مش عارفة أذاكر رغم إنها تالتة ثانوي!

Question

مش عارفة ابدأ منين بس هقول
انا حاليا تاني سنة ليا فتالتة ثانوي انا كنت قاسمة بس مش دي المشكلة السنة اللي فاتت مكنتش بذاكر حرفيا وفضلت اعك كتير واقلل ف المواد لحد مدخلت بمادتين بس وشلت وحدة والتانية جبت النص انا مش عارفة انا مش بذاكر ليه وبجد عندي برود فظيع ومش حاسة بالذنب اني مش بذاكر بس فنفس الوقت مش عاجبني حالي انا مكنتش كدة والله كنت دايما اطلع من الاوائل بس معرفش حصلي ايه ودلوقتي دي اخر فرصة ليا وبرضو مبذاكرش كل ماجي اقعد اذاكر افضل اتلهي واعمل اي حاجة غير اني اذاكر انصحوني اعمل اي بجد حياتي بتتدمر وحرفيا انا لو مجبتش كلية كويسة مستقبلي كله هيتضرر

Pineapple_31949 🇪🇬 · Accepted Answer

انا عملت زيك وقسمت كنت دفعه ٢٠١٥ ونفس الي بتحكيه كنت شاطر جدا وفجاه مبقتش قادر امسك الكتب وبحس بخنقه مطلعتش من الحاله دي غير لما بدأت اكافئ نفسي يعني لو خلصت النهارده كذا هنزل افك شويه هعمل حاجه بحبها بس لو كسلت برضو هعاقب نفسي ومش هنزل ولا هكلم حد حطي لنفسك مكافأة وعقاب وحفذي نفسك الطريقه دي نفعت معايا

Mushroom_34267 🇪🇬 · Answer

خلينا متتفقين انها فلاول و فلاخر ثانويه عامه دى نصيب في ناس كتير زكرت و منجحتش و في ناس مزكرتش و نجحت حولى انت بس تحضرى دروسك و ركزى شويه و شدى حيلك و إنشاء الله هتعدى منها على خير بس ركزى شويه محدش هينفعك و بعدها عيشى حياتك فلجامعه عادى

Broccoli_33658 🇪🇬 · Answer

واضح اني فيه كتير في نفس مشكلتي

Coffee_28472 🇪🇬 · Answer

جماعه اي حد قسم يفيدني عشان هقسم

Carrot_32947 🇪🇬 · Answer

انا عندي دكتوراة فتالته عدت 4 سنين وفي النهايه دخلت نفس المجال الكان ممكن ادخله من اول سنه🤡
وكنت عارف انه الموضوع مصيري ولازم اذاكر ومستقبلي متوقف علي الامتحان ده بس برضو مكنتش بذاكر ، تقريبا المشكله في تالته نفسها عشان معدلاتي في الجامعه توب

Pumpkin_28867 🇪🇬 · Answer

اجبري نفسك لازم تجبريها، وكمان شغلي رقية شرعية وارقي  نفسك

Strawberry_32392 🇪🇬 · Answer

اسوء قرار ممكن تاخده فحياتك اوعا

Blueberry_30249 🇪🇬 · Answer

نفس المشكلة عندي بس الفرق اني بذاكر لساعات كتيرة و لمن تجي ورقت الامتحان ما بحلش حاجة و مهما حاولت النتيجة نفسها و مستقبلي ضاع و انتهى بس كل مرة بتذكر ان دي ابتلائات من عند ربنا فلازم نكون قويين

Mango_32932 🇸🇦 · Answer

شوفي دا والله اعلم 👁️ عين 👀 
صلي ركعتين لله في الثلث الأخير من الليل وادعي ربنا بكل ما في قلبك وهكتبلك دعاء في التعليق التاني حافظي عليه جدا جدا هيفيدك 
يا حي يا قيوم برحمتك أستغيث أصلح لي شأني كله ولا تكلني الى نفسي طرفه عين 
الصبح وبالليل وفي قيام الليل ضروري

Coffee_34064 🇪🇬 · Answer

انا كنت معاكى ف دفعه السنه اللى فاتت و حرفيا كان بينى و بين القسمه شعره كل ليله امتحان ببقى مش عايز ادخله من التوتر و اكتشفت بعد كده ان ده طبيعى هى فتره دراسيه متعبه نفسيا مش من صعوبه المناهج قد ما تعب الدماغ اللى بتودى و تجيب اهم حاجه امسحى سوشيال و متقوليش هستخدها ساعه او الكلام ده لازم يبقى فى قرارات حاسمه شوفى اللى بيضيع وقتك فين و اخلصى منه و انتى مش متاخره لسه بدرى بغباء والله

Mango_32932 🇸🇦 · Answer

وديما قولي الدعاء دا بعد كل صلاه
. 
اللهم رب جبرائيل وميكائيل واسرافيل 
فاطر السموات والأرض عالم الغيب والشهادة انت تحكم بين عبادك في ما كانو فيه يختلفون …إهدني الي ما اختلف فيه من الحق بإذنك اهدني إلي ما اختلف فيه من الحق بإذنك انك تهدي من تشاء إلي صراط مستقيم  .
وتوكلي علي ربك باذن الله امورك هتتعدل وهتتيسر 👌👌

Coffee_34064 🇪🇬 · Answer

و المدرسين موجودين بالهبل و من غير اشتراك ولا حاجه انا الحمدلله ربنا كرمنى بهندسه و كان فى مواد زى الكيمياء انا مراجعتش عليها غير ليله الامتحان و انا اخر مره ذاكرتها فيها كان شهر 3 و اللى اكتشفته اللى بيتذاكر صح عمرك ما هتنسيه حاولى تعملى الاول scan على المنهج كله بحيث انك تبقى شايفه المنهج من فوق يعنى عارفه اخره فين و المعلومه دى مكمله للفصل الكام طرق كتير مش هعرف اقولها كلها ف message واحده

Coffee_34064 🇪🇬 · Answer

و متنسيش انك متفوقه عن الدفعه دى لانك عارفه ولو حاجات بسيطه عن شكل المنهج الحاجه اللى انتى هتبقى حاسه انها عاديه او مش مهمه بس صدقينى دى تفرق 180 درجه فمستواكى ثانويه عامه بلونه منفوخه بكلام ناس مش فاهمه حاجه و انتى اللى تقدرى تخليها تمنعك تذاكرى و انك تفرقعيها و تجيبى احسنها كليه ف مصر والله

Ice Cream_34324 🇪🇬 · Answer

انا عايزه اقولك اني كنت هقسم السنه برضوا بس رجعت ف كلامي ف اخر لحظه لانها سنه وخلاص لو بقت سنتين مش هتفرق غير انك هتتعب اكتر وهتزهق فا موضوع قسمه السنه ده مش حلو اصلا وبضيع وقتك وخلاص لانو لو مش مكتوبلك تجيب الكليه الفولانيه مش هتجيبها كده كده مهما عملت