاني ومستعد في اول اجازة ليا في مصر اجي اقابل ابوكي بعد الكلام دة تقولي انا مش حسالك بحاجة دلوقت احنا اصحاب وسيب الامور ماشية زي ما ربنا يرتب خلال السنة بس لما بكلمها بترد متاخر جدا زعلت اكتر من مرة بسبب الموضوع دة تقزلي انا مبحبش العتاب وانا مشغولة وانت لازم تقدر قولتلها تمام بس بتتكلمش هي او تبدا هس ومن بعد ما صارحتها اسلوبها اتغير جدا مش عارف اية دة ولا اعمل اية وسيبتها اسبوع من غير ما ابعت اي رسالة او اشوف حالاتها ولا داخلة تتكلم او تسال ومش عارف اعمل اية اكمل بس مش هقدر مكملش انا بموت فيها حرفيا وشكر لاي حد هيساعدني بمعلومة

Orange_75060 🇪🇬 · Accepted Answer

كرامتك فوق كل شئ  واللى يشوفك استبن غيره
صدقنى البنت لما تحب هتلاقيها هى تبقى عايزة تكلمك ومستنيه مكالمتك ...لكن هى مش شيفاك التايب بتاعها أو فتى أحلامها  بس هى خطاك استبن عشان قولتلها مسافر بره مصر وكده .....ماتستنزفش مشاعرك معاها وان شاء الله هتقابل اللى تحبها وتحبك ووقتها هتعرف انك هتبص على حكايتك مع البنت دى وهتحمد ربنا انك سبتها .انت مش استبن ولا قليل الحيله 
احفظ كرامتك

Olive_73027 🇪🇬 · Answer

ممكن بتحب حد تاني بس عامه هي لو عيزاك مكنش ده هيبقي تصرفها معاك ، الاحسن ابعد عنها

Moon_90307 🇪🇬 · Answer

انت ليه قابل ان حد يأذيك اوي كده عشان بتحبها انت معلق نفسك بحبل في الهوا مش هقولك انساها لا بالعكس ازعل و اتاهر وهي كلها فاتره وهتتعافه اه مش هتنسي و حاول تكره نفسك فيها انت شوفت ايه منها حلو والمشكله مش فيها المشكله فيك لانها كل مرة بتقولك خلينا صحاب هي مش بتقولها بشكل صريح بس ده مفهوم جدا افترض ان في حد في حياتها وهي محروجه تقولك ربنا لما بيمنع عننا حاجه بيمنعها عشان هو عارف الخير فين

Chilli_57574 🇦🇪 · Answer

ولو فية حد في حياتها لية تخليني اصلا لية شالات البلوك من الاول وقالت احنا صحاب وسيب الامور ماشية زي ما ربنا يرتب

Chilli_57574 🇦🇪 · Answer

ولية تتكلم معايا وهي بتحب حد تاني

Waffle_86329 🇪🇬 · Answer

اهرب

Cherry_67132 🇪🇬 · Answer

شايفة انها م بتحبك بصراحة ف حد تاني شاغل دماغها ال بيحب بيبقي عايز يتواصل مع التاني ويقرب منه زي ما انا بتعمل كدا وهي يعتبر حطاك ف خانه الاحتياطي لو فضلت هتستنزفك وساعتها معتش هتحس بطعم الحياة وهتخسر اوي ابعد هتتوجع شوية اه بس احسن ما تتوجع سنين وتضيع تعب سنين ع حد م بيحبك اصلا قرب من ربنا واطلب منه انه ينسهالك ويقويك عالخطوة دي وامسح رقمها واعملها بلوكات
حكم عقلك واوزنها عشان تعرف تختار القرار صح

Chilli_57574 🇦🇪 · Answer

طيب مش يمكن مشاعرها تتغير من نحيتي لما تشوف كم حبي ليها واني جد جدا معاها

Olive_73027 🇪🇬 · Answer

استخسرتك بس  ، انا فكرت لو هي من البنات اللي مش بتحب الارتباط بس لا دي قالتلك نبقي صحاب أو ممكن عندها  
 trust issue مش عارفه احكم بصراحه 
بس عامه هي مش عيزاك لأن البنت لما بتحب بتبقي حرفيا مستنيه كلمه منه أو هي دائما اللي بتبعت 
ربنا يكرمك باللي احسن منها بس من غير جو ارتباط مش رسمي

Olive_73027 🇪🇬 · Answer

لو قربت ممكن تبقي متعاطفه معاك و فالاخر هتسيبك بردو

Moon_90307 🇪🇬 · Answer

طيب اولا لو كنت بتتواصل معاها واتساب لما بتحذف الاكونت وترجع ترجعو تاني البلوك بيتشال ثانيا يمكن هي مش عارفه تقولك ان لو في حد في حياتها عشان عارفه هي قد ايه هتزعلك في ناس مش بتعرف تواجه حد بده بس هسالك حاجه ورد عليا بعد متفكر لو دخلت وقالتلك انا مش عارفه اشوفك غير صاحبي انت هتعرف تعملها علي انها صاحبتك و انت هتموت عليها اكيد لا صح ربنا يهدي قلبك و يعوضك خير

Moon_90307 🇪🇬 · Answer

انت عاوز حاجه وهتموت عليها اوي كده هنصحك نصيحه لوجه الله اي ست في عالم لو لقيت راجل بيحبها اوي كده ومدلوق عليها بالشكل ده بتطلع عينو فلو دخلتلك حاول تحسسها انها بقيت عادي بالنسبالك حتي لو مش كده ولو عاوز تتاكد انها في حاجه من نحيتها قولها انك ارتبطت بواحده تانيه و اقعد اتكلم عن البنت كتير وقد هي جميله لو مفرقش معاها يبقي هي مكان مينفعش تفرق معاك