خايفة من الحب من طرف واحد تاني في الجامعه

Question

مش عارفه ليه هكتب هنا 
بس حسيت اني عايزه اتكلم ومش عارفه .. حتي نفسي مش مقتنعه باللي انا بكتبه حاليا ده 
اعتقد اني بدأت احب حد معايا في الجامعه وعرفته لأنه في نفس التيم بتاعي 
كنت بقنع نفسي ان ده مستحيل 
خايفه يكون ده حب من طرف واحد (للمره التانيه وده السبب اللي مخوفني ) مع انه بيعمل حاجات كتير تدل انه كمان بيحبني بس مش عارفه اتأكد ازاي ومش عايزه اخد الفيرست ستيب
بس السؤال الأهم من كل ده .. الواحد لغايه امتي هيفضل خايف ان المكان ده مش مكانه ؟ هيحس امتي انه مرغوب فيه وانه يتحب ؟
حاسه اني في منتهي السذاجه وانا بكتب هنا ف ابلكيشن معرفهوش بس لمجرد اني حسيت اني عايزه اكتب

Apple_64598 🇪🇬 · Answer

دي مشاكل جماعيه كل الناس بتحس بيها كلنا حاسين أن ده مش مكانا للاسف لازم نتأقلم أما بالنسبه للولد والحب جربي تقربوا من بعض يمكن يطلع بيحبك وبعدين مادام انتي حبتيه خلاص خايفه من ايه جربي وخلاص

Tofu_80395 🇪🇬 · Answer

اختبريه في شوية حاجات علي سبيل الصداقة او انكم صحاب بس تكون اختبارات حقيقية وصعبة ومن هنا هتعرفي اذا كان بيحبك وقد المسؤوليية ولا لاء

French Fries_80234 🇪🇬 · Answer

نصيحه من ولد اوعي تاخدي الفيريست ستيب البنت يُسعى اليها 
لو انتي بتحبيه زي ما بتقولي خلي عندك ثقة بالله بس و قومي صلي ركعتين قيام و ادعي بكل حاجه نفسك فيها و ادعي انه يكون من نصيبك والله ربنا مش هيكسر بخاطرك ابدا

Coffee_88879 🇪🇬 · Answer

الموضوع مختلف الي حد ما .. احنا تيم 6 بنات وولد  بس انا وهو بناخد سيشنز كورسات بره الجامعه وكنا بنروح سوا ومع الوقت حسيت اني حبيته وانا مش عايزه كده (مع العلم اهلي عارفينه بما انه زميل ليا في التيم وبابا بيقول عليه محترم جدا ) ف حاسه انو ازاي هيحبني ف وسط كل اللمه دي وممكن يكون ده كلام زمايل او حتي صحاب وانا من اعجابي بيه فكرت عنده مشاعر ناحيتي

Coffee_88879 🇪🇬 · Answer

زي ايه ؟

French Fries_80234 🇪🇬 · Answer

صدقيني هي دي الحاجات اللي بتجيب من الاخر تصلي قيام ولو ركعتين بالليل و تدعي فيهم واظبي عليهم و هتدعيلي 
و غير كده صلي على النبي كتير قوي بنية انه يكون من نصيبك والله نتيجتها هتكون فوق تخيلك لو الشخص ده خير ليكي هتلاقي الدنيا بتتشكل كده عشان تكونوا سوا

Apple_64598 🇪🇬 · Answer

ممكن يكون بيحبك حب اخوي ابدأي لمحي او اختبريه مع الوقت لو بيحبك هيقول لك احنا الرجاله بنقول عادي

Coffee_88879 🇪🇬 · Answer

انا طول حياتي متربيه اني مباخدش فريست ستيب واني هاديه ويمكن ده اوقات المجتمع بيسميه برود .. بس انا جوايا حرب
لأن يوم ما خدت الستيب من حوالي 4 سنين لغايه دلوقتي ندمانه علي اللحظه دي للاسف 
ف مستحيل تتكرر
واكيد بإذن الله لو خير علي الاقل دماغي هتهدي

Coffee_88879 🇪🇬 · Answer

هو من النوع الخجول حبتين والمتردد جدا و isolated بس علشان بقينا ف تيم بدأ يكسر الرهاب ده وكلامه معايا غير مع التيم وتلميحات كتير بس مش قادره احدد برضو لأن ممكن علشان انا ليدر التيم .. الموضوع محير

Mango_29955 🇪🇬 · Answer

سيبك من كل اللي بيقولك اختبريه وغيره انتي في غني عن كل دا 
حضرتك مرغوب فيكي اكيد بس انتي أكرمي نفسك انا ولد وبقولك كل العلاقات اللي زي دي بتفشل اصلا  اللي عايزك بجد هيدخل البيت من بابه ويكلم والدك او والدتك حتي لو متوافقتوش فأنتي بتختاري الطريق الصح اللي يرضي ربنا  
بجد سيبك من كل اللي بيقولك اختبريه وقربوا من بعض والكلام دا

Apple_64598 🇪🇬 · Answer

تلميحات ازاي

French Fries_80234 🇪🇬 · Answer

ربنا يفرح قلبك و يجعله من نصيبك و تجتمعوا في الحلال ان شاء الله لو كنتم خير لبعض 
انصحك كمان صلي استخاره

Coffee_88879 🇪🇬 · Answer

انا والدي ووالدتي عارفينه بما اننا زمايل تيم ووالدي علطول متواصل معاه لأنه شخصيه محترمه جدا .. بدأت ف الأول كزمالة عادي جدا بس لما بدأت احس بمشاعر أنكرت وفجأه لقيتني بكتب هنا بكل سذاجه وانا سهرانه وبفكر

Coffee_88879 🇪🇬 · Answer

يعني عايز يعرف اكتر عن حياتي .. علطول بيقول اني طموحه ومجتهده ومحترمه .. وكتير جدا يستني بعد سيشن الكورس نروح الكليه بما ان طريقنا واحد .. واوقات لو خرجنا من الكليه متأخر يوصلني علشان ممشيش لوحدي ومهتم بتفاصيل كتير وعرف عني كتير ودي حاجه فاجئتني

Apple_64598 🇪🇬 · Answer

طب كويس اهو في امل تجاوبي معاه بس خليه ياخد اول خطوه

Coffee_88879 🇪🇬 · Answer

الفكره اني بحاول اهرب وفجأه بلاقي نفسي ف نفس ال loop لأنه نفس التخصص ومعايا طول المشوار والمره دي مش عارفه اهرب ..
ده غير اني فكرت اني مبقاش عندي مشاعر ودي كانت حاجه مريحه دماغي جدا

Apple_64598 🇪🇬 · Answer

يعني انتي بتحبيه وعيزاه ولا مش عيزاه

Coffee_88879 🇪🇬 · Answer

ما هي دي الحرب بقا .. فاهم

Apple_64598 🇪🇬 · Answer

طب كده حل الموضوع في ايدك انتي مش معاه هو 
فهماني؟
لازم تعرفي انتي عايزه ايه الاول عشان تعرفي تاخدي مسار معين

Coffee_88879 🇪🇬 · Answer

انا اوكيه عارفه  بدأت اعجب بيه .. بس الفكره هنا لو المشاعر مش متبادله هيبقي احساسي انا ايه ؟ علشان كده بحاول اقنع نفسي بالعكس

Apple_64598 🇪🇬 · Answer

السؤال الصح هنا لو في مشاعر متبادله هيبقي قرارك ايه مش العكس

Coffee_88879 🇪🇬 · Answer

ساعتها بما ان طريقنا واحد هنكمل وهنشجع بعض لغايه ما نعديه .. وإحنا في الطريق نبدا نفكر ف الستيب الجايه .
مش عايزه ابني سيناريوهات علي وهم .. فاهم ؟
يعني ليه افكر ف ايه هيحصل وهو ممكن ميكونش بيفكر اصلا ف الموضوع .. وليه انا ؟
ليه مش ال 5 التانيين ؟
ليه مش اي حد من الدفعه اصلا .. او من حياته عموما .
اسئله كتير هيتجاوب عليها في دماغي لو عرفت حقيقه مشاعره .. بس الفكره هعرف ازاي

Apple_64598 🇪🇬 · Answer

ما انا قولت لك اديله ريق أو فرصه وكده وابدئي لمحي معاه وبعدين اتقلي سيكا بسيطه خالص خالص شوفي رده فعله ساعتها هتعرفي
دي نصيحه من ولد يعني اعتمدي

Coffee_88879 🇪🇬 · Answer

وهوب اكون في ال Friend Zone 😂

Apple_64598 🇪🇬 · Answer

المهم تكوني عرفتي حقيقه مشاعره قبل ما تتعشمي وتعيشي اوهام مع نفسك

Coffee_88879 🇪🇬 · Answer

هحاول وهعمل بنصيحتك وهاجي هنا اقولك حصل ايه واعمل ايه .. وعموما ثانكيو ليك جدا بجد

Tofu_80395 🇪🇬 · Answer

سواء كنت ولد ولا بنت فا حضرتك قليل الذوق ومبتحترمش آراء الآخرين.. ايه سيبك من كذا وكذا.. عايز تقول نصيحة يبقي متتعداش علي غيرك عشان تبين انك انت اللي فاهم وواعي.. احترم غيرك

Coffee_88879 🇪🇬 · Answer

الأكيد انه ميقصدش حضرتك بأي إهانه .. ورأيك يُحترم بجد ف ليه نتخانق الموضوع مش مستاهل خالص

Coffee_88879 🇪🇬 · Answer

ثانكيو جدا ❤️

Apple_64598 🇪🇬 · Answer

طب في ابلكيشن اسمه zangi نفس فكره توهيل بس الشات فيه احسن بكتير الهويه مخفيه وكل حاجه 3442687253 ده رقم الشات بتاعي عليه ابقي بلغيني هنا

Apple_64598 🇪🇬 · Answer

عشان بتوه هنا في الابليكيشن

Lemon_88854 🇪🇬 · Answer

صدقني انت الي غلط، انت لو عندك اخت مش هاترضا يبقا ليها بس كلام مع اي شاب!

Mango_29955 🇪🇬 · Answer

حتى لو والدك ووالدتك عارفين فأنتي ريحي بالك وفكري في مستقبلك بس عشان ممكن ميكونش بيفكر فيكي اصلا وممكن يكون كل اللي في بالك مجرد تهيؤات بالحب مثلا