أنا عايز أقول حاجة مهمة… مش كل بنت تبص لواحد يبقى "بتموت فيه" ولا معجبة بيه. الكلام ده بيشوّه سمعة البنات وبيقلل منهم. في ناس كل ما يشوفوا بنت بس اتكلمت بأدب أو ابتسمت، يروحوا يقولوا: "دي بتحبني… دي بتموت فيّا… دي ماشية ورايا." وده غلط جدًا ومش رجولة، ده قلة احترام. البنت ممكن تكون بتعامل الناس باحترام وتربية بس، ومش معنى كده إنها عايزة علاقة أو معجبة. وفي شباب — وللأسف كتير — بيخلّوا كل لمحة أو كلمة بسيطة حكاية وهمية في دماغهم، وده بيدمر سمعة البنات. وأنا لو سمعت الكلام ده عن بنت، حتى لو ماليش علاقة بيها، هتضايق… لأنها ممكن تكون بتدرس، بتشتغل، أو ماشية في حالها، وحد يفترى عليها أو يبوّظ صورتها لمجرد إنه فاهم غلط. عشان كده بقول: استقيموا… واتقوا الله… ولا تظلموا بنات الناس ولا تفتكروا إن أي تعامل محترم يبقى إعجاب. أنا بكتب الكلام ده لأن الموضوع ده تعبني بجد، وبشوف البنات كأخواتي… وواجب عليا أدافع عن حقّهم. أنا بكتب الكلام ده لأنّي أخيرًا فُقت من الهطل والغباء اللي كنت ماشي بيه. أنا لا مصلّح اجتماعي ولا حد مثالي… أنا فيّا عبر الدنيا. بس اتعلمت درس مهم: هعامل أي بنت زي أختي، لحد ربنا ما يرزقني بالزوجة الحلال اللي تليق بيا. ولو في حد اتضايق منّي أو من تصرفاتي قبل كده… أنا بجد آسف. سامحوني لو غلطت، وسامحوني لو فهمت غلط، وأتمنى ربنا يطهّر قلبي ويثبتني على الصح. انا مش متدين كفاية بس كفاية كدا علشان اللي يستر مسلم ستره الله سامحوني على الإطالة

4

2