تربية

Strawberry_87273 🇪🇬

منذ ساعتين

شعور مكتئب

جالي أيفون 16 جالي خاتم Pandora روحت حفلة black pink في فرنسا دخلت كليه بحبها خاصة جبت اسكين كير كوري سافرت كوريا 🇰🇷 اتفسح غيرت استايل لبسي حضرتك العيد الوطني السعودي روحت المتحف المصري الكبير ركبت خيل (بابا جابلي كل حاجه يعوضني عن فقدان اهم حاجه بس نسي ان اللي كان بيعوضني عنه طلع كداب ومش العوض

Strawberry_87273 🇪🇬

منذ ساعتين

شعور مكسور القلب

اصعب حاجه انك تبقي بتضحك و مبسوط بس من جوا بتقطع ❤️‍🩹جربت كل حاجه تكسرك _فقدان الام وانت صغير _فقدان الاب المسافر بتعدد زوجاته _اتربيت في بيئة غلط غير مناسبة مع جيلك نهائي _ممنوع تقول لا ممنوع تختار مستقبلك _ممنوع اختار حلمي (ابقي اشهر كيبوب أيدول و مدربة كيبوب) _ممنوع احب _ممنوع اصاحب اي حد وبذا

Potato_86280 🇪🇬

منذ يوم واحد

شعور متعب

أنا حاسة إني اتربيت على الخوف… أمي دايمًا كانت تعلّمني أهرب من المشاكل حتى لو حقي معايا، وده خلّاني أكبر وانا بخاف من الناس ويتضحك عليّ بسهولة. أخويا بتصرفاته بيخلّيني أكره البيت، وخوالي دايمًا متدخلين في حياتي وكأن قراراتي مش ملكي… كأني ملوش أهل يدافعوا عني. كل ده بسبب إن ماما مش بتعرف تتعامل فبتسي

Lemon_34495 🇶🇦

منذ يومين

شعور لا مبالٍ

يا جماعة، في موضوع مهم نفسي أتكلم فيه بصراحة: غرق الشباب في فكرة «الحب» والعلاقات الرومانسية لحد ما بقت تملي حياتهم وتسرق منهم حاجات أهم. الأمة الإسلامية حالها دلوقتي مش باين عليه غير إنه فيه أزمات كبيرة — ظلم وقمع للحريات، بعد عن الدين، وجوع وموت ناس بسبب الفقر. و دلوقتي بقي واضح ان في ناس بتحاول

عبّر عن شعورك بشكل مجهول

يا جماعة، في موضوع مهم نفسي أتكلم فيه بصراحة: غرق الشباب في فكرة «الحب» والعلاقات الرومانسية لحد ما بقت تملي حياتهم وتسرق منهم حاجات أهم.

الأمة الإسلامية حالها دلوقتي مش باين عليه غير إنه فيه أزمات كبيرة — ظلم وقمع للحريات، بعد عن الدين، وجوع وموت ناس بسبب الفقر. و دلوقتي بقي واضح ان في ناس  بتحاول تهدم أخلاقنا وقيمنا، وده واضح في بقي واضح في طريقة تعاملنا مع بعض.

الأخلاق بين الناس دلوقتي متعبة: رجالة ونسوان متزوجين ومعندهمش استقرار حقيقي، كل واحد بيسعى يسيطر على التاني و عاوزين يكونوا انداد لبعض و الدين بيحث ع الطاعة والاحترام، و دة طبعا في إطار الاحترام المتبادل والاستقرار مش السيطرة، دة غير ان
طبيعة الرجال بتخليهم يلاقوا صعوبة في انهم يكونو منقادين، بس ده ما يمنع إننا نطلب ان الطاعة تبقي  بالتفاهم والرحمة، وصدقوني لو اصرينا علي الصراع دة ده هنخلي البيوت ساحات معركة بدل ما تكون ملجأ.

زمان الستات كانوا سند لبعض — جيران، أخوات، قرايب — كانوا بيساندوا أي أم جديدة أو أي واحدة محتاجة. دلوقتي الاعتماد بقى كله على الزوج، والزوج ساعات لازم يكون كل حاجة: صاحب، أهل، سند و ده بيحط عليه ضغط كبير.

كمان في أمر نفسي مهم: الغيرة والحسد والطمع والعند والكبر والبخل — الصفات دي بتشوه العلاقات، ومش عايزين نتهرب منها أو نعتبر كل إحساس مبرر لحد ما يوصل لإيذاء التاني. لو إحساسك مضايقك، رجاءً ماتخليش ده مبرر لنظرة او نبرة او تصرف يئذي الناس.

والحقيقة إن الإنترنت والسوشيال ميديا لعبوا دور كبير: خلو الناس أقل احتياجًا للتواصل الإنساني الحقيقي. ممكن تكون قاعد جنب حد و انت بتسكرول ع الموبايل بدل ما تتكلم مع اللي قدامك. ده خلانا نعيش في سطحية كتير، ونخلي الحوارات المهمة بتاعتنا تتبدد في لايكات وتعليقات.

المشكلة الأكبر إن كتير من الشباب مركزين على إزاي يتجوزوا أو يلاقوا الحب وكأن ده محور حياتنا. طيب وخلّينا نسأل: إيه اللي هيبني شخصيتنا؟ إزاي هنربي عيالنا؟ إزاي هنحمي ولادنا من المشاكل؟ لو الحب واخد 80% من تفكيرنا وفيه حاجات أهم محتاجة نشتغل عليها.

طبعًا إحنا هنصلي استخارة وهنحاول نتعرف في إطار شرعي لما نيجي نتزوج، بس ممكن يكون الموضوع مش مستاهل اكتر من 20% من اهتمامنا، لكن لازم نبص للصورة الأكبر: الأمة محتاجة نصلّح وضعنا الاقتصادي والأخلاقي والاجتماعي. في قوى داخلية وخارجية بتحاول تضعفنا، وواجب علينا نرجع لأخلاقنا ونبني روابط دعم حقيقية بين الناس.

وأخيرًا — التاريخ بيروي لنا قصة بتوجع القلب وتعلمنا درس كبير:

التاريخ بيحكي إن في زمن الحروب الصليبية، الصليبيين بعتوا جاسوس لأرض الأندلس — اللي كانت في الوقت ده تحت حكم المسلمين — علشان يراقب أحوالهم ويشوف هل ممكن يغزوهم ولا لأ.

الجاسوس كان ماشي في شوارع الأندلس، لحد ما شاف غلام صغير قاعد بيعيط، وصاحبه جنبه بيحاول يهدّيه.
فاستغرب الجاسوس وسأل اللي واقف جنبه:
– «هو صاحبك بيعيط ليه؟ حصل له إيه؟»

فرد عليه الولد وقال له:
– «هو بيعيط علشان النهارده لما كان بيتدرّب على الرماية، أصاب تسعة سهام بس من عشرة، وكان متعود دايمًا يصيب العشرة كلهم. فعشان كده زعل جدًا».

الجاسوس اتصدم من اللي سمعه، وراح كاتب في تقريره للصليبيين:
 «مستحيل تقدروا تهزموا الناس دي، ما تغزوش بلادهم. دول لسه قلوبهم قوية وهمّتهم عالية، ودموعهم بتنزل على خطأ بسيط في التدريب!».

مرت السنين، واتبدلت الأحوال.
نفس الجاسوس اتبعت تاني بعد فترة طويلة، علشان يشوف التغييرات اللي حصلت.
وهو ماشي في أرض المسلمين شاف مشهد شبه اللي شافه زمان: ولدين قاعدين، واحد فيهم بيعيط، والتاني بيحاول يهديه.

فسأل نفس السؤال:
– «هو صاحبك بيعيط ليه المرة دي؟»

الولد رد عليه وقال له:
– «بيعيط علشان البنت اللي بيحبها سابته وراحت لواحد تاني».

وهنا الجاسوس ضحك ضحكة خفيفة، وكتب في رسالته التانية لقومه:
 ((( اغزوهم الآن فإنهم مهزومون ))).

القصة دي بتنبهنا إن ضعفنا مش دايمًا في السلاح، ساعات في قلوبنا وفي أولوياتنا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_86978 🇩🇿

منذ 4 أيام

شعور منزعج

بغيت نعرف وجهة نظر الاولاد كي تدوموندي طفلة وتقولك لا 🙅‍♀️ علاه متجبدش روحك وتبقى غير تعاود وتعاود ،ولا تطلق فيها تيكيات ،خصوصا كي تكون طفلة خاطيها ومتمشيش مع ذراري علاه تبقا تعاود وتكرهلها حياتها 🙂؟

Mushroom_29414 🇪🇬

منذ 6 أيام

شعور مذنب

عبّر عن شعورك بشكل مجهول

السلام عليكم ورحمة الله وبركاته 
جماعة أفيدوني لو حد يقدر 
انا واحدة بتحب عيلتها جداً لدرجة فوق الوصف وبدعي في كل صلاة ربنا يحفظ بابا وماما وربنا يشهد قد اي عملو وضحو عشاني انا واخواتي بس المشكلة اني بقيت حاسة بالذنب لدرجة فظيعة انا كنت في كلية مش بتاعتي ولا مكاني بعد الي حصل في ثانوي حرفيا بعد ما انطحنت مذاكرة والمحصلة صفر وجالي اكتئاب مزمن وحاجات كتير حصلت يعني مش الطف حاجة المهم عشان خاطرهم وعدت اني معملش بعد كده حاجة ممكن تزعلهم المهم بعد سنتين كاملين في الكلية دي لقيت بابا بيكلمني وهوا مبسوط أن في تقديم فتح لكلية خاصة طبية ومجموعي جايبها اترددت بس قلتله ماشي وانا عارفة أن الموضوع مش هيعمل بس كمل واخويا في نفس الوقت دخل اولى كلية وخاصة برضو واخويا اصغر واحد في اولى ثانوي وطبعاً مقلكوش المصاريف عاملة ازاي غير سكن الكلية وشغل بابا مش مستقر اصلا ومرتب ماما على المرتبات القديمة فأنا مش عارفة المصاريف دي كلها هيوفروها ازاي وحاسة بالذنب اوي صحيح انا مبسوطة بالمكان الي انا فيه دلوقت بس ناعية همهم لدرجة أن كل ما افكر في الموضوع الاقي صوت بيقولي لو كنتي ميتة كان أحسنلهم بدل همك انتي كمان فأنا مش عارفة اعمل اي وازاي ابطل الشعور ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_83350 🇪🇬

منذ 6 أيام

شعور مكسور القلب

بوضح لبوست سابق ده تالت واحد انزله بحكى عن أثر التعنيف عليا من سن ٨ سنين لحد ٢٣ وصلنى لايه فيه تلاتة ردوا فهموا انه احلام يقظة أنا الى بفصل نفسى إراديا بأحلام يعنى ابعد عن الواقع و القلق المؤلم و فيه فهمها قلة ثقة أنا منفصلة عن ذاتى لا إراديا أه و بهملها من كتر ما بركهها كره كبير و فيه فهم انه

Banana_87215 🇪🇬

منذ أسبوع واحد

شعور محبط

عبّر عن شعورك بشكل مجهول

انا متجوزه بقالي ٦ سنوات وخطوبه سنتين انا دايما في مشاكل مع جوزي بسبب عصبيته واندفاعه من ايام الخطوبه وهو عصبي بس للاسف كنت حبيته واتعلقت بيه ساعدته ووقفت جانبه ماديا ومعنويا وكنت سند ليه لأن أهله مكنوش سند واهلي كانو سند وامي ساعدته جامد ماديا ومعنويا قبل الجواز وبعد الجواز لو وقع في اي موقف مادي كان يلجأ لامي وف الاخر بغلط فينا هو حنين وطيب بس عصبي انا تعليمي اهلي منه انا مؤهل عالي وهو مؤهل متوسط بس للاسف شكله حاطط ف دماغه كده لاني كنت كل ما اتعامل أو أكلمه كان بيفتكر اني بأمر أو بتعالي عليه وعشان كمان كنت بساعده مادياً برغم أنه راضي ومتقبل بس كأنه بيتعمد يكسرني واهله ايام الخطوبه كانت خطيبه اخوه غيرانه مني وبتعمل مشاكل ومالقتش حد يشهدبالحق لانهم يعرفوها قبلي وربنا يجازيهم علي اللي عملوه فطبيعي حسيت بفرق معامله وأنهم بعاد ومش اهلي وايام الجواز مكنش ف خصوصية وكمان انا عايشة في بيت عيلة والسوء حاجه ف الدنيا بيت العيله كنت متخيلة كل واحد هيكون ف حاجه وف خصوصية لكن مفيش الكلام ده انا شخصيتي وطباعي غيرهم والمستوي الاجتماعي والثقافي غير فكنت بتفهم غيري لكن هما لا كان بيحصل خناقات بسبب عدم نزولي كتير و القعده معاهم وسخنوا جوزي وخناقات وسبت البيت قبل كده بسببهم وضغط وهو شويه معاهم وشويه معايا بس كان ف النهاية معاهم بس بقاله مده معايا بس بعد ما اتشوهت واتدمرت وبعد ٤ شهور جواز حصل نقاش مد ايده عليا واهله اتدخلوا وقالوا بلاش تقولي لأهلك والموضوع خلص بعد ٣ شهور مد ايده بس روحت لاهلي وجبه اعتذر ورجعت بعدها صراعت برضه وبعد ٦ شهور اتطلقت طلقه بسبب أخته قولتله اتصلت بمراتك مش بترد اتخنقنا روحت لاهلي طلقني  طلقه ورجعنا وحصل حمل ف اول جوازي وسقطت مرتين وربنا كرمني بعد ٣ سنين  حملت في بنتي وانا في الرابع مد ايده عليا وسبت البيت وحصل مشاكل وغلط ف اهلي وعملت محضر بس اداري لأن ف النهاية حامل في بنته ومش عاوزه اسجنه ولا اوديه ف داهيه مع اني اقدر ورجعنا وولدت والأمور مع اهلي اتحسنت واتصالح معاهم والايام ديه حصل مشكله تافهه بينا كنت بايته وكام يوم وجيت بعد الشغل اروحلهم قالي لا ما اتفقناش ع كده روحي طبعا عشان احنا اصلا شاديين قالي لا فا انا زعلت ويمكن ده غلطتي روحت كلمتهم إني مش جاية ومروحه عشان جوزي وحصل لغبطه ف الايام وراح لاهلي يجيب حاجتي وعشان اهلي كانوا تعبانين واختي تعبت لوحدها البيت معاهم كانوا مش طابقين نفسهم والكلام جاب بعضه المهم بابا قالي ديه مش رجوله التحكم هو رد قال بعد ما نزل عيله وس.ه وع.رة 
وطبعا بعدها ما بقاش ف كلام وهو شايف إنه اتهان عشان كده غلط وطبعا هو غلط لان مهما كان ناس كبيرة ما يغلطش واهلي شايفين أنهم اتهانوا وقالوا ما يدخلش بيتنا تاني مهما حصل وهو كده كده مش ناوي يعتذر وده مضايقني  وامه ولا اخوه فكروا يكلموا حد ف البيت عندي يعتذروا ال ايه مكسوفين واخته بس كلمت امي واعتذرت وانا وهو بنتعامل وبنتكلم واتعاتبنا بس برضه انا مش صافيه وهو رافض حتي يعتذر لاهلي يقولي انسي واختي شغاله تسخين مع إن جوزها زي الزفت برضه بس ف الوقت ده المقارنه شغاله إن مش بيغلط زيه برغم أنه غلط برضه بس انا لو كان ف مشكله مع جوزها كنت بدخل بالخير ومش بسخن كده وماما ماشية وراها وانا بصراحه تعبت انا مش بدافع عنه بس الإنسان وارد أنه يغلط  واحنا ممكن نسامح لو قدرنا هو  بيحاول يتعامل عادي معايا زي زمان ويقولي وحشتيني بس  بس انا مش قادره حاجه جوايا قافله حاسه ببعد بعد حبي ليه القوي مش حساه اللي هو عايشه معاه وخلاص عشان افضل قاعده ف شقتي وبنتي تفضل ف وسطنا لأن محدش دايم لحد ولا بيصرف ع حد وبرغم اني بشتغل بس مش هقدر لوحدي وبنتي لسه ف بدايه الحياة مصاريف كتير 
عاوزه حل في حوار اهلي لانهم شايفين رجعت اتعامل مع جوزي ويتصل بيا قالتلي هو انتي موافقه ع تهزقيهم مع إن ربنا عالم عملت ايه عشانهم وبعمل ايه دايما عشانهم بس مش هقدر اقول لحد اتصل اعتذر مع اني قولت مرة واخته اتصلت 
انا مش بقول برضه إن كله عيوب اكيد كلنا عيوب هو كريم وطيب وحنين وبيساعدني ف البيت لو تعبانه بس هو عصبي والعصبية تخنق مع لسانه الطويل وان مش بيميز قصاد مين أو وسط مين وممكن يفرج علينا الناس 
انا مش هنكر إن ف الاول مكنتش واخده ع الحياة الزوجيه وكنت بعند وبنتعامل كأننا عيال بس مكنتش متخيلة أنه يبقي كده او يمد ايده ويغلط كنت متخيلة هيحتوي من غير كل ده انا بقيت منه عصبيه اوي وبقيت واحده تاني هو وأهله غيروني من طريقتهم
 انا تعبت بجد من الحياة والايام اللي انت عايشاها اوقات بحس نفسي اموت وارتاح بس لاحق نفسي إني مااوصلش للأكتئاب وبستغفر ربنا كنت الاول بخاف اهلي يفقدوني دلوقتي بخاف علي بنتي من الايام لو مت وسبتها 
كنت متخيلة انا وجوزي هنفضل نحب بعض العمر كله ونحترم بعض بس حبه بدأ يقل بقيت عايشه معاه تعود تقريبا بقيت مكمله معاه خوفا من الايام وع بنتي بس تعيش من غير اب وخايفه من المسئولية لوحدي مع أنه مش اب سوي بيتعصب من اقل حاجه وبالغلط والشتيمة وأوقات كان مد ايد وكل ما اقول هكمل هيتغير حتي لو ما محدش ايده ع طول حرق اعصاب عصبيه ع اتفه الاسباب وغلط وحاجه بقيت تخنق جو مكهرب 
انا خايفه اكمل اتدمر اكتر من اللي انا فيه انا موجوعه وبقيت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_86614 🇪🇬

منذ أسبوع واحد

شعور متعب

اكتر حاجة بتأذي اي حد هما أهله طبعا مش بيكون كره بس بيكون بسبب جهل أو صفات سامة فيهم و بما اني ماشية بمدأ أن اكيد في حد حياته اسوأ مني احكولي اهلكو عملو فيكو ايه يمكن تهون عليا مشاكلي مشكلتي اني حاسة أن ابويا مش عايش مع أن هو موجود معانا كل يوم عادي بس عمري ما حسيت بيه مش بيعاملني زي ما كل اب بيعام

Coffee_85432 🇪🇬

منذ أسبوع واحد

شعور مرتبك

عايزة اشتغل جمب الماستر وللأسف مش لاقية شغل في مجالي فهشتغل حاجة تانية لحد م الاقي شغل في مجالي بصراحة كدا في مقابلة لشغل في محل بن (قهوة) اروح ولا اشوف حاجة احسن مع العلم زهقت من التدوير على شغل لدرجة ان صاحب المحل قالي انه شايف الشغل دا قليل عليا انا خريجة تربية بيولوجي وبعمل ماستر في الصحة النفسي

Marshmallow_69067 🇪🇬

منذ أسبوعين

شعور عاطفي

الخوف!! زمان ولحد وقت مش بعيد كنت بخاف افكر لوحدى لان طول الوقت كنت بتخوف من انى امشي بدماغى لانى اكيد هغلط ..بخاف اعترض ع وضع مش عاجبني عشان مضايقش الاطراف التانية بخاف بخاف بخاف اتربيت ع فكرة امشى ع وصفة الكبار المتجربة عشان متغلطيش لحد م إتعلمت انى من حقي اغلط وإن دا لا ينتقص منى شئ ومش لازم ك

Toast_77746 🇪🇬

منذ أسبوعين

شعور محبط

صدااااع رهيب من كتر التفكير فى كل حاجه حصلت وكل حاجه لسا محصلتش ساعات بقول ان مشاكلى دى كلها حلهل هو حضن واحد من شخص بيحبنى بجد وساعتها دماغى بتروح لسؤال هو احنا ليه متربناش وسط اهل عادى انهم يحضنو عيالهم فى كل وقت واى وقت ليه الواحد يراجع كل حياته ميفتكرش حضن واحد حتى من امه !

Donut_81952 🇪🇬

منذ 3 أسابيع

شعور لا مبالٍ

موضوع:

اهلك عملوا معاك ايه مش هتعمله مع عيالك؟

هحاول مقارنهمش بأي حد من اخواتهم وصحابهم، هحاول اخليهم ميخافوش يحكوا لي أي حاجة وميخبوش عليا حاجة، ولو عايزين يعلموا حاجة في حياتهم مادام مش ضد الدين اشجعهم وادعمهم ومحبطهمش يعني وكدة احاول يعني مخليهمش محتاجين لحد

Grape_69160 🇪🇬

منذ 3 أسابيع

شعور متوتر

الوجع اللي بنحسه ساعات مش عشان عندنا وحدة او احنا مش ناقصيبن تقدير او حتي اهتمام ساعات بيكون الموضوع من اوله ...يعني ايه من اوله ......يعني ممكن من الاهل ..الاهل مش فاهمين اهميه الصحة النفسية والتربية السويه النفسية ...المناسبه لكل طفل ...بس منقدرش في يوم ان احنا نعاتبهم علي جهلهم بلحاجات دي او حتي

Apple_83539 🇩🇿

منذ 3 أسابيع

شعور وحيد

عبّر عن شعورك بشكل مجهول

أنا ولدت يتيم بدون أم و أب حي وكأنه وهم في حياتي ولا مره سأل عني أنا الآن عمرري ثمنيه وعشرون بدون عائله أني اعاني كثيرا مفسيتي تعبت ماحد عندي في عمري ماحسيت بحنان الأم ولا اعرف ماهو شعور الحنان انني أعاني من حرمان العاطفه منذ طفولتي تربية عند أهل أبي الذي رماني عندهم وهناك عانيت من كلامهم الجارح وضرب عمي لي بصفعات على الوجه وعقد عمتي التي كانت تنعتني بكلام جارح يهين الانسان حتى ضعفت في دراستي واصبحت الأخير في المدرسه لكن استمرية حتى مرحلة الثالثه متوسط بعدها قال لي عمي توقف عن الدراسه واشتغل في المقهى وقال لي بأنه درس وانهى دراسته ولم يجد شغل 
فقتنعت بكلامه ولم اكن اعرف ان السجن الذي كنت فيه قد اصبح اضيق لأني وافقت على كلامه
اصبعت مثل العبد شغل من الظهيره إلى الليل لمدة سنتين ونصف كان يعطيني كل أسبوع نصف دولار ويقول لي أنا أجمع  لك مالك كنت اعاني ليس عندي دراهم وفقط اشتغل كنت احزن ولا اعرف ماذا افعل وكان هناك شغال ثاني يسألني هل يعطيك عمك الفلوس كنت اقول نعم يعطيني وأنا اصرفهم كلهم كنت اكذب على نفسي ماذا افعل كل شيء يلومني 
كنت في عمر 14 سنه وكان هناك طفل في نفس سن تبعي حدث بيننا تلاحم كلام فقمت بضربه بعد دقاىئق أتى بخاله وقام بصفعي وخنقي ورآه الجار الذي امامنا وقال لي مرة لما ذهبت إلى دكانه لماذا لم تخبر عمك سكندر قلت له سوف اخبره وكانت عيني احمرت 
كيف اخبر عمي الذي يضربني لا. احس بالأمان معه تعبت لم استطع التكمله 
😞😞

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع