ساعات بتحس إنك مش عاوز حل لأي حاجه إنت بتمر بيها، انت مجرد بس إنك عاوز حد يسمعك من غير حتي ما يقولك حلول أو حتي يعلق علي كلامك ، عاوز بس حد يسمعك ويتفاعل معاك وكل ما يلاقيك مش بتتكلم يشجعك آكتر علي أنك تتكلم، في اسئله كتييير جدا في عقلك انت بتسالها لنفسك وبتحاول ترد علي نفسك ، و الاساله دي هتستمر طالما إنك مفيش حد بيسمعك ولا حتي بيحاول يسمعك أو يفهم إنت عاوز تقول أي ، ودا في النهايه بيأثر علي انتاجيتك وبيدمرها كمان ، هو اه ممكن متكونش إنت سبب إللي إنت فيه دا كلو، بس إنت المسئول الوحيد انك تصلح كل شيء. زمان وانت صغير مكنتش متخيل انك ممكن تبقي شخص بيتأثر بسرعه بس جربت الشيء دا وفهمت قد اي هو صعب وكنت بتسمع كتير عن شخص بيقول انه بيعيط من جوا بس عمرك ما فهمتها غير لما جربتها وانت كبير والمشكله انك مازلت بتتمني إنك تعبر عن دا كله مع انك عارف ان محدش هيهتم ولا هيسمع بس دي فطره في الإنسان إنه مبيعرفش يكتم جواه طويل ولو كتم بيتعب . بس الحمد لله علي ان ربنا رزقنا بكلمة الحمدلله إللي لولاها كنا هنتجنن

1

1